Автомобилизам

Босанците произведоа прво електрично возило (ВИДЕО)

Возилото е целосно развиено и произведено на територијата на Босна и Херцеговина, а до крајот на годинава ќе добие лиценца за сериско производство.

Тимот на GS-TMT од Травник има ветувачки нов производ. Откако во нивните капацитети е произведен електричниот велосипед кој се наоѓаше во колекцијата на Кристијано Роналдо, тие сега можат да се пофалат со првото босанско-херцеговско електрично возило кое наскоро ќе тргне кон Германија, дознава klix.ba.

А идејата за развој на вакво возило доаѓа од Германија, од Дојче Телеком, кој пројавил интерес за електрично лесно возило за испорака. Германската компанија која беше задолжена се повлече од проектот, па компанијата од Травник самостојно започна со развој.

Прототипот го доби името Ево, а до крајот на годината треба да помине хомологација и потоа да влезе во производство. Станува збор за возило со носивост од 300 kg и досег од 100 km со два модули на батерии. Менаџерот на проектот Лејла Зврко-Спахиќ ги открива другите спецификации на возилото: „Ево има два мотори на тркалата, заден погон, два батериски модули до 100 километри кои може да се прошират доколку му треба, и соларни панели на покривот како придонес за полнење на батеријата“.

Техничкиот директор на GS-TMT, Сенад Бегановиќ, во изјава за Klix.ba рече дека развојниот пат на прототипот Evo трае веќе две години.

„Целта беше да се создаде возило кое ќе биде достапно и кое ќе стигне до крајната точка на клиентот - неговата врата, каде што не може да се стигне со камион или комбе. Ова е прво електрично возило 100% произведено во Босна и Херцеговина, “, рече Бегановиќ.

Бегановиќ открива дека имало многу предизвици во проектот, а изборот на акумулатор од надворешен добавувач им направил проблеми, па на крајот развиле сопствена батерија за возилото што може да се полни на јавните станици за полнење.

Сега доаѓа хомологацијата, која ќе се прави во партнерство со шпанска компанија. По добивањето на сите потребни сертификати, следува сериското производство. Првите примероци на пазарот би требало да бидат достапни на почетокот на следната година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: СДС и Филипче против независноста: Не можат да го избришат сопствениот срам и да се надминат

Видеото за независноста има порака која обединува. Штета што и овој пат СДС е на погрешната страна.

Сума сумарум. СДС се лутат зошто го има првиот претседател на независна Македонија во спот за независноста, кој, патем, е избран консензуално, зошто немало ништо за НАТО, а си ќутат за промената на името. Протестираат зошто нема ништо за Груевски и премеруваат кој за што е заслужен, а веројатно им е тешко што го нема Заев или друг премиер. Но, сепак, ова е спот за дел од позитивните страни во овие 35 години. За негативните уште не е снимен, но таму Заев и Венко се во главна улога, а народот сето тоа го памети.

Згрозени сме од нивото на политичка култура на Венко Филипче и од начинот на кој политизираат нешто што граѓаните го разбираат и прифаќаат како народна прослава на независноста. Искрено жалиме што СДС нема капацитет да ја види големата слика и да го надмине сопствениот талог. Не сме изненадени, но сме разочарани од тоа што денес претставува ова раководство на СДС.

Понатаму нема да коментираме повеќе за партијата која го донесе најголемиот срам и криминал во овие 35 години.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во текот на изминатото деноноќие 15 лица лишени од слобода поради безобѕирно управување моторно возило

Во текот на изминатото деноноќие на целата територија на државата, полициските службеници лишија од слобода 15 лица поради сторено кривично дело „безобѕирно управување со моторно возило“ по член 297-а од Кривичниот законик.

Од нив, осум лица управувале моторно возило без возачка дозвола, од кои четири малолетници, четири лица управувале возило под дејство на алкохол, едно лице управувало возило со активна забрана, едно лице возело без возачка дозвола и под дејство на алкохол и едно лице возело под дејство на алкохол со активна забрана.

По целосно документирање на случаите, против лицата ќе бидат поднесени соодветни кривични пријави.

Министерството за внатрешни работи апелира сите учесници во сообраќајот доследно да ги почитуваат сообраќајните правила и прописи, да не управуваат моторно возило без возачка дозвола, доколку имаат изречена мерка за забрана за управување, ниту под дејство на алкохол. Одговорното однесување во сообраќајот е заедничка обврска и клучен предуслов за поголема безбедност на сите граѓани.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Расчистено разбојништво од почетокот на јули во скопско

Од слобода се лишени две лица и поднесена е кривична пријава

По преземени мерки и активности, полициски службеници од СВР Скопје - ЕВР Гази Баба на 08.08.2026 во 10:20 часот на ул.„Јани Лукровски“ ги лишија од слобода Џ.А.(26) и А.А.(26), двајцата од с.Брест, скопско, поради сомнение за извршено кривично дело „разбојништво“ по член 237 од кривичниот зкаоник.

Тие се сомничат дека на 04.07.2026 во 20:45 часот во населба Илинден во Скопје физички и со дрвен предмет го нападнале Б.С.(28) од с.Арачиново, скопско, по што со закана со пиштол му одзеле пари.

Во координација со јавен обвинител против нив е поднесена кривична пријава и изведени пред судија за претходна постапка кој им определи мерки за претпазливост.

Тагови: разбојништво

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.