Британец е осуден за убиство, зашто ќерка му починала од гојазност: Не ми беше пријатно

Британец е прогласен за виновен за убиство на својата ќерка со посебни потреби, откако ѝ дозволил да стане фатално здебелена за време на првото заклучување на Ковид.

Алун Титфорд (45) би можел да биде затворен откако поротата го прогласи за виновен за убиство од небрежност на неговата 16-годишна ќерка Кајлеа.

Нејзината мајка, Сара Лојд-Џонс, се изјаснила за виновна за истото обвинение во декември. Таа и Титфорд имале шест деца и живееле заедно во Њутаун во централен Велс. Откако мајката го признала убиството, а таткото е осуден од поротата, конечната пресуда на судијата ќе биде изречена на 1 март.

Се верува дека ова е прв случај во Британија каде родителите се обвинети за убиство на своето дете затоа што не успеале да му ја контролираат исхраната на своето дете. Неколку слични случаи се забележани во САД.

Во моментот на нејзината смрт, на 9 или 10 октомври 2020 година, Кејлеа „живеела во услови неподобни за ниедно животно, а камоли за ранлива 16-годишна девојка која била целосно зависна од други“, рекоа обвинителите во судот.

Кејлеа е родена со хидроцефалус, познат и како вода во мозокот и спина бифида, што значело дека не можела да ги користи своите нозе. Посетувала редовно училиште иако била во инвалидска количка. Добра била во кошарка, а требало да почне да игра и за параолимпискиот тим.

Нејзиното здравје се влошило во текот на седумте месеци по првото заклучување на Ковид бидејќи била далеку од надзорот на надворешниот свет и не се вратила на училиште.

По неговото апсење, Титфорд ѝ рекол на полицијата дека мислел дека Кејлеа не станала од креветот од почетокот на карантинот. Но, во своето тврдење, тој ја променил својата приказна и тврдел дека Кејлеа останала мобилна до кратко пред нејзината смрт, способна да стане од креветот и да се движи низ приземјето од нивниот дом во инвалидска количка.

Обвинителите пред судот рекоа дека работниците од итната помош, кои биле повикани по нејзината смрт, повраќале поради мирисот во нејзината спална соба. Тие нашле останки под нејзиното воспалено тело, кое било во „навистина ужасни околности“ и тежело 146 килограми. На таванот висела хартија за муви, а дигалката што ѝ помагала на Кајла да стане од креветот била покриена со измет од мушички, било кажано на судот.

Кога умрела, ноктите на нозете не и биле исечени шест месеци, а пазувите и биле црни. Таа била 20 килограми претешка за нејзината инвалидска количка. Причината за смртта била наведена како „воспаление и инфекција во широки области на улцерации кои произлегуваат од дебелината и нејзините компликации, и неподвижност кај девојче со спина бифида и хидроцефалус“.

Титфорд пред судот признал дека ја пропуштил Кајла и ја делел одговорноста за нејзината грижа, но рече дека не е виновен за нејзиното убиство. Тој рече дека се разделил од Кајлеа откако таа го достигнала пубертетот, оставајќи ја целата грижа за неа на нејзината мајка, која од 2018 година ѝ била негувателка. Тој ѝ рекол на полицијата дека се повлекол од обврската бидејќи „таа беше женско и не ми беше пријатно да ја негувам“.

САД ја обвинија Русија за ширење дезинформации околу терористичкиот напад во Москва

САД ја обвинија Русија за дезинформации околу терористичкиот напад во концертната хала „Крокус сити хол“ минатата недела во кој загинаа 143 лица.

Од Стејт департментот изјавија дека Москва ја користи оваа трагедија за да ја оправда својата агресија против Украина.

- Мислам дека руската влада води пропаганда и дезинформација. Мислам дека сосем очигледно тие се обидуваат да го искористат овој терористички чин, овој трагичен инцидент во кој, за жал, загинаа руски граѓани за да се оправда нивната агресија во Украина, рече Милер.

Тој укажа дека Москва „не дава значање на основните факти, се измислуваат факти за да се поддржи тоа што тие сакаат да го направат“.

„Тоа е истото поведение од почетокот на војната, и за жал тие исто постапуваат и сега“, рече портпаролот на Стејт департментот.

Четврти ден од потрагата по двегодишната Данка

Четврти ден ни трага ни глас од двегодишната Данка Илиќ, која исчезна во непосредна близина на мајка си. 

Во областа утрово пристигнаа специјалци од Белград и Нови Сад и детално го пребаруваат просторот околу куќата пред која исчезна двегодишното девојче. Полицијата и денеска вршеше претреси во неколку куќи во Бањско Поље. Багерите го расчистуваат теренот бидејќи куќата на семејството е опкружена со депонија од гломазен отпад, се острануваа шутот за полицијата полесно да ја пребарува поблиската околина. 18 пожарникари-спасувачи со 5 теренски возила, придружени од далеку прочуениот белгиски овчар Зиги познат по херојските дела по разорниот земјотрес во Турција, пристигна во Бор, но засега ништо не води до трага што ќе ја разреши мистеријата. Како минува времето шансите се се помали, вели првиот човек на центарот за исчезнати деца, Игор Јуриќ. Единствена опција детето да е живо е некој да побара откуп за него или да се случи чудо вели Јуриќ, кој што го оцени случајот како исклучителоно специфичен поради возраста на детето.

„Се’ побудува сомнеж и сите оклности на ова исчезнување се сомнителни и будат сомнеж. Многу е тешко сега да се зборува за тоа. На прв поглед беше многу тешко да се поверува дека двегодишно девојче може да отиде толку далеку така што и пристигнувањето на полицијата на лице место толку брзо не ја пронајде, како прво. Второ, сите околности и пристугнувањето на тоа место зборуваме за детето како се нашло тука, подоцна многуте изјави на блиските лица на девојчето се многу контрадикторни и тоа се што апсолутно нам ни буди сомнеж. Едноставно ми се чини дека не постои личност која е во близина, а да не буди сомнеж.“- Игор Јуриќ, Директор на центар за исчезнати и малтретирани деца

Мајката на исчезнатото девојче Ивана Илиќ повторно била донесена во полициска станица за да даде изјава во врска со информациите до кои дошла полицијата. Повеќе српски медиуми денеска објавија дека вештачењето на нјзиниот мобилниот телефон наводно покажало дека многу пораки и податоци за повици биле избришани, но информацијата никој официјално не ја потврдува. Во морето од шпекулации, во јавноста се повеќе доминира впечатокот за можна инволвираност на родителите во случајот.

Инаку синоќа босанската полиција уапси три лица кои преку социјалната мрежа „Тик Ток“ тврделе дека знаат каде е Данка, побарале 50 илјади евра како награда, а по апсењето изјавиле дека се шегувале. По исчезнувањето во вторникот, во Србија за прв пат е активиран системот „Најди ме“.

Научна конференција „Македонците и граѓанската војна во Грција, 75 години потоа“

75 години од граѓанската војна во Грција која предизвика егзодус на десетици илјади Македонци од Егејска Македонија ширум светот, здружението Тга за југ го чува споменот за трагични настани, но дали и државата?

На меѓународната конференција што се одржа во Инситутот за македонски јазик, историчарот Тодор Чепреганов оцени дека по Преспанскито договор, практично самите сме се откажеле од сонародниците Грција.

-За жал со преспанскиот договор сега таму немаме македонци, туку имаме народ кој зборува јазик различен од грчкиот, се поставува и прашањето кои се тие македонци кои што учествувале во граѓанската војна ако не ги именуваме како македонци, затоа што сега имаме антички македонци во Грција и имаме овде на оваа страна други македонци, кои се тие е големо прашање.- Тодор Чепреганов - Историчар

Но, од здружението на децата бегалци - „Т’га за југ“ – велат дека Преспанскиот договор има и позитивни страни, па за разлика од некогаш кога се шепотел македонскиот јазик, денеска работите се променети на подобро.. Се најавуваат отворања на културни центри, послобдно се говори на македонски, се пеат песни и се обновува мелосот, велат од здружението...

-Ние многу тешко го примивме преспанскиот договор, промената на името за нас беше неприфатливо, меѓутоа па од друга страна мора да се признае дека после тој преспански, тој кобен преспански договор, малку по малку грците почнаа малку попријателски спрема нас, спрема нашите таму.- Евгенија Николовска – Републичко здружение на деца бегалци – Тга за Југ

Во војната за идеали помеѓу капитализмот и комунизмот во Грција, од 1946-49, Македонците влегле во борба на страната на комунистите од ДАГ со надеж за обединување и реализација на националните права.. Војната со помош на англиоските вооружени формации, ја добиле владините сили, кои преку палење и убиства, протерале според проценкит околу 50.000 Македонци, кои никогаш повеќе не смееле да се вратат во своите родни краеви.

притисни ентер