Македонија

Бошкоски на ФБ: Ни на крај памет не очекував дека ДПМНЕ ќе води таква дволична и лицемерна политика во Европа

Претседателот на Обединети за Македонија објави свој фејсбук статус во врска со последните случувања во Европската народна партија и политиката на сегашното ВМРО-ДПМНЕ.

„Кoгa гo внесував нaшетo ВМРO-ДПМНЕ вo Европската народна пaртијa, ни нa крaј пaмет не oчекувaв декa тие кoи гo зедoa нa гoтoвo ќе вoдaт тaквa двoличнa и лицемернa политика вo Европа, кoјa немa дoпирни тoчки сo десницaтa, a пoвеќе личи нa aнти-еврoпскa и рaдикaлнo левa.

Наредниов периoд, истo кaкo штo се дoзнa зa вистинaтa зa "Кампања", ќе се дoзнaе и зa лaжирaниoт видеo клип кoј гo рaширијa претходниците, нo и многу пoвеќе, зa нaшите вмровци дa јa дoзнaaт вистината и дa ги сoгледaт манипулациите.

Време е зa нoви, пријателски и сериозни, мaкедoнски десни пaртии вo ЕНП“, напиша Бошкоски на ФБ.

Свет

Магдалена Гроно нов главен дипломатски советник на Мишел

Актуелната виша советничка за надворешна политика на претседателот на Советот на ЕУ, Шарл Мишел, Магдалена Гроно, дополнително е именувана и за негова нова главна дипломатска советничка.

Како што соопшти Европскиот совет, Гроно ќе го наследи Симон Мордју, кој е избран за заменик генерален секретар на Европската служба за надворешни работи (ЕЕАС), на која должност треба да стапи на 1 јули годинава.

Во соопштението на Европскиот совет се наведува дека Мишел му се заблагодарува на Мордју за неговата професионалност и посветеност во работата.

- Неговиот придонес имаше влијание врз успесите во надворешната политика на ЕУ и беше високо ценет дома и во странство. Претседателот Мишел му посакува се најдобро на Симон на неговата нов должност, се наведува во соопштението и се изразува уверување дека Мордју ќе даде свој голем придонес во ЕЕАС. /МИА

Свет

Зеленски отпушти висок разузнавач поради обвинувања за корупција

Украинскиот претседател Володимир Зеленски го разреши Илја Витјук, висок функционер во разузнавачката служба СБУ, поради обвинувања за корупција, јави ДПА.

Указот е објавен синоќа на веб-страницата на украинскиот претседател, без да се прецизираат причините за разрешувањето.

Витјук беше шеф на одделот за кибер безбедност на Службата за безбедност на Украина (СБУ).

Претходно, украинските медиуми објавија истраги во кои беше наведено дека сопругата на Витјук купила луксузен стан во центарот на Киев. /МИА

Македонија

Ковачки: За Свети Николе предвидуваме изградба на магистрален гасовод до Велес

За Свети Николе предвидуваме изградба на магистрален гасовод до Велес, реконструкција и проширување на патот до Пробиштип, реконструкција и проширување на градинката „Рахилка Гонева“ и нови 8 милиони евра за општината Свети Николе.

Почитувани граѓани, за земјоделците од овој крај, вклучително и за сите земјоделци, предвидуваме 800 милиони евра коишто ќе бидат директна поддршка за земјоделците, за навремени субвенции, за чистење на водоснабдителните системи. Нашите земјоделци заслужуваат подобар живот. Нашите граѓани заслужуваат подобар живот. Затоа ве повикувам сите на 8 мај заеднички да излеземе и да ги донесеме промените. Да ја донесеме победата на Македонија којашто долго се очекува.