Британскиот регулатор во ја казни кинеската социјална мрежа ТикТок со 12,7 милиони фунти поради „незаконско“ користење на личните податоци на децата, соопшти Канцеларијата на Комесарот за информации (ICO).
„ICO“ верува дека ТикТок им дозволил на 1,4 милиони деца на возраст под 13 години во Британија да отвораат профили на нифната платформа во 2020 година, спротивно на официјалните правила, и ги користеле нивните податоци без согласност на нивните родители.
Истрагата на „ICO“ откри дека ТикТок не извршил „соодветни проверки за да ги идентификува и затвори профилите на деца“ кои се премногу мали за да ја користат неговата платформа.
„Постојат закони во Обединетото Кралство за да се осигури дека нашите деца се безбедни во дигиталниот свет и ТикТок не ги почитуваше“, се вели во соопштението на комесарот за информации на Велика Британија, Џон Едвардс.
Белата куќа, Европската комисија, канадската, британската и австралиската влада неодамна им забранија на нивните службеници да користат ТикТок на официјални телефони. Норвешкиот парламент и шведската војска го направија токму тоа минатата недела. САД го обвинуваат ТикТок, подружница на кинеската компанија „ByteDance“, дека е алатка на Пекинг за шпионирање и манипулирање со Американците.