Последните покраински избори во Германија за оваа година донесоа остри политички пресврти.

Левицата го освои Берлин, додека Алтернатива за Германија победи во Мекленбург-Западна Померанија, а ЦДУ претрпе големи загуби на двата избори.

Резултатот значи дека претходната коалиција на ЦДУ-СПД во главниот град повеќе нема мнозинство. ЦДУ го бележи својот најлош резултат во историјата на покраината со само 4,9%, Алтернатива за Германија е новата народна партија во државата, изјави копретседателката на оваа крајнодесничарска партија, Алис Вајдел, по покраинските избори во Берлин и Мекленбург-западна Померанија.

Канцеларот Фридрих Мерц го нарече „слаб“ и побара негова оставка.според анкетата објавена од германскиот јавен сервис АРД, во сојузната покраина Мекленбург-Западна Померанија, АФД повторно се позиционира како најубедлива политичка опција со 37 отсто поддршка, додека ЦДУ останува на 5,5 отсто и паѓа на петтата политичка позиција.

Во Берлин, изборната сцена е сосема поинаква.

Во главниот град и еден од најнаселените градови-држави во земјата, левичарската партија го зазема првото место со 25,3 отсто, по што следуваат ЦДУ со 19,1 отсто, АФД со 16,2 отсто, канцеларот Фридрих Мерц рече дека нема начин да се ублажи “ резултатот на ЦДУ во Мекленбург-Западна Померанија.

„Тоа е катастрофа“, рече лидерот на ЦДУ во изјава во седиштето на партијата во Берлин. Тој рече дека неговата партија е „исцедена“ бидејќи натпреварот се стесни на битка меѓу Социјалдемократската партија и Алтернатива за Германија.

Тој заврши со предупредување за „авторитарниот отров“ за кој рече дека сè повеќе наоѓа пат во општеството преку „фасцинацијата со авторитаризмот“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Со оглед на тоа што цените на нафтата на берзите, во текот на измината недела беа над 100 долари за барел, останува неизвесно каква корекција на цените ќе има денеска.

Минатата недела бензините поскапеа за 3 и пол, а дизелот поевтини за два денари за литар.

Бензинот БС-95 во моментов се продава 100,5 денари, 98-цата за 102,5 денари, а дизелот за 99 денари за литар.

Во последните цени, освен намалената акциза, е вкалкулирана и новата владина интервенција со која ДДВ-то за дизелот привремено се намалува од 18 на 10 проценти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Денеска, 21 септември, православните верници ја одбележуваат Мала Богородица, празникот Раѓање на Пресвета Богородица, со кој во македонската народна традиција се поврзуваат бројни обичаи и верувања. Едно од нив е особено интересно во овој период од годината – се верува дека времето на Мала Богородица може да навести какви ќе бидат есента и зимата.

А денешниот ден во Македонија осамна облачно. Утрото го пречекавме под облаци, додека во текот на денот се очекуваат периоди на разведрување и појава на сончеви интервали.

Токму поради тоа, ако се водиме според старото народно толкување, денешниот празник Мала Богородица би можел да се опише како своевидна „мешавина од знаци“. Не нè пречека целосно ведро и сончево утро, но облачноста не значи дека целиот ден ќе остане под облаци. Есента и зимата, фигуративно кажано, денеска „испраќаат порака“ – облачното утро според народното верување може да најави порано заладување, додека разведрувањето и сончевите периоди во текот на денот оставаат простор за верување дека нè очекуваат и уште многу убави и благи денови.

Што вели народното верување?

Според едно од распространетите народни верувања, доколку на Мала Богородица е ведро, сончево и без облаци во поголемиот дел од денот, претстојната есен и зима би требало да бидат благи, без многу студени денови.

Спротивно на тоа, облачното време на овој празник во народната традиција се толкувало како најава за постуден период. Во некои народни преданија се наведува дека особено се набљудувала промената на времето во текот на самиот ден, па смената на облаци и сонце можела да се толкува како најава за променлива есен.

Во минатото, кога немало современи временски прогнози, луѓето внимателно го следеле однесувањето на облаците, ветерот, температурата, животните и растенијата и врз основа на искуството создавале изреки и правила кои се пренесувале од генерација на генерација.

Мала Богородица била важен пресврт во годината

Не е случајно што токму со овој празник се поврзуваат толку многу верувања за времето. Мала Богородица се одбележува во периодот кога летото дефинитивно се приближува кон својот крај, а природата влегува во есен.

Во традиционалниот живот во Македонија, овој празник имал и практично значење – се поврзувал со почетокот на есенските земјоделски работи, орањето и сеидбата на озимите култури, а периодот околу Мала Богородица бил поврзан и со почетокот на есенските свадби.

Затоа, некогаш погледот кон небото на овој ден се сфаќал многу посериозно отколку денес. Времето не било само прашање дали денот ќе биде пријатен за прошетка или работа – од него зависеле земјоделските активности, приносот и подготовката на домаќинствата за постудениот дел од годината.

А според денешното небо, по облачното утро, сончевите периоди во текот на денот оставаат простор за различни толкувања. Ако се протолкува во духот на старото народно верување, есента би можела да биде променлива – со први постудени периоди, но и со доволно сончеви и топли денови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.