Бошковски: Шансите за победа против Металург се 50:50 - Канал 5

Ракомет

Бошковски: Шансите за победа против Металург се 50:50

Секој натпревар против Металург има своја тежина. Може да се случи еден потег да го реши победникот. Шансите за триумф се 50:50.

Бошковски: Шансите за победа против Металург се 50:50
Ние имаме мала предност поради тоа што победивме на првата средба кога ја имавме улогата на гости, изјави на денешната прес-конференција Андон Бошкевски, тренерот на македонскиот ракометен првак Вардар пред следниот дуел од Лигата на шампионите против Металург.

Според него евентуална победа за „црвено-црните“ ќе значи огромен чекор кон влез во ТОП 16.

Бошковски очекува неговите избраници да одиграа уште подобро од средбата на 14.ти кога Вардар буквално го надигра вториот македонски претставник во елитното натпреварување.

Сепак, тренерот на вардарци се соочува со проблеми во составот каде сигурно ќе го нема Алексеј Растворцев за кого се прогнозира дека сезоната е завршена по повредата на рамото.

Од таборот на Вардар соопштија дека Русинот сигурно ќе паузира 4-5 месеци, а неговото место во одбраната ќе биде пополнето со Мите Стоилов, додека во нападот на позицијата лев бек, Бошковски ќе смета на Филип Лазаров.

Токму Лазаров очекува тој и неговите соиграчи да го одбранат, како што рече, направениот брејк со металурзите, алудирајќи на победата на првиот меѓусебен дуел.

Натпреварот Вардар - Металург ќе се одигра в недела од 18 часот во СЦ „Борис Трајковски“ во Скопје.

Табела Ц група: Барселона 9 бодови, Вардар 6, Металург 6, ПСЖ 5, Динамо Минск 4, Тун 0.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Бројот на загинати во земјотресите во Венецуела се искачи на 3.342

Бројот на загинати во двата земјотреси во Венецуела се искачи на 3.342, објави венецуелското министерство за информирање.

Бројот на загинати во земјотресите во Венецуела се искачи на 3.342

Бројот на повредени достигна 16.470, додека бројот на луѓе кои останаа без своите домови скокна на над 17.300.

Првиот земјотрес во Венецуела со магнитуда од 7,2 степени според Рихтеровата скала се случи на 24 јуни, на околу двесте километри западно од Каракас. По него следуваше втор земјотрес со магнитуда од 7,5 степени, на оддалеченост од 45 километри, а потоа и низа последователни потреси. Земјотресот со магнитуда од 7,5 степени беше најсилниот во последните повеќе од сто години, велат податоците на американскиот геолошки институт.

Тагови: Венецуела

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Милиони луѓе на погребната поворка на ајатолахот Али Хамнеи во Техеран (ВИДЕО)

Милиони луѓе се придружија на погребната поворка во Техеран за да го испратат телото на починатиот врховен верски лидер, ајатолахот Али Хамнеи на пат кон светиот град Ком.

Милиони луѓе на погребната поворка на ајатолахот Али Хамнеи во Техеран (ВИДЕО)

Според иранските медиуми, денешниот настан е најголемиот јавен собир во модерната историја на земјата. Поворката почна утрината од верскиот комплекс „Голема мосала“ во Техеран, каде што што изминатите два дена беше изложено телото на Хамнеи.

Организаторите очекуваат поворката, која се движи по траса долга околу 10 километри, да трае помеѓу 10 и 12 часа. Хамнеи кој беше убиен на 28-ми февруари од американските сили, ќе биде погребан во четврток. По атентатот, за негов наследник беше назначен неговиот син Моџтаба Хамнеи.

Тагови: Али Хамнеи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

18 загинати во руски воздушни напади врз Киев – Зеленски алармира на недостиг на пресретнувачки ракети

Најмалку 18 луѓе загинаа, а повеќе десетици се ранети во најновите жестоки руски водзушни напади врз Киев, само неколку дена откако во слични напади беа убиени над 30 цивили.

18 загинати во руски воздушни напади врз Киев – Зеленски алармира на недостиг на пресретнувачки ракети

Како што соопштија украинските власти, мета на нападите биле повеќе згради во главниот град, каде што избувнале пожари, а меѓу повредените има и деца. Според информациите, Русија употребила 350 беспилотни летала, 40 крстосувачки ракети, но и речиси 30 балистички и суперсонични проектили, од кои безмалку ниту еден не бил соборен. Киев призна дека украинската одбрана претрпела огромен удар поради сериозниот недостиг на пресретнувачки ракети за системот патриот, кој единствено може да соборува балистички проектили. Украинскиот претседател Зеленски апелираше до сојузниците да донесат силни одлуки на самитот на нато утре и задутре за да и обезбедат на украина воздушна одбрана. Додека ракетите „Патриот“ се во магацините на нашите сојузници, Русија е само охрабрена да продолжи да уништува станбени згради“, напиша Зеленски на социјалните мрежи..

Тагови: Киев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер