Брисел алармира: Ако нема реформи до јуни, Западен Балкан останува без 700 милиони евра - Канал 5

Македонија

Брисел алармира: Ако нема реформи до јуни, Западен Балкан останува без 700 милиони евра

Еврокомесарката за проширување – Марта Кос е незадоволна од исполнувањето на реформската агенда во Западен Балкан што става 700 милиони евра предвидени средства од Планот за раст во ризик  – изјави таа во Комитетот за надворешни работи на ЕП.&n

Брисел алармира: Ако нема реформи до јуни, Западен Балкан останува без 700 милиони евра

Иако Кос не се осврна подетално на Македонија таа е децидна дека Унијата не може да дозволи земјите-кандидатки да трошат години спроведувајќи тешки реформи, без притоа да покажат конкретни резултати.

-Напредокот е многу побавен во Западен Балкан. Минатата недела им пишав на властите во регионот да ги забрзаат своите реформи или нивните граѓани ќе изгубат. Планот за раст е строго базиран на перформанси и временски ограничен. Во моментов, повеќе од 700 милиони евра се изложени на ризик од трајно губење низ целиот регион доколку реформите не бидат завршени до јуни 2026 година.- Марта Кос, еврокомесарка за проширување

За реформската агенда вчера Владата имаше средба со амбасадорите на земјите членки на ЕУ, на која министерот за европски прашања - Беким Сали, кажа дека од вкупно 21 пријавена реформа, за 16 се очекува позитивна оценка, со што би се овозможило ослободување на околу 70 милиони евра финансиска поддршка. Според Симонида Кацарска од Инстиутот за европска политика, најголемиот предизвик останува доцнењето со реформските закони кои се однесуваат на правосудството.

-Пополнувањето на празните места во судството и обвинителството е една од мерките од декември 2024 година која во моментов е во грејс период до декември 2026. Немаме нова генерација во Академијата на судии и јавни обвинители, јасно е дека тие средства ќе бидат ставени под знак прашалник. Всушност тоа се три реформи од декември 2024 кои се во ризик, што е некаде во вредност од околу 8 милиони евра вкупно кои се однесуваат на патоказот за праведна транзиција. Останатите средства кои се однесуваат на судиите и јавните обвинители сме во голем ризик дека ќе ги изгубиме и не само тие туку и на голем дел од законите кои се однесуваат на правосудството. - Симонида Кацарска, Институт за европски политики

Како што појаснува Кацарска, засега Македонија има 40% искористеност на европските средства како резултат на завршени реформи, додека пак за оние кои се најкритични, односно во правосудството, се уште има политичка дебата како треба да се одвиваат. Оценка за реформите кои деновиве ја очекуваме од ЕК се однесуваат на минатата година заедно со заостанатите реформски чекори од декември 2024та, додека оние од јунскиот период е се уште рано да се анализираат, потенцира Кацарска.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Голем пресврт: Азија го поддржа Инфантино, се очекува негова победа на изборите за претседател на ФИФА

Азиската фудбалска конфедерација (AFC) го поддржа Џани Инфантино за нов мандат како претседател на ФИФА. 

Голем пресврт: Азија го поддржа Инфантино, се очекува негова победа на изборите за претседател на ФИФА

Ова е целосен пресврт, бидејќи истата организација пред само два месеци остро го критикуваше светскиот фудбалски лидер и го обвини за предавство на нивната доверба.

На вонредниот Конгрес на AFC во Токио, претседателот на конфедерацијата, шеикот Салман бин Ибрахим ал-Калифа, јавно го поддржа Инфантино, прегрнувајќи го пред членовите. „Ја потврдуваме нашата целосна поддршка за вас и вашето лидерство во вашата кандидатура за нов мандат како претседател на ФИФА“, рече шеикот Салман. „Посетивте многу азиски земји и разговарав со многу членови од овој континент. Запознаен сум со вашите ставови и гледам дека вашата посветеност е јасна.“

AFC обединува 47 национални асоцијации. Дури и ако не сите се согласуваат со ставот на шеикот Салман, овие гласови би можеле да бидат клучни за Инфантино да обезбеди нов мандат. Изборите за претседател на ФИФА ќе се одржат во март, а номинациите се прифаќаат до 18 ноември. Досега, Инфантино нема противник.

Од критики до поддршка

Поддршката претставува остар пресврт за шеикот Салман. Во август, АФЦ им се придружи на УЕФА и Конфедерацијата на фудбалски асоцијации на Северна и Централна Америка и Карибите (КОНКАКАФ) велејќи дека Инфантино направил „фундаментално кршење на довербата“. Во отворено писмо, тие повикаа на „лидерство кое му служи на фудбалот, а не на такво кое се обидува да му диктира“.

Шеикот Салман, во своето обраќање до Инфантино, истакна дека не сите членови веројатно би се согласиле со одлуката да го поддржат, но додаде дека очекува мнозинството да го поддржи. „Уверен сум дека мнозинството од нашите членови го делат моето мислење“, рече тој. „Ви го кажав ова и претходно“.

Пресвртот дојде откако Инфантино се извини пред Советот на ФИФА, кој самиот го води, во Цирих минатата недела за „грешките“ поврзани со планот од 4,2 милијарди долари. Планот оттогаш е напуштен и предвидуваше продажба на делови од Светското првенство на приватни инвеститори.

Шеикот Салман се осврна на овие несогласувања во својот говор. „Да, имавме проблеми за кои разговаравме и претходно“, рече тој. „Но, не треба да ги поврзувате двете. Мислам дека на нашите последни состаноци во Цирих јасно ставивте до знаење дека постои разбирање меѓу нас.“

Повеќе пари за сојузите

Дури и пред поддршката од Азија, Инфантино беше блиску до обезбедување на супермнозинство гласови од 211-те асоцијации членки на ФИФА. Најсилниот аплауз на конгресот дојде на крајот од говорот на шеикот Салман, кога тој ја повтори својата поддршка за Инфантино. Претседателот на ФИФА потоа се качи на говорницата и призна одредени пропусти. „Кога многу работиш, правиш многу добри работи, што се надевам, но се случуваат некои грешки“, рече тој.

Тој доби нов аплауз кога спомена дека под негово водство, асоцијациите добиваат значително повеќе пари. „Пред да станам претседател на ФИФА, а некои од вас беа тука и се сеќаваат на тоа, секоја федерација добиваше еден милион долари на секои четири години. Од 1 јануари следната година, таа сума ќе биде 25 милиони долари“, заклучи Инфантино.

Тагови: Инфантино ФИФА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Нека ни е честит 23 Октомври - Денот на македонската револуционерна борба

На овој ден човек чувствува потреба внимателно да ги избере зборовите, затоа што зборува за луѓе кои своите зборови ги потврдувале со непосредни дела, а најчесто и со сопствениот живот. 

Мицкоски: Нека ни е честит 23 Октомври - Денот на македонската револуционерна борба

За луѓе кои прифатиле да изгубат сè што имале, уверени дека нивните деца заслужуваат да добијат нешто поголемо, повозвишено и подобро, слободна татковина.

Пред повеќе од еден век, во Солун, започна организираното револуционерно движење кое длабоко ќе ја одбележи македонската историја. Формирањето на ВМРО недвосмислено одбележа една неповторлива епоха и голгота кои се автентичен израз на македонската слободарска мисла и дејание. Но имале вера, имале храброст, имале цел. Имале убедување дека нашиот народ заслужува слобода и решеност за таа слобода да преземат лична одговорност.

И кога некој од страна, а неретко и некој од сопствениот род, ќе сака да си поигра или да ја омаловажи улогата и големината на нашето револуционерно дело, да нè прикаже како вакви или такви, како мали и неважни, нека не заборава дека сè уште во нас живее пркосот на Узунов, посветеноста на Груев, мудроста на Татарчев, храброста на Питу, големината на Гоце. Тоа се луѓето од нашиот род пред чие дело и чии свети идеали се поклонуваме.

Од таа нивна решеност израснаа генерации кои ја носеа македонската идеја низ прогони, затвори, востанија и војни. Татковината се создаваше низ лелеци и крици, низ постојана жртва, не низ аплаузи и подарени слободи.

Денес ја имаме таа држава. И токму затоа нашата одговорност е толку голема. Да бидеме свои на своето е нашата најважна потреба, важна за нашето опстојување. Да бидеш свој на своето значи да стоиш со крената глава на земјата што ги памети твоите предци и да градиш иднина што ќе ги чува твоите деца. Тоа е заветот на секоја слободна генерација: тука припаѓаме, тука одлучуваме и тука ќе успееме. А оние кои се шнајдери на историјата што мислат дека со вето можат да ни ја прекројат историјата, им порачувам: нашето паметење не подлежи на нивно одобрување. Ниту еден притисок не може да го избрише Гоце Делчев од срцето на македонскиот народ. Затоа што Гоце е вткаен во нашата борба, во нашата слобода, во нашето постоење, Гоце е Македонија!

Нашиот ред да изградиме држава во која човекот ќе има достоинство, младите ќе имаат надеж, а родителите ќе имаат спокој. Сакам еден ден нашите деца да можат да кажат: „Нашите родители веруваа во Македонија. Останаа исправени кога беше тешко. И ни оставија земја во која вреди да се живее.“ Тоа ќе биде нашиот најголем успех. Тоа ќе биде нашиот одговор пред историјата.

Затоа, да се исправиме пред одговорноста на нашето време! Со сета сила што ја имаме, со сета љубов што ја носиме, да ја направиме оваа земја достојна за соништата на нашите деца!

Ова е нашиот дом. Ова е нашето време. Ова е нашата одговорност.

Свои на своето - денес и за сите што доаѓаат по нас!

Нека е вечен споменот на македонските револуционери.

Нека ни е честит 23 Октомври - Денот на македонската револуционерна борба, објави на ФБ премиерот Христијан Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Земјотрес од 5,6 степени ја погоди јужна Италија

Земјотрес со јачина од 5,6 степени според Рихтеровата скала денеска го погоди подрачјето на Сицилија, соопшти ЕМСЦ. 

Земјотрес од 5,6 степени ја погоди јужна Италија

Земјотресот е регистриран во 12:19 часот по локално време, на длабочина од 10 километри.

Епицентарот бил на околу 99 километри североисточно од Палермо и 76 километри северозападно од Капо д'Орландо. Засега нема информации за штети или повредени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер