Божиќна порака на скопскиот бискуп и струмичко-скопски епарх Киро Стојанов - Канал 5

Македонија

Божиќна порака на скопскиот бискуп и струмичко-скопски епарх Киро Стојанов

 Во катедралата „Пресвето Срце Исусово“ во Скопје синоќа скопскиот бискуп и струмичко-скопски епарх Киро Стојанов служеше полноќна божиќна света литургија, на која ја упати својата Божиќна порака.

Божиќна порака на скопскиот бискуп и струмичко-скопски епарх Киро Стојанов

- Како католички христијани, ја завршуваме Светата Јубилејна 2025 година. Беше година на прошка и благодат од Господ, а јубилејна е затоа што го одбележува воплотувањето на Христос. Бог се воплоти за да ни даде живот, не било каков, туку живот во изобилство. Тоа е Божјиот милостив дар за човештвото, кој како христијани треба да го пренесеме на другите, бидејќи Јубилејот е прослава на целиот Божји народ. Бог доаѓа на светот како човечко дете, се раѓа во Витлеем, лежи како човечко дете во јасли, вистински Бог и вистински човек. Тоа е нашата вера и без таа вера Божик не би имал никакво значење.

Со Своето раѓање, Исус го потврдува достоинството на секој човек на земјата, не само дел од личноста, туку целата личност, тело и душа со сè што ни припаѓа во нашето постоење. Бог ни дарува ново достоинство, достоинство на Божји деца, а ова достоинство не го прима само умот и душата, туку и телото и крвта. Тоа е голем дар од Бога за кој треба да бидеме неизмерно благодарни.

Сепак, се чини дека тешко ги совладуваме животните лекции, дека не знаеме доволно да го цениме овој Божји дар, но сме сведоци како постојано се влечеме низ калта, газејќи се едни врз други, без разлика дали станува збор за поединци или за нации. Сцени на насилство од улиците и градовите постојано доаѓаат во нашите домови, а омразата во војните го зема својот данок. Слики од воено разурнати области на Украина, Палестина, Нигерија и други делови од светот, киднапирања, убиства, пепел и крв, ни доаѓаат одново и одново. А потоа бројни претставници излегуваат со свои говори и размислувања за човечкото достоинство. Така, се носат некакви правни текстови, прогласи, политички манифести и размислувања за тоа што претставува човечкото достоинство, што навистина вреди да се спомене, но човек често се прашува какви мотиви стојат зад сето ова. Доброто на секој човек, без разлика кој бил и каков бил, доброто на секој народ, мал и голем, или е тоа некаков облик на сопствен профит и напредок, без разлика колку чини.

Нашиот свет навистина би изгледал поинаку ако го гледаме во светлината на Божик, каде што Бог го потврдува достоинството на секое човечко суштество. Исус, Синот Божји, одеше по земјата правејќи добро, среќавајќи луѓе и поединци, и во таа средба влијаеше на нив со тоа што фундаментално ги менуваше.

Драги браќа и сестри, додека го славиме Божик, да го препознаеме нашето достоинство. Да се залагаме за достоинството на секоја личност, секое човечко суштество од првиот миг на животот до последниот здив. Ви посакувам среќен и благословен Божик – Христос се роди!, стои во божиќната порака на скопскиот бискуп и струмичко-скопски епарх Киро Стојанов.

Тагови: Киро Стојанов

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ана Марјановиќ во „Вести плус“

Почитувани, вечерва во Вести Плус гостува Ана Марјановиќ.

Ана Марјановиќ во „Вести плус“

Ќе има ли лек за доцнењето на терапијата на клиниката за онкологија? Што значи потврда на канцер за пациент по која патека продолжува во здравствениот систем? Дали има стратегија за скрининг програми? Со Ана Марјановиќ од хема онко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Средба Џеко - Тадиќ: Опаа како си се набилдал

„Ал си се набилд’о“: Средбата меѓу Џеко и Тадиќ во Најмеген стана хит.

Видео: Средба Џеко - Тадиќ: Опаа како си се набилдал

НЕК Најмеген направи големо изненадување и се пласираше во последното коло од квалификациите за Лигата на шампионите, откако го победи Олимпијакос со 2:1 по продолженијата.

Сепак, покрај драмата на теренот, вниманието на јавноста го привлече средбата меѓу пријателите Един Џеко и Душан Тадиќ.

Капитенот на БиХ, Џеко отпатува во Холандија за од трибините да му даде поддршка на својот голем пријател и поранешен соиграч од Фенербахче екс капитенот на Србија, Тадиќ.

Нивната средба била снимена и набрзо стана вирална на социјалните мрежи.

Двајцата пријатели се поздравија за време на претставувањето на играчите, а уште поемотивна средба уследи по натпреварот, кога Џеко слезе пред соблекувалната за да му честита на Тадиќ.

„Имаш многу пари“, се пошегува Џеко. Тадиќ одговори: „Ни донесе среќа“.

Набргу потоа им се придружи Емре Мор, поранешен соиграч од Фенербахче и херој на натпреварот, кој го постигна победничкиот гол за НЕК. Џеко и Тадиќ играа заедно во Фенербахче од 2023 до 2025 година, а нивното пријателство очигледно остана цврсто и по разделбата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Повеќе од 200 загинати во Колумбија, спасувачите сè уште не стигнале до епицентарот!

 Повеќе од 200 загинати во Колумбија, спасувачите сè уште не стигнале до епицентарот!ЕУ доделува помош од 2 милиони евра поради земјотресот, Фон дер Лајен се обрати на шпански.

Повеќе од 200 загинати во Колумбија, спасувачите сè уште не стигнале до епицентарот!

Претседателката на Европската комисија, Урсула фон дер Лајен, вчера објави дека ЕУ ѝ пружа поддршка на Колумбија, откако земјотрес со јачина од 7,4 степени според Рихтеровата скала однесе повеќе од 200 животи и уништи илјадници згради и куќи.

„Додека продолжуваат операциите за пребарување и спасување, ЕУ ѝ пружа поддршка на Колумбија секаде каде што е тоа можно“, напиша Фон дер Лајен на социјалната мрежа „Икс“ (X).

Таа изјави дека ЕУ става на располагање помош од два милиони евра за заедниците во најтешко погодените подрачја.

– Откако Колумбија го активираше Механизмот за цивилна заштита, работиме на тоа помошта да одговара на потребите на терен. Ова е европска солидарност – заклучи Фон дер Лајен во соопштение на шпански јазик.

Колумбија во понеделникот беше погодена од земјотрес во кој, според Си-Ен-Ен (CNN) и податоците на локалните власти, загинаа најмалку 200 луѓе, а спасувачките екипи сè уште не успеале да стигнат до епицентарот на земјотресот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер