Бриселската полиција спречи одржување на десничарска конференција

Белгиската полиција денеска спречи одржување собир во организација на десничарската Фондација „Едмунд Бурк“ во Брисел, на кој меѓу останатите требаше да учествуваат и унгарскиот премиер Виктор Орбан и главниот промотор на Брегзит, Најџеј Фараж.

- Властите одлучија да го спречат настанот поради можност за јавни нереди, изјави претставник на полициската управа на Брисел.

Организаторите на собирот, насловен Конференција за национален конзервативизам, соопштија дека полицијата ги информирала оти „постои ризик демонстранти да предизвикаат граѓански нереди во текот на попладнето“.

При интервенцијата на полицијата, Фараж рече дека сфаќа оти „полицијата многу, многу сака да го спречи“ настанот.

- Ако сакаат да го спречат, може да го направат тоа со мене на бината, изјави Фараж поздравен со овации од присутните на собирот.

Претставник на еден од коорганизаторите на собирот, тинк-тенкот Колеџ „Матијаш Корвин“ (МЦЦ), Френк Фуреди оцени дека ваквиот потег претставува диктатура.

- Тие се обидуваат да искористат техничка причина за да пренесат политичка поента. Рекоа дека ако не прекинеме, ќе ја исклучат струјата, изјави Фуреди за „Политико“.

Ова е трета локација на која требаше да се одржи Конференцијата, откако сопствениците на првите два избрани објекти им откажале на организаторите, поради, како што тврдат тие, притисок од локалните левичарски власти.

Емир Кир, градоначалник на бриселската општина Сен-Жос-тен-Нод, на чија територија се наоѓа објектот во кој требаше да се одржи собирот, од претходно најави дека ќе „преземе мерки за да го спречи“ настанот.

Друг претставник на МЦЦ, Ентони Гиланд најави дека ќе се обидат преку суд да ја оспорат одлуката на Кир со цел собирот сепак да се одржи.

Според планот, Конференција за национален конзервативизам требаше да се одржува денеска и утре. /МИА

Вучиќ во ОН за резолуцијата за Сребреница: Не очекувавме „нож во грб“ од некои држави

Претседателот на Србија, Александар Вучиќ, престојува во Њујорк, каде што оствари повеќе средби со постојаните претставници на земјите членки во ОН.

Во Њујорк, во четврток, на 23 мај, претседателот Вучиќ ќе присуствува на седницата на Генералното собрание на ОН на која ќе се разгледува предлогот резолуција за Сребреница, пренесе Телеграф.

Претседателот Вучиќ во текот на денот ќе има повеќе средби со бројни постојани претставници на земјите членки во ОН.

На почетокот на обраќањето од Њујорк, тој рече дека добивме разочарувачки информации дека некои земји ќе го променат ставот во однос на резолуцијата и ќе застанат на страната на оние кои се големи и силни, но ќе има и такви кои ќе го издржат притисокот и ќе се борат за вистината.

„Добивме податоци, ќе има разочарувачки вести за односот на некои држави, од кои не очекувавме нож во грб, но ќе има и такви кои ќе го издржат притисокот“, изјави Вучиќ.

Претседателот укажа на парадоксот што Германците ќе отворат дискусија за тоа.

„Ако по Првата и Втората светска војна, ако Германија ни суди со воведно обраќање... ќе им одговорам. Гледам дека некои веќе зборуваат што ќе прави следната влада, бидејќи сакаат да бидат марионети. Не се согласувам со тоа, ниту се борам за зачувување на столчето, како и сите луѓе овде, се борам за Србија и му благодарам на огромниот тим на луѓе“, рече претседателот.

Претседателот додава дека црногорските амандмани одиграле многу валкана улога во сѐ и дека тоа е направено по нечија наредба.

„Мислеа дека сме глупи и дека сите ќе прифатат да имаат изговор пред граѓаните, да кажат дека сега имаме амандмани и дека не сме колективно виновни. Win win ситуација. Тие не разбираат дека тие не ме купија со тоа. Мислеа дека ќе го прифатам она што ми е полесно за да ја зачувам власта, но никогаш не сум го направил тоа“, истакна тој.

Претседателот вели дека не ни останува ништо друго освен да имаме верба во себе и во Бога.

„Србија овде ја брани својата слобода“, рече Вучиќ.

Претседателот се заблагодари на народот на Србија кој се обедини.

„Никогаш не сум се чувствувал погорд. Сега кога ги слушам објаснувањата зошто некои земји ќе гласаат да, само се насмевнувам и продолжувам понатаму. Застанавме пред најмоќните сили. Ќе одговориме храбро и вистинито“.

Прашањето број еден е зошто се носи оваа резолуција, која е намерата и кој ја носи и зошто ја носат резолуцијата во овој момент.

„Дали тоа ќе обедини некого, луѓето во БиХ и во регионот. Не, ништо повеќе нема да го подели регионот од ова. Германците и тие во Сараево не можеа да донесат полоша одлука. Па што постигнавте со тоа? Што ќе направите утре, штом ја отворивте пандорината кутија што ќе правиме кога темите за геноцид во НДХ, за германските злосторства на источниот фронт, за злосторствата во Намибија... Мислеа дека сме слаби и нема да ги кренеме рацете во гард. Многу сме послаби, но на секој удар ќе одговориме, ќе покажеме дека знаеме да се браниме“, рече претседателот на Србија.

Бен оди преку тенка жица на височина од 160 метри, полицијата не била воодушевена (ВИДЕО)

Бен Шнајдер (28), попознат по прекарот „Непромислениот Бен“, си го ризикувал животот и го уапсиле откако одел по жица - оптегната меѓу два облакодери во Лос Анџелес.

Станува збор за недовршениот луксузен комплекс Oceanwide Plaza, кој денес е празен и „украсен“ со бројни графити.

Доволно е да погледнете неколку видеа на социјалните мрежи и ќе сфатите дека Бен е „зависник од адреналин“.

Опишувајќи го последниот „потфат“, што ја замрзнува крвта во вените на обичниот човек, тој рече:

„Беше застрашувачки. Но, останав фокусиран. Кога ќе се исплашиш, почнуваш да се тресеш и потоа може да паднеш. Не сакав тоа да се случи. Морав да го смирам умот“.

Тој, исто така, објасни како успеал незабележано да влезе во комплексот Oceanwide Plaza:

„Група пријатели се преправаа дека се дел од верски култ. Носевме различни транспаренти со кои им го блокиравме погледот на полицајците. Тогаш ја прескокнавме оградата“.

Младиот човек носел сигурносен појас за време на акробацијата, а јажето го преминал за помалку од две минути, пренесува UPI.com.

Полицијата соопшти дека го истражува случајот, но останува нејасно дали Бен ќе биде обвинет.

Русија започна вежби со тактичко нуклеарно оружје

Руските сили ја почнаа првата фаза од вежбите кои вклучуваат „практична обука за подготовка и употреба на нестратегиско нуклеарно оружје“, соопшти денеска руското Министерство за одбрана.

Претседателот Владимир Путин ги нареди вежбите претходно овој месец. Москва ги поврза со, како што ги нарече, „милитантни изјави“ на западните официјални лица за кои рече дека претставуваат безбедносна закана за Русија.

Руското Министерство за надворешни работи ги цитираше коментарите на францускиот претседател Емануел Макрон, кој ја покрена можноста за испраќање европски сили да се борат против Русија во Украина, и британскиот министер за надворешни работи Дејвид Камерон, кој рече дека Украина има право да користи оружје обезбедено од Лондон за напад на цели во Русија.

Безбедносните аналитичари велат дека вежбата е предупредување на Путин до Западот повеќе да не се вклучува во војната во Украина, на која ѝ испорачува оружје и разузнавачки информации, но се воздржаа од испраќање војници.

Министерството за одбрана соопшти дека во првата фаза од вежбата се вклучени ракетите Искандер и Кинџал.

Вежбите се одржуваат во Јужниот воен округ на Русија долж украинската граница и делови од Украина кои се под контрола на Русија.

Белорусија, каде Русија распореди тактичко нуклеарно оружје минатата година, исто така ќе биде вклучена во вежбите, соопштија двете земји.

Тактичкото или нестратешкото нуклеарно оружје е помалку моќно од стратешкото оружје дизајнирано да збрише цели непријателски градови, но сепак има огромен деструктивен потенцијал.

притисни ентер