Ужасно сум разочаран од одговорот што дојде од Софија, одговорот во суштина беше „одамна се случило“ и не беше ни јасен демант, реагира министерот за надворешни работи Тимчо Муцунски, во Само Интервју, за протекувањето информациии од Софија за семејството на премиерот.

Грешки се случуваат, вели Муцунски, а цивилизациски е да се извини тој што греши – особено во случај кога се споделени податоци за сопруга на премиер на Влада на земја членка на НАТО и малолетно дете.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Пратеничката на СДСМ, Сања Лукаревска, на денешната седница постави пратеничко прашање до министерката за образование Весна Јаневска, во врска со најавената оптимизација на образовниот систем и последиците врз наставниот кадар и учениците. Лукаревска укажа дека процесот се спроведува без доволна јавна дебата, со кратки рокови и бројни нејаснотии кои предизвикуваат загриженост кај наставниците, родителите и стручната јавност. Во прашањето, Лукаревска побара одговори колку наставници ќе останат технолошки вишок, колку од нив ќе бидат прераспределени како образовни асистенти и каква ќе биде нивната иднина по истекот на едногодишниот ангажман.

Во продолжение е интегралното пратеничко прашање на Лукаревска:

„Имам прашање многу актуелно деновиве за оптимизацијата во образовниот систем, затоа што доаѓаат многу реакции и од наставниците и од родителите, исто така и од независниот синдикат за образование и наука. Многу непознати, а малку одговори. Ова е навистина сериозен процес кој што бара инклузивност, комуникација со јавноста и предвидливост за да можат да бидат вклучени и слушнати сите засегнати страни од стручната фела. Значи неопходна е дебата.

Бидејќи зададовте екстремно кратки рокови од шест дена на општините да направат анализи и да ви достават податоци на основа на кои ќе ја темелите оптимизацијата, како и прераспределбата на наставниците како образовни асистенти, сакам да ја информирате јавноста од овде, од оваа говорница колкава е реалната потреба од образовни асистенти на ниво на државата. Колку наставници според вашите проекции ќе останат технолошки вишок како последица на оптимизацијата? Колку од нив планирате да бидат прераспределени како образовни асистенти и каде ќе бидат распределени останатите наставници кои нема да можат да бидат ангажирани на тие позиции.

Но, она на што исто така треба да биде да добиеме конкретен одговор што ќе се случи по една година. согласно член 19 став 11 од Законот за основното образование и член 3 став 11 од Законот за средното образование прераспределувањето на наставник на позиција образовен асистент е со време траење од една година. Што ќе се случи откога ќе истече оваа една година министерке? Дали имате план за тие луѓе? Дали ќе бидат вратени на наставни позиции и каде или секоја година повторно ќе поминуваат низ истата неизвесност и страв за својата егзистенција? Што е позадината на ова? Затоа што наставниците не се бројки односно ставки во некаква оптимизациска програма, тоа се луѓе со семејства, професионален интегритет, долгогодишно искуство.

Едноставно тоа се човечки судбини. Имаме информации дека во изминатиот период не се дозволува ниту трансформација на работните места на наставниците кои биле со договор на определено време, иако ги исполнувале условите да се трансформира нивниот работен однос од определено на неопределено. Дали тоа значи дека на сите нив ќе им се заблагодарите и со тоа ќе заврши нивниот работен ангажман? И да не ги заборавиме децата, бидејќи тие се и најважни во целиот овој процес. Дали размисливте колку овие прераспределувања кои се прават без одредена динамика, брзоплето и без сенс ќе се одрази на нивниот емоционален развој? Сите земји се трудат да го направат ученикот центар и столб во образовниот систем. Ама кај вас веројатно други се приоритетите, тендерите за превоз, а учениците не го добиваат приоритетот. И затоа јавноста заслужува јасен одговор. Моето прашање е дали зад оваа оптимизација стои сериозен и долгорочен план или повторно сведочиме на импровизација која ќе создаде нови проблеми наместо да ги реши постојните“, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Отворена е веб-страница за Венецуелците да пријавуваат исчезнати најблиски по земјотресите, при што 38.116 лица во моментов се пријавени како исчезнати, објави Скај Њуз.

Оваа бројка не е официјален број на потврдени исчезнати и го одразува хаосот на теренот додека семејствата се борат да стигнат до најблиските.

На веб-страницата, семејствата споделија и слики од оние до кои сè уште не се пронајдени.

Се вели дека повеќе од 1.600 луѓе се пронајдени откако претходно беа пријавени како исчезнати. Бројот на загинати е 164, иако се очекува дека црниот биланс ќе биде далеку поголем.

ОН предупреди на потребата од „масовен колективен напор“ за да се помогне на Венецуела и на погодените во наредните денови.

Том Флечер, заменик-генерален секретар на ОН за хуманитарни прашања и координатор за итна помош, рече:

„Дури и пред овие земјотреси, речиси осум милиони луѓе во Венецуела имаа потреба од хуманитарна поддршка. Оваа катастрофа ризикува да ги продлабочи постојните ранливости. Постојаната меѓународна поддршка за хуманитарните организации кои реагираат на терен е од суштинско значење и итна.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.