Борут Пахор позира во кревет со гола русокоса (ФОТО) - Канал 5

Забава

Борут Пахор позира во кревет со гола русокоса (ФОТО)

Поранешниот претседател на Словенија, Борут Пахор го привлече вниманието на јавноста - овој пат поради необична објава на социјалните мрежи.

Борут Пахор позира во кревет со гола русокоса (ФОТО)

Фотографии на кои позира во пижами се појавија на неговите официјални профили на Фејсбук и Инстаграм.

Во серија фотографии и кратки видеа, Пахор е прикажан во опуштена, речиси домашна верзија: чита утрински вести, пие кафе и поминува безгрижно време во својата спална соба. Но, сцената каде што лежи во кревет додека прегрнува гола русокоса предизвика најголема дискусија, пренесе Индекс.

Само маркетиншки трик

Иако провокативните сцени веднаш предизвикаа поплава од коментари, се покажа дека станува збор само за маркетиншка кампања. Поранешниот претседател сними реклама за добро позната марка пижами, која ја препорача како идеален божиќен подарок.

Влезе во морето во одело и стана хит

Неодамна, Пахор успеа да направи она што е ретко за секој политичар - да го насмее и воодушеви интернетот. Со својата објава на Инстаграм од Будва, изненади многумина, позирајќи во елегантно одело... среде плажа.

Токму овој нагласен контраст помеѓу формалниот изглед и морската средина ја претвори фотографијата во вистински мал интернет хит. За само неколку дена, објавата собра илјадници лајкови и разни коментари - од ентузијастички до хумористични - но сите јасно покажаа дека Пахор повторно ја забавуваше јавноста.

Некои на шега го нарекоа „дива“, други му испратија поздрави од Црна Гора и Словенија, додека некои корисници ја споредија сцената со корици на албуми или модни едиторијали. Секако, имаше и такви што го критикуваа за необичната комбинација на костум и плажа, но повеќето се согласија за едно - Пахор навистина знае како да привлече внимание.

„Која е таа ДИВА??!“, „Дива Борчи, ајде да одиме!“, „Борут во фаза на дива“, „Што мислите за новиот албум на Тејлор Свифт?“, „Каква прекрасна работа“ и „Браво, кралице“ се само дел од коментарите што ја преплавија објавата.

Порано бил манекен

Пахор претходно беше познат по својот опуштен, директен пристап на социјалните мрежи. За разлика од повеќето политичари, тој никогаш не се плашеше од спонтани фотографии, селфиња и хумор, што му донесе повеќе од 150.000 следбеници и статус на еден вид ѕвезда на Инстаграм.

Многу луѓе се сетија на неговото минато како манекен поради оваа објава. Додека сè уште била студент, се занимавал со манекенство, и тогаш наводно го добил прекарот Барби. Судејќи според најновите објави - се чини дека не заборавил како да стои пред објективот.

Тагови: Борут Пахор

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Четворица пингопонгари ќе ги бранат боите на Македонија на Европското младинско првенство

Групната фаза на програмата на 15-ти Јуни, четворица наши ќе ги бранат боите на Македонија на Европското младинско првенство.

Четворица пингопонгари ќе ги бранат боите на Македонија на Европското младинско првенство

Мартин Ристески и Бојана Јовевска во категоријата до 15 години и Александар Јакимовски и Софија Хасану до 19 години ги играат првите натпревари на 15-ти Јули од 10 часот.

Во категоријата до 15 години Мартин Ристески се сретнува со Матејус Адамонис од Литванија.

Бојана Јовевска ќе игра против Солек Натиа од Полска

Во категоријата до 19 години настапуваат Софија Хасану против Ковалова Дариа од Украина, а Александар Јакимовски ќе ги одмери силите со Дусине Нејтан од Франција.

Европското пинг-понг првенство се одржува во Гондомар, Португалија, од 10 до 19 Јули.

Пинг-понгарска федерација на Македонија

Тагови: пинг понг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кривична пријава против поранешен директор на ЈКП „Брегалница“-Делчево

Кривична пријава против поранешен директор на ЈКП „Брегалница“-Делчево поради „злоупотреба на службената положба и овластување“

Кривична пријава против поранешен директор на ЈКП „Брегалница“-Делчево

Надворешната канцеларија за криминалистички работи Делчево на 13.07.2026 поднесе кривична пријава против С.С.(61) од Делчево, поранешен директор на ЈКП „Брегалница“- Делчево, поради постоење основи на сомнение за сторено кривично дело ,„злоупотреба на службената положба и овластување“, по член 353 ст.1 во врска со член 45 ст.1 од КЗ.

С.С. како службено лице - директор на ЈКП „Брегалница“- Делчево ја злоупотребил службената положба и овластување со пречекорување на границите на своите службени овластувања, при што во периодот од 2023 до 2025 година, на вкупно 112 вработени во ЈКП „Брегалница“-Делчево им издал вкупно 92 решенија за зголемување на основната плата поради работна успешност, при тоа без да има предлози од непосреден раководител на работникот и без согласност на непосреден раководител на работникот, со што постапил спротивно на член 51 ст.1 од Колективниот договор за комуналните дејности и спротивно на член 81 ст.2 од Колективниот договор за уредување на правата, обврските и одговорностите од работниот однос на работниците од ЈКП „Брегалница“- Делчево и предизвикал вкупна материјална штета на јавното претпријатие од 267.873 денари.

Тагови: кривична пријава

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

НЛБ Банка и „Прагма Продукција“ го официјализираа партнерството за претстојната летна концертна сезона

НЛБ Банка и „Прагма Продукција“ денеска го официјализираа партнерството за претстојната летна концертна сезона.

НЛБ Банка и „Прагма Продукција“ го официјализираа партнерството за претстојната летна концертна сезона

На заедничка прес-конференција ги најавија музичките настани што ќе ја одбележат летната програма, како и ексклузивните поволности што ќе бидат достапни за клиентите на НЛБ Банка, со посебен акцент на пакетот **nlb next**, наменет за младите.

На прес-конференцијата присуствуваа и членовите на дуото „Дупер“ и Слаткаристика, кои ги најавија претстојните настапи и ја поздравија иницијативата за поддршка на домашната музичка сцена.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер