Божиновска: Овој закон конечно ги модернизира правилата на игра од производство до потрошувачка - Канал 5

Божиновска: Овој закон конечно ги модернизира правилата на игра од производство до потрошувачка

Во рок 8 години, 80%, а за 10 години сите домаќинствата треба да добијат паметни броила, со цел укинување на проценките, а сметките  за граѓаните да  бидат точни и проверливи, ова е само дел од новиот закон за енергетика.

Божиновска: Овој закон конечно ги модернизира правилата на игра од производство до потрошувачка

Според планот првите самрт броила би требало да се инсталираат во следните 2 години. Во меѓувреме ЕВН продолжува со читање, а тоа ќе може да го прават и граѓаните. Законот меѓу другото предвидува и јасна и детална пресметка на тарифите и објаснување на сметките кон секој потрошувач, зголемена одговорност на дистрибутерите и поголема заштита на потрошувачите.

Со новото законско решение според ресорната министерка, конечно се модернизираат правилата на игра од производството до потрошувачката, а осбобено е важна преобразбата на електродистрибутивниот систем. А се воведуваат и заштита за ранливи категории на граѓани, една од новините ќе значи и дека ваквиот тип на граѓани нема да може да бидат исклучени од мрежа во време на зимските месеци.

„80 % од броилата треба да ги наават до 8 години, а за 10 години 100 % треба да ги имаме сите паметни борила, и не треба да се чека до последно треба да се има план и да се оди по план....Се воведува и методологија за енергетска сиромаштија, значи фискални и нефискални мерки во зима не може да ги исклучите тие што не плаќаат струја, а ние како министерство имавме веќе мерки за помош на граѓаните....“- Сања Божиновска, министерка за енергетика.

Според енергетските компании во земјава ова не е само регулатива туку суштински напредок. Но пред да се започне со било каква работа, велат мора да се доуредат и подзаконските акти. Директорот на електордистрибуција, најави дека една од новините е и дека од следниот месец граѓаните ќе добијат сметки на кој ќе биде точно назначено колку од поторшената струја е исчитана, колку не. А еден од плановите е до 2033година загубите на струја да се намалат под 10%.

„Процесот со паметни броила е континиран процес, тоа не е нешто што ќе го почнеме после законот ние веќе имаме инсталирано околу 200 илјади борила со далечинско отчитување. Тој процес е континуриан и ќе продолжи... првите броила треба да се очекуваат некаде за околу 2 години, зашто само тендерската псотпака трае година... “ - Сашо Салтировски, директор на Електродистрибуција

Во моментов според податоците најмногу загуби на струја има во Скопје, Гостивар и Штип, а електордистрибуција велат имаат план и работат на справување со проблемот. Со Законот за енергетика се воспоставува нова рамка за дигитализација, ефикасност и отчетност во енергетиката, со јасни придобивки од кој според надлежните бенефит ќе имаат и граѓаните и компаниите.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Русите наводно платиле двајца Данци да убијат украински рапер

Двајца дански државјани се осомничени дека планирале убиство на украински рапер, по налог на руската разузнавачка служба, пред неговиот настап во Данска. 

Русите наводно платиле двајца Данци да убијат украински рапер

Оваа информација ја објави данската телевизија ДР, повикувајќи се на податоци од судското рочиште, пренесува Ројтерс.

Полицијата спречила обид за атентат и уапсила двајца мажи непосредно пред концертот на раперот познат како „Киевстонер“. Настапот бил закажан за 25 септември, но бил откажан по апсењата. Данската телевизија известува дека двајцата мажи пред судот изјавиле оти не се чувствуваат виновни.

Поради сомневањата за планиран атентат, најавени се прес-конференции на Данската безбедносна и разузнавачка служба (PET), министерот за надворешни работи Ларс Локе Расмусен и министерот за правда Николај Вамен.

Нејасни детали од истрагата

Данската безбедносна служба „PET“ уште во септември предупреди дека Русија се обидува да регрутира дански државјани за планирање саботажи против одбранбени компании кои соработуваат со Украина. Сè уште не е познато како полицијата ги идентификувала двајцата осомничени, кои биле запрени во возило во кое имало повеќе парчиња оружје.

Не е разјаснето на кој начин руските разузнавачки служби наводно ги регрутирале двајцата дански осомничени.

Извор: Индекс.хр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Голем штрајк предизвика немири во Италија: Демонстранти запалија картонски тенк

Во неколку италијански градови избија инциденти за време на генералниот штрајк.

Голем штрајк предизвика немири во Италија: Демонстранти запалија картонски тенк

Во Милано беше запален тенк од картон, во Џенова беа фрлани димни бомби и јајца, а во Рим беа прекриени таблите со цените на горивата.

Генералниот штрајк, на кој денеска повика синдикатот „CGIL“, се одвива низ цела Италија, а во него учествуваат работници од јавниот и приватниот сектор, пренесува „Adnkronos“. Во акцијата се вклучија и синдикатите „COBAS“ и „USB“, како и други работнички организации, при што се организирани протести на околу 100 јавни плоштади низ целата земја.

Штрајкот опфаќа различни сектори, од транспорт и образование до јавни услуги. Во Милано, за време на студентски марш, демонстрантите запалија картонска реплика на американски тенк во близина на Конзулатот на САД.

На чело на поворката беа носени фигури на американскиот претседател Доналд Трамп и израелскиот премиер Бенјамин Нетанјаху, прикажани како држат пушки. Демонстрантите го изразија своето противење кон милитаризацијата и војната, извикувајќи: „Влада што поттикнува војни – не ги сакаме вашите војни“.

Во Џенова, студенти кои учествуваа во марш против милитаризацијата фрлаа јајца кон седиштето на „Конфиндустрија“ (Генерална конфедерација на италијанската индустрија) на улицата „Виа Фјуме“. Пред влезот беше поставен картонски ковчег со натпис „тројца работници дневно“, а беа фрлени и димни бомби. Во Рим, двајца млади мажи со качулки се приближија до бензинска пумпа за време на студентскиот марш и ги прекрија таблите со цените на горивата со налепници на кои беше испишана бројката нула. Маршот започна на плоштадот „Пјацале Остиенсе“, при што учесниците протестираа против државниот буџет, војните, повторното вооружување и високите трошоци за живот. Протестот продолжи со пароли како: „Ние нема да ја плаќаме војната“.

За време на маршот, пред Колосеумот, студентите им оддадоа почит на работниците кои загинале на своите работни места, оставајќи жолт заштитен шлем испрскан со црвена боја – што ја симболизира крвта на жртвите. Во Рим се појавија и графити насочени против премиерката Џорџа Мелони и настанот „Атреју“, организиран од политичките сили од десниот центар.

Главниот протестен марш, организиран од синдикатот „CGIL“ во Рим, започна во 9:30 часот на плоштадот „Виторио Емануеле II“. По завршувањето на собирот на улицата „Деи Фори Империјали“, синдикатот соопшти дека на маршот учествувале 50.000 луѓе.

На протестот учествуваа генералниот секретар на „CGIL“, Маурицио Ландини, заедно со лидерката на Демократската партија, Ели Шлајн, и лидерот на Движењето „Пет ѕвезди“, Џузепе Конте.

Во Торино беа организирани два одделни протестни марша. Едниот, организиран од „CGIL“, собра илјадници работници и пензионери кои пристигнаа од различни делови на покраината. Вториот марш обедини стотици студенти од колективите „Оса“ и „Камбиаре Рота“, како и членови на синдикатот „USB“. Учесниците протестираа против повторното вооружување, високите трошоци за живот, кратењето на средствата за јавниот сектор и несигурните форми на вработување.

Според медиумските извештаи, штрајкот може да предизвика нарушувања во јавниот превоз – вклучувајќи ги автобуските, трамвајските и метро линиите – при што конкретните услови и времетраењето на прекинот на работа се разликуваат од град до град. Штрајкот влијаеше и врз училиштата, каде што синдикатите, исто така, организираа протестни активности.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Променливо облачно и врнежливо време за викендов со температура до 22 степена, од понеделник снег

Времето утре ќе биде сончево со мала до умерена облачност, информираат од УХМР.

Променливо облачно и врнежливо време за викендов со температура до 22 степена, од понеделник снег

МАКСИМАЛНА ТЕМПЕРАТУРА (во оС)

9 Попова Шапка, 11 Крушево, Лазарополе, 12 Маврови Анови, 15 Претор, 16 Охрид, 18 Крива Паланка, Прилеп, Берово, 20 Тетово, Битола, Виница, 22 Скопје-Зајчев Рид, Штип, 23 Велес, Кавадарци, Демир Капија, 24 Скопје-Петровец, Струмица, 25 Гевгелија.

ВРЕМЕТО ДЕНЕС И ДО КРАЈОТ НА ДЕНОТ

Во утринските часови времето беше променливо облачно со слаб локален дожд. Во текот на денот облачноста се намали и преовладуваше сончево време со мала до умерена облачност. Дуваше слаб до умерен, а наместа во западните делови повремено засилен до силен ветер од западен правец, кој на повисоките места надминуваше брзина од 60 km/h.

Попладнево облачноста повторно ќе се зголемува, а кон крајот на денот и во текот на ноќта претежно во западните и североисточните делови ќе има повремен локален дожд. Ќе дува слаб до умерен ветер од западен правец, поизразен во западните делови.

ВРЕМЕТО УТРЕ

Во утринските и во раните претпладневни часови времето ќе биде променливо облачно. Претежно во западните и североисточните делови ќе има повремен дожд. Во текот на денот времето ќе биде сончево со мала до умерена облачност. Ќе дува слаб до умерен, а наместа во западните делови повремено засилен ветер од западен правец (над 60 km/h). Минималната температура ќе биде во интервал од 2 до 9, а максималната ќе достигне од 15 до 22 степена.

Во Скопје, сончево со мала до умерена облачност. Ќе дува слаб до умерен ветер од променлив правец. Минималната температура ќе се спушти до 6, а максималната ќе достигне до 19 степени.

ВРЕМЕТО ВО НАРЕДНИТЕ ДЕНОВИ

Ќе се задржи променливо облачно време, а температурите ќе бидат во постепено опаѓање. Врнежи од дожд ќе има во недела и во понеделник. Поради продор на постуден воздух од север во понеделник попладне на планините врнежите од дожд ќе преминуваат во врнежи од снег. Од вторник ќе преовладува стабилно и постудено време.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер