Бошковски: Поголемиот фонд на играчи и голманот беа пресудни за исходот на дербито - Канал 5

Ракомет

Бошковски: Поголемиот фонд на играчи и голманот беа пресудни за исходот на дербито

Тренерот на Вардар Андон Бошковски на прес-конференцијата по завршувањето на синоќешното дерби од Лигата на шампионите со Металург изјави дека неговиот тим заслужено победи, а како главни причини за успешниот резултат ги наведе поголемиот број на квалитетни ракометари со кои „црвено-црните“ располагаат во моментов и изданието на голманот Страхиња Милиќ.

Бошковски: Поголемиот фонд на играчи и голманот беа пресудни за исходот на дербито
- Победивме голем противник, пред се бидејќи имавме повеќе играчи во ротација. Но, ќе истакнам дека голманот Милиќ беше „клучот“. Колку подобар голман толку полесно се победува. Денеска ние сме победници и се радуваме, но ни престојат уште дуели со Металург и не е се готово, истакна Бошковски.

Страхиња Милиќ со 14 одбрани беше еден од најзаслужните за победата на македонскиот шампион.

- Честитки за Металург за играта. Денеска победи подобриот, а нов дуел ќе имаме за 10 дена.

Од таборот на Металург го признаа поразот.

- На Вардар му ја честитам победата. Денеска беа подобри и победија. Тие повеќе ја посакуваа победата, а ние игравме како ним им одговара. Беа поконцентрирани и го признавам поразот, рече тренерот Лино Червар.

Според Ацо Јоновски борбеноста на вардарци им го донесе триумфот.

- Тие влегоа со студени глави и ни покажаа како треба да се бори. За 10 дена имаме прилика да се поправиме и да освоиме 2 бода, изјави македонскиот репрезентативец во дресот на Металург.

Натпреварот Металург - Вардар се играше од 5.коло на Ц групата во ЛШ и заврши со победа на Вардар од 27:22. /Извор: МИА/

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Можни нови удари по Иран по среднорочните избори во САД

Америка ги предупредила своите сојузници на Блискиот Исток да бидат подготвени за нови можни удари по Иран.

Можни нови удари по Иран по среднорочните избори во САД

Според американскиот медиум Волстрит џурнал – нападите би можеле да продолжат откако ќе се оддржат среднорочните избори во САД следната недела.

Како што се наведува во американскиот медиум, претседателот Доналд Трамп се уште не донел конечна одлука дали ќе ги започне нападите, а шефот на иранската дипломатија – Абас Арагчи нагласил дека Иран се уште нуди шанса за дипломатски обиди за деескалација.

Мировниот план кој го нуди Техеран, според Арагчи, би го отворил ормускиот теснец доколку САД ги исполни условите наведени во предлогот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Заменик-министерката за европски прашања на средба со претставници на француската амбасада: Реформите мора да донесат конкретни резултати

Заменик министерката за европски прашања, Викторија Трајков, оствари средба со Филип Маршето, заменик-амбасадор на Република Франција и францускиот експерт Жером Кел.

Заменик-министерката за европски прашања на средба со претставници на француската амбасада: Реформите мора да донесат конкретни резултати

Во фокусот на разговорот беа реализираните реформи и активностите на институциите за спроведување на Реформската агенда и приоритетите за наредниот период.

„Нашата цел е реформите да не останат само обврски на хартија, туку да донесат мерливи резултати, поефикасни институции и подобри услуги за граѓаните. Посветени сме на спроведување на Реформската агенда 2024–2027 и исполнување на европските стандарди преку конкретни активности, јасна одговорност и континуирано следење на постигнатото“, истакна Трајков.

На средбата беше нагласена важноста на соработката со Франција, размената на експертски искуства и континуираниот дијалог во поддршка на реформскиот процес и европската интеграција на нашата земја.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нетанјаху води на изборите, но нема мнозинство за влада

Досегашните преброени гласови од изборите за Кнесетот во Израел покажуваат дека Бенјамин Нетанјаху е во водство.

Нетанјаху води на изборите, но нема мнозинство за влада

Со преброени 85 проценти од гласовите, неговиот блок предводен од партијата Ликуд, се очекува да освои 53 пратенички места.

Главниот ривал на Нетанјаху – поранешниот началник на генералштабот на армијата – Гади Ајзенкот и неговиот опозициски блок, е на пат да освои 48 места. Арапските партии, според резултатите, би можеле да освојат рекордни 19 места. За мнозинство во Кнесетот, кој има 120 пратеници, потребни е 61 освоено место.

Нетанјаху и Ајзенкот најавија дека ќе се обидат да формираат владина коалиција, а не се исклучува и влада на национално единство, бидејќи повеќето еврејски партии ја отфрлаат можноста за соработка со арапските партии. Сè уште не се преброени меѓу 430.000 и 480.000 гласачки ливчиња. По конечните резултати се очекува претседателот Исак Херцог да се консултира со политичките партии, а доколку не биде формирана влада, израел би можел да оди на нови избори.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер