Британец платил 1.700 евра за ќебап на Копакабана- го уапсиле - Канал 5

Бизарно

Британец платил 1.700 евра за ќебап на Копакабана- го уапсиле

Британски турист доживеал непријатна ситуација на светски познатата плажа Копакабана во Рио де Жанеиро, каде што му биле наплатени дури 1.700 евра за ќебап.

Британец платил 1.700 евра за ќебап на Копакабана- го уапсиле

Според наводите, измамникот го променил износот на ПОС уредот и му наплатил многу повисока цена наместо договорените 1,75 евра. Полицијата се сомнева дека уредот бил наместен за да се наплати значително поголем износ од прикажаниот, пишува „Мирор“.

Уапсен е еден од измамниците

Бразилската полиција уапси осомничен за измамата, велејќи дека таа е дел од бран дрски измами насочени кон туристи на популарните плажи. „Го приведовме сторителот кој измамил британски турист на Копакабана користејќи ПОС уред“, се вели во полициското соопштение. Според весникот „О Глобо“, уапсениот маж наводно е член на организирана група за измама на странци, првенствено во добро познатите области на Рио како што се Ипанема и Копакабана.

„Нема контрола врз уличните продавачи на плажата“

Шефицата на туристичката полиција во Рио, Патриција Алемани, изјави за бразилските медиуми дека нејзиниот тим, DEAT, активно работи на пронаоѓање и апсење на луѓе кои се обидуваат да изнудат пари од туристите. „Нашиот оддел веќе уапси криминалци како овој во неколку наврати. Сепак, нема контрола врз уличните продавачи на плажата, што создава хаотична средина и во голема мера го олеснува овој вид криминал“, предупреди Алемани.

И други туристи се цел на напади

Ова не е единствениот случај. На еден турист од Аргентина му беа наплатени речиси 3.450 евра за варена пченка со маргарин, која требаше да чини само 3,50 евра. „Не разбирам бројки на португалски. Не го зборувам јазикот“, рече измамениот турист. На друг турист, од Колумбија, му беа наплатени 460 евра за бразилски коктел, каипириња.

Предупредување и за измамата „Боа Ноите, Пепелашка“

Покрај финансиските измами, властите предупредуваат и за опасен метод во Бразил познат како „Боа Ноите, Пепелашка“. Во овие случаи, туристите стануваат жртви на гламурозни жени кои им ставаат силни седативи во пијалоците, а потоа ги ограбуваат додека се во несвест.

Дваесет и едногодишен Британец изјавил дека ја изгубил свеста по само неколку голтки алкохол на летен одмор. Подоцна бил пронајден во несвест на плажа, а животот му го спасил минувач. Студентот открил дека три жени му понудиле коктел каипириња пред инцидентот.

Тагови: Копакабана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото „Жешката“ Италијанка„го запали“ Светското првенство и социјалните мрежите

Атрактивната италијанска ТВ водителка  Елеонора Инкардона импресионираше на самиот почеток на Светското  фудбалско првенство иако нејзината Италија не учествува на 23 Мундијал.

Фото „Жешката“ Италијанка„го запали“ Светското првенство и социјалните мрежите

Сексапилната Елеонора со серија фотки го запали социјалните мрежи и сега сите како што минуваат деновите, очекуваат нови изненадувања од неа.

Италијанската водителка Елеонора Инкардона, која многумина ја нарекуваат најубавата Италијанка, објави серија фотографии од Светското првенство, овој пат го следеше натпреварот помеѓу Франција и Сенегал.

Елеонора на мечот се појавила во комплет составен од панталони и топ, во светли нијанси.

Ефективна шминка и само една нараквица дополнително го надополнија целото издание, а Елеонора позираше со насмевка и уживаше во сите комплименти што ги привлече.

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Нејмар го пропушта и 2 коло на Мундијалот

Ѕвездата на фудбалската селекција на Бразил, капитенот Нејмар  го пропушта и дуелот од 2 коло  против Хаити на Светскиот шампионат во САД, Канада и Мексико, потврди тамошната Федерација.

Нејмар го пропушта и 2 коло на Мундијалот

Нејмар нема да патува во Филаделфија за натпреварот од второто коло од групната фаза. Тој ќе остане во Њу Џерси, каде што влегува во завршната фаза од процесот на рехабилотација од повредата.

Синоќа Нејмар тренираше за прв пат откако се приклучи на репрезентацијата на Бразил за Светското првенство.

Тој работеше индивидуално во теретаната на хотелот каде што престојува делегацијата. Сè уште му е забрането да учествува во активности што бараат физички контакт.

Тој не одиграл официјален натпревар од 17 мај, а оттогаш е посветен на единствената цел - рехабилитација. Прашањето е дали ќе биде во протоколот за натпреварот против Шкотска на 25 јуни.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Кралицата на провокациите повторно во секси бикини

Една од најубавите жени на светот, манекенката Емили Ратајковски повторно го запали интернетот со серија објави каде што позира во бикини, но во некои провокативни фустани. 

Фото: Кралицата на провокациите повторно во секси бикини

Моделот Емили Ратајковски се појави во центарот на вниманието кога откри непознати детали за нејзиниот развод и животот потоа, откривајќи сè за нејзините авантури за една ноќ ...

Убавата Емили која е позната и како кралицата на провокациите сега ги воодушеви фановите на социјалните мрежи со серија фотки на кои позира или во бикини или во провокативен фустан .

Бидејќи моментално ужива во одморот, таа ја одбра својата омилена дестинација - Мајорка, Емили позираше во бикини кои речиси откриваа премногу, а потоа покажа црвен мрежест фустан кој речиси ништо не покрива.

Тагови: Емили Ратајковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер