Браќа станале милионери на 20- годишна возраст, сѐ почнало со случајна средба (ФОТО) - Канал 5

Браќа станале милионери на 20- годишна возраст, сѐ почнало со случајна средба (ФОТО)

Лук Линц е 23-годишен милионер од Винипег кој го нарекуваат гуру на социјалните мрежи, но треба на мајка му да ѝ се заблагодари за неговиот бизнис од повеќе милиони долари.

Браќа станале милионери на 20- годишна возраст, сѐ почнало со случајна средба (ФОТО)

Лук и неговите браќа биле во средно училиште и продавале гаџети на социјалните мрежи, а нивните животи се смениле кога нивната мајка Танис го забележала моќниот канадски претприемач Стефан Арни на соседната маса за време на семеен ручек во скап ресторан.

Откако го слушнал претприемачот како му објаснува на својот маркетинг директор дека планира да го отпушти целиот тим за социјален маркетинг, Танис решил да ја искористи приликата. Таа го фатила милионерот додека излегувал и му рекла дека нејзините момчиња се неверојатни продавачи на социјалните мрежи и дека можат да помогнат.

Претприемачот решил да им даде шанса и потпишал договор со нивната компанија HighKey на три месеци со плата од 5000 долари месечно. Момчињата почнале да работат 16 часа на ден за да го подобрат бизнисот на компанијата на Стефано.

Во првите три месеци донеле 50.000 нови следбеници на Инстаграм профилот на компанијата, а по успешната работа пристигнала и првата славна личност од А-листата. Тие почнале да работат со комичарот и актер Кевин Харт, создавајќи кампања за време на пандемијата која вклучувала парична награда од 20.000 американски долари.

Браќата се прославиле како успешни претприемачи, а Лук истакнува дека Стефан кој починал од рак на 33 години е неговата најголема инспирација.

„Мислам дека на Стефан му се допадна да биде околу мене затоа што иако бевме 10 години разлика, тој можеше да види колку сум млад и амбициозен. Секој втор ден го поминував разговарајќи со него и поставувајќи му безброј прашања“, вели тој.

ХајКи сега има над 1.200 клиенти, а браќата соработуваа со Карди Б, Ники Минаж, Тајга, Бела Торн и Рик Рос, и имаат за цел продажба од 100 милиони долари за пет години.

"Поуката од оваа приказна е дека во сè има малку среќа во однос на запознавањето со вистинските луѓе во вистинско време. Но среќата се претвора во нешто само ако сте подготвени и знаете како да ја искористите што е можно побрзо". изјавил младиот милионер.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

„Антропик“ собра рекордни 107,3 милијарди долари, вредноста достигна 1,5 билиони долари

Американската компанија „Антропик“, која стои зад четботот „Клод“, постави нов светски рекорд со најголемата почетна јавна понуда на акции во историјата.

„Антропик“ собра рекордни 107,3 милијарди долари, вредноста достигна 1,5 билиони долари

Компанијата за вештачка интелигенција „Антропик“ (Anthropic), производител на четботот „Клод“ (Claude), реализираше рекордна иницијална јавна понуда на акции (ИПО), преку која обезбеди 107,3 милијарди долари, вклучувајќи го и приватниот пласман.

Компанијата продаде 956,4 милиони акции по цена од 83 долари, додека седумтемина коосновачи продадоа дополнителни 23,6 милиони акции. Цената беше повисока од првично планираниот опсег од 70 до 78 долари.

Со берзанското деби, вредноста на „Антропик“ достигна околу 1,5 билиони долари, со што компанијата се вброи меѓу 15-те највредни котирани компании во светот.

Anthropic е основана во 2021 година, а ја основале поранешни лидери на OpenAI. Денес, овие две компании се меѓу главните конкуренти во битката за превласт во секторот на вештачката интелигенција.

Според текстот, OpenAI не очекува да излезе на берза пред следната година. Освен него, Anthropic се соочува со конкуренција од Google, американски и кинески стартапи и бизнисот со вештачка интелигенција на SpaceX. Финансиските извештаи откриваат дека Антропик веќе има преземено долг од 6,2 милијарди долари, што компанијата го опишува како „значаен“. И покрај високата пазарна вредност и интересот на инвеститорите, компанијата сè уште работи со загуба според стандардните сметководствени правила.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Јон Фрчкоски: 20 дена од скандалот со Алта банка, една недела од кривичната пријава – Обвинителот Савески молчи!

Поминаа 20 дена откако пукна скандалот со Алта банка во Македонија. Помина и цела недела откако СДСМ поднесе кривична пријава против гувернерот Трајко Славески и други одговорни лица.

Јон Фрчкоски: 20 дена од скандалот со Алта банка, една недела од кривичната пријава – Обвинителот Савески молчи!

А од јавниот обвинител Ненад Савески – молк.

Граѓаните не можат да дојдат до своите пари. Пензионерите не можат да си ги подигнат пензиите. Банкарскиот систем е загрозен.

Не се знае дали е отворена истрага за Алта банка? Дали се повикани Славески и Мицкоски да дадат исказ заради тоа што ја донеса пералницата на пари на Вучиќ во Македонија?

Обезбедни ли се документите со кои Славески дал согласност Алта да влезе во Македонија? Проверени ли се сметките и трансакциите?

Граѓаните бараат одговорност од сите што ѝ ја отворија вратата на пералницата на пари на Вучиќ.

Во Србија на големо се постапува. Отворена е истрага. На банката ѝ е одземена дозволата и таа е во стечај. Сопственикот Мацура е уапсен, се истражуваат речиси 400 милиони евра.

Од вчера се блокирани и сметките на неговата Алта груп, а Алта лизинг остана без дозвола за работа.

Само во Македонија сè уште чекаме и ништо не се презема.

Во меѓувреме, Мицкоски и Славески, истите што ја внесоа Алта во Македонија, сега брзаат да ја продадат.

Ако на аукцијата нема купувач, цената ќе паѓа. Прво никој нема да се јави, па на крај ќе ја продадат за џабе. Тоа е моделот. А потоа истата банда ќе го обвини СДСМ и за ниската цена. Познат арамиски манир.

Дали со брзата продажба се прави обид да се обезвредни банката и да се заташкаат сметките и трансакциите?

Кој ќе купи банка во ваква состојба? Што ако од српска страна се оспори продажната цена и се поднесе тужба? Повторно сметката македонските граѓани ќе ја плаќаат.

Институциите мора да реагираат сега и да ги заштитат граѓаните на Македонија.

Савески мора да го прекине молкот и да постапи независно и по закон.

Секое одложување им дава можност на Славески и Мицкоски да го заташкаат случајот, да се уништат докази, записи за трансакции, сметки.

Ако Мицкоски му врши притисок, по телефон или на кој било друг начин, Савески нека го каже тоа јавно и нека го одбие.

Времето одминува, доколку Савески не постапи ќе стане соучесник, тоа мора да му биде јасно.

Прес конференција на СДСМ, Јон Фрчкоски – член на Извршниот одбор

YouTube video

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

МФ: Над 240 милиони евра поддршка за домашните компании од Владата по поволни услови

 Над 240 милиони евра поддршка за домашните компании од Владата по поволни услови, префрлена нова транша од Буџетот кон Развојната банка.

МФ: Над 240 милиони евра поддршка за домашните компании од Владата по поволни услови

Нови 45,2 милиони денари се префрлени од Централниот буџет кон Развојната банка за поддршка на инвестиции коишто ги реализираат домашните компнаии.

Вкупната поддршка којашто Владата досега ја реалираше во приватниот сектор преку оваа мерка изнесува 14,9 милијарди денари или 242 милиони евра и има значајно влијание врз реализација на приватни инвестиции и поддршка за економската активности. Во Буџетот за реализација на оваа мерка се предвидени вкупно 250 милион евра. Првата транша од Буџетот кон Развојната банка и домашнтие компании Министерството за финансии ја реализираше во март минатата година.

Средстава Владата ги обезбеди Владата од унгарската Експорт-импорт банка со цел поттикнување на инвестициски циклус во приватниот сектор и поттикнување на економскиот раст. Средствата се пласираат преку Развојната банка и деловните банки до крајните корисници – домашните компании по поволни услови со каматна стапка од 1,95% и рок на отплата до 15 години со грејс период до 3 години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер