Австралијците решија да го прослават Божиќ со забава на плажа, која прерасна во масовно пијанство и целосно излезе од контрола. Сега се најавуваат забрани за следната година.

@explorewithmahdi Sea of backpackers in Bronte beach, sydney 🌊🇦🇺 #brontebeach #aussie #sydney #christmasday #tourist #australia #newsouthwales #fyp #australiatiktok #aussietok #viral #australian #australiatravel #tiktokaustralia #australia🇦🇺 #viral #aussietiktok #traveltiktok #travellife #traveltok #backpacking #beach #movingtoaustralia ♬ Harry I think its Christmas Eve - Luna (spencer’s version)

Полицијата на плажата Бронте во Сиднеј му помогна на маж кој се здобил со сериозни повреди на главата откако наводно паднал додека се обидувал да скокне од карпа во океанот. Со хеликоптер бил испратен лекарски тим, а мажот на возраст од дваесетина години итно бил пренесен во Св. Винсент и е во тешка состојба.

На местото на наводниот инцидент интервенирала и полицијата, каде мажот останал без свест. Учесниците ја опишаа забавата на плажата во Сиднеј како „дива“ и „неверојатна“ на социјалните мрежи, а еден турист ја спореди со карневалот во Рио, пренесува New York Post.

@joshtighe96 It gets quite busy at the beach on Christmas in Australia . . . #sydney #christmas #beach #bronte #australia #fyp #foryou #whvaustralia #travel #explore #solobackpacker #dji #drone #sea #ocean ♬ Feeding the Family - Spacey Jane

Еден претприемнички диџеј ја постави својата опрема и звучниците на тревниот дел од паркот, пуштајќи музика за толпата што се сонча на плажата. Bondi Lines, платформа за информации за ноќниот живот, објави дека настанот е непропустлив дел од божиќната понуда на Сиднеј, особено за иселениците и патниците.

Ко-основачот на платформата Калум Ведерал рече дека забавата постои со години и главно ја посетуваат иселениците и туристите со ранци, вклучувајќи ги и „Ирците и јужноамериканците далеку од дома“.

@maxi.mdiaz Weihnachten mal anders 🎄#solotravel #beach #brontebeach ♬ LET'S GO - Jaden Bojsen & Sami Brielle

„Тие немаат семејство овде и мислам дека е прилично посебно за нив што можат да дојдат на една од најубавите плажи во Сиднеј за да слават заедно, па ние го поддржуваме тоа“, рече тој. „Многу наши следбеници доаѓаат од Ирска, Обединетото Кралство и Јужна Америка. Тие не можат да седнат на божиќен ручек со своето семејство, но сепак сакаат да поминуваат време со други луѓе.“

Во текот на денот, учесниците доаѓаа на плажата со автобуси и автомобили, додека локалните жители споделуваа сцени од настанот снимајќи од балконите на нивните станови. Од друга страна, снимени се и полициските коњи во празнични украси како патролираат низ толпата, а забавата траела до утринските часови.

Полицијата била присутна на местото за да ја надгледува толпата и да се осигура дека нема да се повтори лошото однесување од минатогодишниот настан, кога плажата и околината беа прекриени со скршено стакло, ѓубре и измет.

Властите одлучија да испрати полиција откако градскиот совет ги предупреди посетителите на забавата кои планираат да присуствуваат на забавата да се однесуваат одговорно додека учесниците минатата година ја напуштија плажата Бронте покриена со ѓубре. Минатогодишната забава беше означена како „најлошата досега“ и „одвратна“, при што еден жител рече дека изгледа „полошо од земја од третиот свет“.

Друг рече дека се чувствувале загрозени во близина на настанот и сакале да се преселат. Советникот на Вејверли, Џошуа Спајсер се огласи на социјалните мрежи за да ги увери гневните локални жители дека Советот презел акција за да спречи повторување на дивите сцени од минатата година.

„Ова вклучува дополнителни ренџери, безбедносни служби и полиција, посветен тим за чистење со повеќе канти и камиони за отпад, продолжени патроли за спасувачи и мерки специфични за паркот Бронте, како што се рутите за евакуација и привремени тоалети“, напиша тој на Фејсбук. „Ова беше клучна приоритетна точка за нас и убедени сме дека овие мерки значително ќе влијаат на настанот оваа година“, додаде тој.

Според сѐ што се виде, мерките не влијаеле значително на настанот. Според австралиските вести, оваа година биле поставени повеќе од 250 дополнителни канти за ѓубре, што немало претерано дејство. Водачот на локалниот совет на Вејверли, Вил Немеш изјави дека на овогодинешниот настан имало дури 15.000 луѓе.

@10newsfirst Sydney’s Bronte Beach has been left trashed after thousands of people descended on the popular spot to celebrate Christmas Day. A video posted online by a local resident shows empty glass bottles, food and other rubbish strewn across a large majority of the beach’s barbecue areas and grass on Boxing Day. It’s understood an extra 250 bins were placed at the beach to cater for the huge numbers after the mess that was left last year sparked outrage among locals. Council cleanup crews arrived around 5am this morning to begin shovelling up the garbage. #10newsfirst #bronte #brontebeach #sydney #nsw #christmas #christmasday ♬ original sound - 10 News First Australia

И покрај воведувањето на програмата „Summer Safe“, со повеќе полиција и контрола на толпата, Немеш рече дека е „разочарувачки што, и покрај нашите напори, сè уште има толку многу ѓубре “.

„Јас лично бев на плажата Бронте од 19:00 до 00:30 часот, помагајќи му на нашиот тим за отпадоци и чистење“, рече тој. Некои велат и оваа година дека никогаш повеќе нема да дозволат вакво нешто. Останува да видиме дали ќе успее следниот Божиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.