Мештаните од виничкото село Блатец, кои со жив штит чуваа стража на реката, велат дека ова претставува кулминација на нивната десетгодишната борба за зачувување на планинската река од која пијат вода и ги наводенуваат своите земјоделски посеви.

-За овие десет години, концесионерот нема удрено ни една лопата од својот план, така што реката сега за сега е зачувана. Ние сме посветени на нашата борба и остануваме на тоа да не започне никаква градба на тоа место. // Ова е еден голем чекор и се надеваме дека ќе биде последен чекор, дека успехот е веќе на крајот, меѓутоа доколку се искористат овие правни норми и хипотетички се продолжи концесијата, ние сме на терен, ние отрпнавме на терен и остануваме на терен се додека не ја видиме нашата река онаква каква што треба да биде,- - Блаже Анакиевски, жител на с.Блатец.

Концесионерот во рок од 30 дена има право да ја обжали одлуката на Владата пред Управен суд, меѓутоа, градоначалникот на Виница – Митко Костадиновски е на ставот дека стручни лица всушност никогаш не отишле на терен да ја увидат фактичката состојба, односно дека трасата на хидроцентралата со моќност од 606 kW е на главната водоводна цевка на селото Блатец.

-Граѓаните треба да бидат спокојни и да немаат никаков проблем, затоа што без разлика и да се уваже жалбата, ние пред да биде укината концесијата на Енерџи Лукс, ние како општина Виница им дадовме прекин за изградба. // Тие имаат право да поднесат на ново за дозвола за градба, но кога ќе излезат на терен стручнаци и кога ќе видат дека таму каде што им е одобрено за градба минува линискиот инфраструктруен објект за водоснабдување на село Блатец, мислам дека не постојат стручњаци од таа област што би дозволиле да биде тоа,- -Митко Костадиновски, градоначалник на О.Виница.

Инвеститорот на хидроцентралата - Енерџи Лукс Кочани ја добил концесијата уште во 2013та година од кога и статусот на повластен производител на електрична енергија практично секоја година се обновувал, меѓутоа со оглед на тоа што не започнал со производство во утврдениот рок, Владата ја раскинала концесијата. Од Енерџи Лукс Кочани за Канал 5 изјавија дека се уште не ги добиле официјално документите за поништување на концесијата и најавија дека претстои правен спор за обжалување на одлуката пред Управен суд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Според информациите од полицијата, инцидентот се случил во нивниот семеен дом, а повредениот маж бил пренесен во велешката болница, каде првично му била укажана лекарска помош. Од болницата брифираат дека на прием бил свесен, направени се снимки кои упатувале на животозагрозувачка состојба поради што е дадена соодветна терапија и триесет и седумгодишникот итно е препратен во Скопје. Сега е хиспитализиран на Торакална хирургија. Ножот продрел до белите дробови, но нема крварење, пациентот е стабилен и надвор од животна опасност, велат за Канал 5 од Клиниката. Во меѓувреме жената е лишена од слобода, а за случајот е известен јавен обвинител, потврдуваат од СВР Велес.

-Полициски службеници од СВР Велес ја лишија од слобода 30-годишната Т.Д. од Велес, затоа што во домот со остар предмет му нанела убодна рана на нејзиниот 37-годишен вонбрачен сопруг. Повредениот бил пренесен во Општата болница во Велес за укажување лекарска помош, а Т.Д. била приведена и задржана во полициска станица.- Ана Милевска Ѓеоргиева – СВР Велес

Во тек е истрага за да се утврдат сите околности под кои дошло до нападот, по што ќе биде донесена одлука за натамошната постапка, а по целосно расчистување и документирање, против жената ќе биде поднесена кривична пријава за „обид за убиство при семејно насилство“, казниво по член 123 во врска со член 19 од Кривичниот законик кој предвидува затвор од најмалку 10 години или доживотно.

Од СВР Велес за Канал 5 потврдија дека претходно имало регистриран инцидент помеѓу мажот и жената. Лани во декември во угостителски објект сега повредениот и се заканувал на партнерката која сега му забила нож во градите, а тогаш тој завршил во полициска станица поради сомнежи за сторено дело „загрозување на сигурноста“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судењето ќе се одржува во Основниот суд Куманово, каде ќе се расплетува случајот што ја вознемири јавноста, откако по неколкумесечна истрага беа откриени низа тешки злосторства. Од Обвинителството информираат дека бидејќи со умисла лишил од живот повеќе лица, на обвинетиот му се заканува казна затвор од најмалку 10 години или доживотен затвор.

Според обвинителниот акт, делата ги извршил од ниски побуди, со намера да ги задоволува своите полови страсти врз мртви женски тела.

Првото убиство, според обвинението, го извршил ноќта меѓу 5 и 6 јануари 2025 година во селото Клечовце. Влегол во домот на повозрасна и немоќна жена додека таа спиела, ја нападнал и почнал да ја задушува. Од здобиените повреди и неможноста да дише, жената починала.

Неколку месеци подоцна, во периодот меѓу 5 и 7 јуни 2025 година, во селото Драгоманце, според обвинителниот акт, на сличен начин го извршил и второто убиство. Повторно жртва била повозрасна жена.

Третото убиство, според Обвинителството, го извршил во ноќта меѓу 17 и 18 јануари 2026 година во Старо Нагоричане. И во овој случај, обвинението тврди дека жртвата била нападната и усмртена на сличен начин.

Само неколку недели подоцна, во ноќта меѓу 5 и 6 февруари 2026 година во Челопек, обвинетиот, според обвинителниот акт, лишил од живот уште една повозрасна и немоќна жена.

Во меѓувреме, според обвинението имало и 2 обиди за убиство со умисла, еден лани и еден годинава, двете во село Челопек, но жртвите успеале да се спасат..

Случајот почна да се расчистува на почетокот на годинава, по неговото последно убиство. Првично истрагата се водеше за едно убиство, но по дополнителни криминалистички истражувања и ексхумации беа откриени и останатите жртви.

Дополнително, Обвинителството ја проверува и евентуалната одговорност на полициски службеници и лекари, откако дел од смртните случаи претходно биле евидентирани како природна смрт, без да биде извршена обдукција. Според истрагата, токму тоа оставило простор обвинетиот да продолжи со извршување на делата, се до неговото откривање и апсење.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.