Живот

Брат и сестра се загубиле во шума полна со мечки- децата по четири дена биле спасени со чудо

Гриша Креп (12) и неговата сестра Вика (10) биле изгубени четири ноќи во дива шума во руската област Слободо-Торино. Спасувачите стравувале дека никогаш нема да бидат пронајдени.

650 припадници на полицијата и доброволци се вклучија во потрагата по децата, кои исчезнаа по риболов на реката Липка, кои „чешлаа“ огромна површина населена со волци и мечки.

Драмата започна минатиот вторник, кога малото дете било пријавено за исчезнато. За кратко време е организирана спасувачка акција, а покриени се 1.000 километри шума и мочуришта.

По 96 часа, Гриша и Вика биле пронајдени „исплашени и премрзнати“, изедени од инсекти, гладни, дехидрирани - но живи.

Откриле дека јаделе јајца од препелица за да преживеат. На децата им била дадена топла храна и вода, а потоа им биле предадени на лекарите, пренесува The Sun.

Кога братот и сестрата раскажале како преживеале орди мечки и волци, спасувачите останале без зборови.

Се испоставило дека нивните миленици - кучињата од расата Бигл, не ги оставиле на цедило. Цело време ги следеле низ шумата и лаеле за да ги избркаат дивите ѕверови.

Се верува дека малечките поминале десетици километри барајќи излез од шумата, а биле пронајдени недалеку од селото Бурмакин.

„Бевме во теренско возило и на секои 200 метри застанувавме и ги извикувавме нивните имиња. На крајот нè слушнаа. Не ги фати паника, всушност бев изненаден од нивното однесување“, изјави спасувачот Игор Греков.

Гриша и Вика повторно биле во прегратките на нивната мајка, кога вознемирената жена била повикана во болница.

„Верував во вас! Знаев дека сте добро“, им рекла Алфија на децата.

Според една теорија, децата се враќале од риболов и тргнале во погрешна насока, по што ја изгубиле ориентацијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Петер Маѓар вози скутер во турските води, се пофали дека одморот си го платил сам

Унгарскиот премиер Петер Маѓар кој по самитот на НАТО во Турција останал на краток одмор во Анталија со своите синови, објави видео на социјалните мрежи на кое вози скутер на вода, се спушта по воден тобоган и шета по плажа.

Откако снимката предизвика критики во Унгарија, премиерот нагласи дека станува збор за приватно патување.

„Мало посебно издание за пропагандистите. Продолжениот викенд го поминав во турција со моите деца, а сите трошоци ги платив од свој џеб“, напиша Маѓар.

Тој претходно најавил дека по самитот ќе помине четири дена на турскиот брег со своите деца и дека сите трошоци ќе ги покрие приватно.

Маѓар додаде дека не користел буџетски средства ниту воен авион, туку патувал со редовна комерцијална авионска линија.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Реконструиран главниот цевковод за вода за пиење на потегот Страгово – Крњево

Градоначалникот на Кавадарци, Митко јанчев преку социјалните мрежи информира дека завршила реконструкцијата на главниот цевковод за вода за пиење на потегот Страгово – Крњево во должина од 6,5 км

[📌] Заврши реконструкцијата на главниот цевковод за вода за пиење на потегот Страгово – Крњево во должина од 6,5 км, со дуктилни цевки, а во рамки на истиот се изгради и нова хлорна станица. Ова е прва реконструкција на овој дел од системот.

[✔️] Проектот е финансиран од Министерството за транспорт во финансиска вредност од 20 милиони денари, стои во објавата на Јанчев.

Тагови: Митко Јанчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Илинден со нов виртуелен водич за промоција на природните и културните богатства

Со реализацијата на овој проект, Општина Илинден уште еднаш ја потврдува својата заложба за примена на современи дигитални технологии во промоцијата на локалните потенцијали, придонесувајќи за поголема туристичка препознатливост

Општина Илинден направи значаен чекор во унапредувањето на својата туристичка промоција преку изработка на современ 360° визуелен водич, реализиран во рамките на Договорот за соработка со „Македонија на дланка – Агенција за туризам и маркетинг“, носител на националниот проект „360° Визуелен водич – Македонија на дланка“.

Новата дигитална платформа овозможува интерактивно и реалистично запознавање со природните, културните и јавните содржини на територијата на Општина Илинден. Посетителите имаат можност виртуелно да прошетаат низ населените места и да се запознаат со образовните установи, спортските терени, парковите, верските и културните објекти, како и со други значајни локации во општината.

Визуелниот водич содржи околу 250 интерактивни 360° панорами, снимени од воздух, како и виртуелни прошетки низ повеќе објекти, овозможувајќи им на корисниците уникатно искуство и можност да ја запознаат Општина Илинден од каде било во светот. Во следниот период е предвидено дополнително проширување на содржините со вклучување на нови локации и објекти од сите населени места во општината.

Со реализацијата на овој проект, Општина Илинден уште еднаш ја потврдува својата заложба за примена на современи дигитални технологии во промоцијата на локалните потенцијали, придонесувајќи за поголема туристичка препознатливост и подобра презентација на општината пред пошироката јавност.

Виртуелниот водич е достапен на следниот линк: www.macedoniafromabove.mk/ilinden/.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.