Бразил: „Apple“ мора да му плати 1000 долари на купувач бидејќи „iPhone“ не доаѓа со полнач - Канал 5

Технологија

Бразил: „Apple“ мора да му плати 1000 долари на купувач бидејќи „iPhone“ не доаѓа со полнач

„Apple“ мора да плати нешто повеќе од илјада долари на клиентот затоа што тие не испорачале полнач со новиот „iPhone“.

Бразил: „Apple“ мора да му плати 1000 долари на купувач бидејќи „iPhone“ не доаѓа со полнач

Судот во градот Гојанија во Бразил пресуди дека компанијата мора да биде одговорна за продажба на уреди без полначи. Судот заклучи дека практиката на компанијата всушност бара од клиентот да купи два посебни артикли за да може еден од нив да функционира правилно и тоа го нарече „незаконска деловна практика“.

Затоа, на „Apple“ му е наложено да му плати на купувачот 5.000 бразилски реали (1081 долар) и да му достави полнач.

Има 10 дена да го стори тоа, во спротивно ќе мора да плати дополнителна казна, пишува Унилад.

„Apple“престана да снабдува адаптери за своите уреди уште во 2020 година, а бразилската влада ја казни компанијата со 2 милиони долари за тоа. Компанијата се обиде да го оправда тоа со како „грижа за животната средина“.

Сепак, судијата заклучи дека кабелот за полнач на „Apple“ работи само со адаптери кои имаат „USB-C“ приклучок, така што на клиентот му е ограничено кои адаптери може да ги купи.

Производите на „Apple“, вели тој, сè уште се специјално дизајнирани да одговараат само на одреден кабел.

„Не е соодветно да се преземе таква мерка за да се намали влијанието врз животната средина, бидејќи, според сите докази, обвинетиот продолжува да произведува такви основни додатоци за уредот, но сега ги продава одделно“, заклучи тој, пренесе Индекс.хр.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Бројот на загинати во земјотресите во Венецуела се искачи на 3.342

Бројот на загинати во двата земјотреси во Венецуела се искачи на 3.342, објави венецуелското министерство за информирање.

Бројот на загинати во земјотресите во Венецуела се искачи на 3.342

Бројот на повредени достигна 16.470, додека бројот на луѓе кои останаа без своите домови скокна на над 17.300.

Првиот земјотрес во Венецуела со магнитуда од 7,2 степени според Рихтеровата скала се случи на 24 јуни, на околу двесте километри западно од Каракас. По него следуваше втор земјотрес со магнитуда од 7,5 степени, на оддалеченост од 45 километри, а потоа и низа последователни потреси. Земјотресот со магнитуда од 7,5 степени беше најсилниот во последните повеќе од сто години, велат податоците на американскиот геолошки институт.

Тагови: Венецуела

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Милиони луѓе на погребната поворка на ајатолахот Али Хамнеи во Техеран (ВИДЕО)

Милиони луѓе се придружија на погребната поворка во Техеран за да го испратат телото на починатиот врховен верски лидер, ајатолахот Али Хамнеи на пат кон светиот град Ком.

Милиони луѓе на погребната поворка на ајатолахот Али Хамнеи во Техеран (ВИДЕО)

Според иранските медиуми, денешниот настан е најголемиот јавен собир во модерната историја на земјата. Поворката почна утрината од верскиот комплекс „Голема мосала“ во Техеран, каде што што изминатите два дена беше изложено телото на Хамнеи.

Организаторите очекуваат поворката, која се движи по траса долга околу 10 километри, да трае помеѓу 10 и 12 часа. Хамнеи кој беше убиен на 28-ми февруари од американските сили, ќе биде погребан во четврток. По атентатот, за негов наследник беше назначен неговиот син Моџтаба Хамнеи.

Тагови: Али Хамнеи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

18 загинати во руски воздушни напади врз Киев – Зеленски алармира на недостиг на пресретнувачки ракети

Најмалку 18 луѓе загинаа, а повеќе десетици се ранети во најновите жестоки руски водзушни напади врз Киев, само неколку дена откако во слични напади беа убиени над 30 цивили.

18 загинати во руски воздушни напади врз Киев – Зеленски алармира на недостиг на пресретнувачки ракети

Како што соопштија украинските власти, мета на нападите биле повеќе згради во главниот град, каде што избувнале пожари, а меѓу повредените има и деца. Според информациите, Русија употребила 350 беспилотни летала, 40 крстосувачки ракети, но и речиси 30 балистички и суперсонични проектили, од кои безмалку ниту еден не бил соборен. Киев призна дека украинската одбрана претрпела огромен удар поради сериозниот недостиг на пресретнувачки ракети за системот патриот, кој единствено може да соборува балистички проектили. Украинскиот претседател Зеленски апелираше до сојузниците да донесат силни одлуки на самитот на нато утре и задутре за да и обезбедат на украина воздушна одбрана. Додека ракетите „Патриот“ се во магацините на нашите сојузници, Русија е само охрабрена да продолжи да уништува станбени згради“, напиша Зеленски на социјалните мрежи..

Тагови: Киев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер