Здравје

Божиков: Во Здравствениот дом во Велес непречено се одвива бесплатната вакцинација

Во ЈЗУ Здравствен дом од завчера до претпладнево бесплатно против сезонски грип се вакцинирани 80 граѓани од категориите пензионери над 65 години,хронични болни, бремени жени, здравствени работници и деца од 6 месеци до 5 години.

Како што информира за МИА,д-р Пандели Божиков од службата за вакцинирање на ЈЗУ Здравствен дом, вакцинирањето се одвива без проблеми, а исклучиво преку упат за „Мој термин" издаден од матичните доктори.Вакцинирањето се изведува во посебна амбуланта, на втори кат во ЈЗУ Здравствен дом.

Божиков информира дека во овие денови бесплатната вакцинација е според „Мој термин" во периодот од 7 до 12 часот, а од понеделник се очекува и нов распоред за времето на вакцинирање. Сега вакцинирањето се изведува на секои 15 минути, според „Мој термин".

– Вакцинирањето е со проверена француска четиривалентна вацина, која штити од два типа, од тип А и два типа од тип Б.Вакцинирањето се одвива без проблеми и само и исклучиво со закажување преку „Мој термин" преку матичните доктори,информира д-р Божиков.

Тој најавува дека вакцинацијата продолжува и во наредните денови, а едни од приоритетните со оваа вакцина а кои и веќе се вакцинираат се и здравствените работници од здравствените установи и амбуланти од градот.

Освен од Општина Велес со бесплатна вакцина против сезонски грип се опфатени и жители од Општините Градско и Чашка.

Според д-р Божиков, граѓаните кои не спаѓаат во овие категории за бесплатно вакцинирање, може самоиницијативно да се вакцинираат во ЈЗУ Центар за јавно здравје, а каде има комерцијални вакцини против сезонски грип.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Нејзините раскошни облини и денес предизвикуваат воздишки

Таа беше и останува можеби најважниот топ-модел на 90-тите, нејзините раскошни облини и денес предизвикуваат воздишки

Хајди Клум уште еднаш докажа дека е мајка што изгледа супер привлечно и провокативно – особено кога носи бикини.

Со најновите фотографии, таа повторно ги „запали“ социјалните мрежи.

Позната по своите атрактивни изданија што измамуваат воздишки и погледи, манекенката Хајди Клум уште еднаш ги воодушеви своите верни обожаватели ширум светот. Таа неодамна позираше за најновата колекција костими за капење на брендот „Calzedonia“ и притоа покажа навистина многу.

Славната Хајди не се срамеше да ги покаже своите прекрасни облини на 54-годишна возраст и со тој потег предизвика восхит кај многумина. Како што може да се види, таа позираше во различни модели и дезени на бикини, но најголемо внимание привлече оној со животински дезен.

Инаку, овој модел на бикини е најголемиот летен хит и оваа година, а Хајди покажа како да се носи.

Тагови: Хајди Клум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Започнува јавната анкета за Нацрт ДУП-от „Барутана“, граѓаните директно вклучени во одлучувањетo

Општина Центар започнува јавна анкета по Нацрт Деталниот урбанистички план за Градска четврт Ј 05 – Барутана, продолжувајќи ја практиката на транспарентно урбанистичко планирање и активно учество на граѓаните во процесите на донесување одлуки.

Градоначалникот Горан Герасимовски ги повика жителите активно да се вклучат и да достават свои предлози, мислења и забелешки.

„Ниту една одлука не е само моја, ниту само на Општината или Советот. Одлуките треба да ги носиме заедно со граѓаните. Затоа ги повикувам сите жители да се вклучат во јавната анкета, бидејќи секое мислење е важно и секој предлог заслужува внимание. Само преку отворен дијалог можеме да носиме одлуки што ќе бидат во интерес на граѓаните“, порача Герасимовски.

Јавната анкета ќе се спроведува во периодот од 13 август до 14 септември 2026 година.

Граѓаните ќе можат да пополнат анкетни листови во писмена форма, секој работен ден од 08:00 до 16:00 часот, во просториите на ООУ „Кочо Рацин“ (ул. „Салвадор Аљенде“ бр. 2), каде што нацрт-планот ќе биде изложен во хартиена форма.

Анкетните листови ќе бидат достапни и во електронска форма преку веб-страницата на Општина Центар www.centar.gov.mk, како и преку информацискиот систем е-урбанизам www.e-urbanizam.mk.

Дополнително, јавната презентација на Нацрт ДУП-от ќе се одржи на 3 септември 2026 година, со почеток во 12.00 часот, во просториите на Општина Центар (ул. „Михаил Цоков“ бр. 1), во сала за состаноци, барака 6.

Нацрт-Деталниот урбанистички план се однесува на Градска четврт Ј 05 – Барутана, за планскиот период 2025–2030 година.

Планскиот опфат е дефиниран на север, исток и запад по оска на новопланираната собирна улица „Јужна обиколница“, а на југ по границата на Генералниот урбанистички план на Град Скопје. Вкупната површина на планскиот опфат изнесува 6,89 хектари..

За дополнителни информации, граѓаните можат да се обратат на телефоните 02/3203-605 и 02/3203-660, или на е-пошта [email protected].

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп одговори на условите на Иран за мировен договор:иран да плати отштета за луѓето убиени во војни и протести

Предлогот на Трамп е одговор на барањата на Техеран за компензација и укинување на санкциите. Иранските барања беа во голема мера во согласност со условите на прелиминарниот мировен договор потпишан во јуни, кој пропадна.

Американскиот претседател Трамп вчера одговори на условите на Иран за мировен договор со свои барања иран да плати отштета за луѓето убиени во војни, напади и протести, во реторичка ескалација што веројатно ќе ги комплицира напорите за повторно отворање на Ормутскиот Теснец.

Предлогот на Трамп е одговор на барањата на Техеран за компензација и укинување на санкциите. Иранските барања беа во голема мера во согласност со условите на прелиминарниот мировен договор потпишан во јуни, кој пропадна.

Откако започна војната во февруари, Трамп постојано осцилира помеѓу заканите за ескалација и тврдењата дека мировниот договор е неизбежен.

„Ќе побараме пари за штетата што ја направија во период од 50 години“, рече Трамп во Белата куќа, велејќи дека исплатите ќе ги покријат смртните случаи и за цивилните демонстранти и за американските сили во регионот.

„Значи, ако има штети што треба да се платат, мислам дека иран треба да ги плати тие штети“, рече Трамп.

Цените на нафтата вчера се зголемија за 5% откако барањата ги намалија изгледите за договор за повторно отворање на Теснецот.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.