Британија и Франција ги враќаат украдените артефакти од Африка за време на колонијалниот период

Факултет на Универзитетот во Кембриџ и Парискиот музеј денеска ги вратија културните артефакти ограбени од Западна Африка за време на колонијалниот период, поставувајќи преседан што ќе ги притисне и другите институции да почнат да ги враќаат делата.

Колеџот Исус во Кембриџ ќе ја врати статуата на петел украдена од британските војници во 1897 година, еден од стотиците бронзени предмети ограбени од некогаш моќното Кралство Бенин, кое се наоѓало во денешна Нигерија. Ова се некои од културно најзначајните африкански артефакти.

„Ова е од почит кон уникатното наследство и историја на овој артефакт“, рече Сонита Алејн, директорка на колеџот, пред церемонијалното предавање на статуата на нигериската делегација.

Статуата му била дадена на колеџот во 1905 година од татко на студент. Колеџот објавил во 2019 година дека ќе го врати во Нигерија.

Настанот е пресвртница во долготрајната борба на африканските земји за враќање на делата ограбени од западните истражувачи и колонизатори, во време кога многу европски институции се борат за да се справат со културното наследство од колонијализмот.

Според француските историчари на уметност, речиси 90 отсто од културното наследство на Африка е во Европа.

Само во парискиот музеј на кејот Бранли има речиси 70.000 африкански предмети. Британскиот музеј во Лондон поседува уште десетици илјади.

Германија се согласила следната година да започне со враќање на бронзите од Бенин што ги чува во своите музеи.

Британскиот универзитет во Абердин соопштил дека утре ќе врати една бронзена скулптура од Бенин што ја прикажува главата на кралот Обе. Тие ја купиле скулптурата на аукција во 1957 година.

Францускиот претседател Емануел Макрон им рече на студентите од Буркина Фасо во 2017 година дека „африканското наследство не може да се најде само во европските приватни колекции и музеи“.

На церемонијата со која претседава Макрон, музејот Бранли Кеј ќе врати во Република Бенин 26 артефакти украдени од Кралството Абомеј во 1892 година. Тоа е дел од 5.000 дела чие враќање ги бара таа западноафриканска земја.

Нигериската влада му се заблагодари на колеџот Исус што го отвори патот за враќање на уметничките дела и рече дека со нетрпение очекува други институции да ги вратат артефактите.

Британскиот музеј зборува за „можности за споделување и изложување“ на предмети од неговата колекција од Нигерија, но никогаш не кажале дека ќе ја пренесат сопственоста.

Видео-Фото: Ибра како вистински борец

Еден од најдобрите светски фудбалери во последните две децении, асот на Милан Златан Ибрахимовиќ покажа дека и со 40 години е вистински „ѕвер“.

Популарниот Ибра покажа дека со право не само што е мајстор со фудбалската топка дека е мајстор и во боречките вештини.

Шведскиот фудбалер со потекло од Балканот покажа и докажа зошто е носител и на црн појас.

Ибра како вистински ММА борец ја растури боксерската вреќа.

За Златан дефинитивно годините се само бројка.

Заради промоција на спортот, Златан има почесен црн појас во теквондо, кој во 2010 година му го додели олимпискиот шампион Мауро Сармиенто. Повеќе од десет години подоцна, Ибрахимовиќ се уште удира многу силно.

Најпродаваните автомобили во Европа

Со години првото место беше резервирано за „Volkswagen Golf“, а во октомври не е ниту меѓу првите десет во Европа, според „JATO Dynamics“.

Нарушувањата во производството на нови автомобили поради недостаток на чипови се веќе познати и поради тоа фаворитите во продажба од месец во месец изгледаат поинаку. Со години првото место беше резервирано за „Volkswagen Golf“, а во октомври не е ниту меѓу првите десет во Европа, според „JATO Dynamics“.

Првото место сега го има одличниот мал „SUV Peugeot 2008“ (18.109 продадени примероци), втор е „Renault Clio“ (14.639), потоа „Dacia Sandero“ (14.034), „Peugeot 208“ (13.978), на петтото место е „Ford Focus“. (12.704)…

Голфот испадна од првите десет - продадени се нешто повеќе од 11.000 возила. Поради недостиг на чипови, фабриката на Фолксваген во Волфсбург, Германија, работи на ниво кое не е забележано од 1958 година, пишува магазинот ХАК.

Санкционирани 78 возачи на автопат Велес – Скопје – Куманово

 На автопатот Велес – Скопје – Куманово при зајакната акциска контрола денеска се санкционирани 78 возачи кои возеле со брзина поголема од дозволената, информираат од Министерството за внатрешни работи.

Од нив, 22 возилa се движелe со брзина над 50 километри на час повеќе од дозволеното, а шест возила се движеле со дури над 70 километри на час повеќе од дозволената брзина.

Од МВР посочуваат дека засилените акциски контроли продолжуваат и во наредните денови и апелираат до сите учесници во сообраќајот да ги почитуваат сообраќајните правила и прописи со цел заеднички придонес за побезбедни патишта.

притисни ентер