Брачна двојка од Австрија за 43 години се венчавале и разведувале дури 12 пати, имале причина - Канал 5

Живот

Брачна двојка од Австрија за 43 години се венчавале и разведувале дури 12 пати, имале причина

Виенската полиција истражува неименувана брачна двојка кои се венчале и се развеле 12 пати во последните 43 години.

Брачна двојка од Австрија за 43 години се венчавале и разведувале дури 12 пати, имале причина

Сопружниците се осомничени дека смислиле финансиска измама - искористувајќи ја правната дупка и се збогатиле за сериозни пари, пренесува Oddity Central.

Надлежните сметаат дека постарата двојка „разводот го договорил“ на хартија, за жената да добие отпремнина од 27.000 евра. Сè започнало по смртта на нејзиниот прв сопруг во 1981 година.

Тамошниот закон им дозволува на вдовиците да добиваат пари додека повторно не се венчаат, а се сомнева дека двојката сработила неверојатен план.

На секои две и пол години жената требало да добива 2,5 пати повеќе од стандардната пензија, па парот навреме се развел за да ја обезбеди бенефицијата - и повторно се венчале.

Нивната „тактика“ излезе на виделина дури во мај 2022 година, кога Заводот за пензиско осигурување одбил повторно да го плати надоместокот и по 12-тиот развод на жената.

Во документите на истрагата стои дека сопружниците живееле во исто домаќинство, заедно готвеле и го делеле брачниот кревет. Соседите не знаеле ништо за разводите и повторните бракови.

Сега се соочуваат со тешки обвиненија за измама, а обвинителите тврдат дека од отпремнини се збогатиле за речиси 326.000 евра.

Австриските власти не го признаа нивниот 12-ти развод, па заедно ќе се соочат со обвинение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Поплави во Кина, евакуирани 54000 жители

Во Кина, околу 54.000 луѓе се евакуирани поради поплави, вклучително и 8.000 преместени во привремени прифатилишта, што е последица на обилните врнежи предизвикани од тајфунот Нара.

Видео: Поплави во Кина, евакуирани 54000 жители

Поплавите особено го погодија регионот Гуангси, а метеоролозите предупредуваат на нови обилни врнежи во наредните денови, јавува CCTV. Водостоите на 15 реки го надминаа прагот за издавање предупредувања.

Снимките емитувани на кинеската телевизија прикажаа поплавени патишта и спасувачи кои газат низ вода длабока до колена, користејќи гумени чамци за да ги евакуираат жителите од поплавените населби.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Драма во Романија, веднаш подигнати два авиона Ф-16

 Радарскиот систем за надзор на Министерството за национална одбрана на Романија регистрираше повремени сигнали во воздушниот простор на Република Молдавија, во областа Кахул, утрово околу 6 часот, поради што беа испратени борбени авиони.

Драма во Романија, веднаш подигнати два авиона Ф-16

Како што беше наведено, еден од тие сигнали подоцна се појавил во областа Таргу Бујор, во округот Галац.

Според соопштението на Министерството за национална одбрана, два авиони Ф-16 на романското воено воздухопловство и еден хеликоптер биле подигнати за да ја следат ситуацијата, пренесува Аџерпрес.

Како што беше наведено, Националниот центар за воена команда го извести Генералниот инспекторат за вонредни ситуации за воспоставувањето мерки за предупредување на населението во зафатеното подрачје.

Ова не е првпат Романија да крева борбени авиони поради војната во Украина, бидејќи беспилотните летала, поради попречување на сигналот, често завршуваат во земјите што граничат со Украина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

Неделен лабораториски извештај за квалитетот и безбедноста на водата за пиење.

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 17.08.2026 до 21.08.2026 зема 206 примероци за физичко-хемиска и 206 примероци за микробиолошка анализа на вода за пиење од 47 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер