Борис Трајанов одликуван со титулата „Национален уметник на Република Македонија“ - Канал 5

Култура

Борис Трајанов одликуван со титулата „Национален уметник на Република Македонија“

Оперскиот пејач Борис Трајанов денеска ја прими титулата „Национален уметник на Република Македонија“, која му ја врачи претседателот Ѓорге Иванов.

Борис Трајанов одликуван со титулата „Национален уметник на Република Македонија“
- Борис Трајанов со својот глас на најпрестижните светски оперски сцени ја претставува Република Македонија во најдобро светло и посведочува за нашата култура, уметност и духовност. Со овој чин ја искажуваме нашата посветеност кон уметноста и трајните културни уметности. Културата и уметноста се стожерот на секоја нација и оттука треба постојано да ги унапредуваме условите за нивен развој, истакна при врачувањето на титулата претседателот Иванов.

Тој потсети дека Трајанов, покрај богатата музичка кариера, беше и иницијатор на акцијата „Денот на дрвото истакнувајќи притоа дека со својот личен пример го мотивирал целото македонско општество.

- Со своите иницијативи и проактивност Трајанов покажа дека уметниците со своите идеи и креативност можат себеси и својата енергија да ја вложат за доброто на сите. Музиката е можеби доволна за цел живот, но еден цел човечки живот не е доволен за музиката. Таа се пренесува од генерација на генерација. Како посветен педагог на Музичката академија на универзитетот „Гоце Делчев“ во Штип тој веќе се грижи на Македонија да и остави достојни наследници. Сето она што досега го има направено маестро Борис Трајанов му ја донесе и најпрестижната државна награда од културата - титулата Национален уметник на Република Македонија, истакна Иванов.

Министерката за култура Елизабета Канческа-Милевска рече дека со доделувањето на ова највисоко признание од областа на културата во нашата земја се вреднува влогот на уште еден македонски уметник кој, како што рече, даде исклучителен придонес во афирмацијата на Република Македонија и нејзината музичка култура во светот.

- Денеска ја доделуваме четвртата по ред титула Национален уметник на маестро Борис Трајанов кој со своите бројни изведби и креации, својот талент и умешност создаде вредности кои се наш печат за идентификација во светот. Оваа титула е признание за ангажманот во промоцијата на културата на Република Македонија која несомнено е земја на врвни уметници кои со своето дело го слават името на сопствената држава низ сите светски културни метрополи, истакна министерката за култура.

Титулата Национален уметник, додаде таа, е наша недвосмислена заложба да им оддадеме почит на уметниците кои го вложуваат целото свое професионално делување во надградувањето на уметничкиот идентитет на Република Македонија.

Борис Трајанов е роден во Љубљана во 1959 година. Соработува со најголемите диригенти и оперски имиња, има толкувано 40 водечки баритонски улоги, 900 настапи од кои 700 оперски претстави и гостувања во речиси сите еминентни оперски сцени како Римската опера, Ла Фениче во Венеција, во Операта во Грац, во Монте Карло, Пацифик операта во САД, Кејптаун во Јужна Африка, Сеулскиот изведувачки центар во Јужна Кореја... Тој е добитник и на повеќе други признанија кои, како што истакна Канческа-Милевска, го потврдуваат како уметник со светско реноме, но и како голем хуманист и поборник за здрава иднина. Добитник е на наградата Уметник на мирот на УНЕСКО и наградата „11 Октомври“ за животно дело.

- Кога ја добив наградата на УНЕСКО за мир во Париз 2005 година во мојот говор посочив дека наградата му ја посветувам на мојот народ, односно на сите граѓани на Република Македонија. Сега тој народ, граѓаните на Република Македонија мене ми ја вратија таа награда и ми ја доделија титулата Национален уметник. Тоа за мене е голема чест, рече Трајанов.

Истакна дека наградата на УНЕСКО е престижна меѓународна награда, но оти титулата Национален уметник на Република Македонија е повредна за него оти, како што рече, му ја доделува сопствениот народ, луѓето на кои им припаѓа.

Добитникот на титулата Национален уметник на Република Македонија додаде дека сето она што тој го направил во својот живот во музичката кариера, вклучувајќи го и ангажманот во акцијата „Денот на дрвото“, го направил како обид да возврати за талентот кој му бил даден и да и возврати на својата татковина.

На доделувањето на титулата присуствуваа голем број личности од политичкиот и општествениот живот, како и неговата професорка 91-годишната Бисерка Цвејиќ во чија класа магистрирал на Факултетот за музичка уметност во Белград.

Трајанов е четврт носител на титулата Национален уметник, која ја имаат и пијанистот Симон Трпчески, режисерот Милчо Манчевски и естрадниот уметник Есма Реџепова. Наградата е доживотен паричен надомест од 60 илјади денари месечно.


YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Илјадници луѓе излегоа на улиците во Португалија: „Нема да ни ги украдете домовите“

Илјадници луѓе денес излегоа на улиците во 32 градови низ Португалија, барајќи итна акција од владата за решавање на влошената криза со домувањето во земјата.

Илјадници луѓе излегоа на улиците во Португалија: „Нема да ни ги украдете домовите“

Протестите беа организирани од платформата „Каса пара вивер“ (Дом за живеење) под слоганот „Тие нема да ни го украдат правото на дом“. Митинзите се одржаа во Лисабон, Порто, Фаро, Портимао, Коимбра, Брага и други градови.

Барање за контрола на киријата и поголема заштита на станарите

Демонстрантите бараат построга контрола на киријата, поголема заштита на станарите од иселувања и поголеми инвестиции во изградба на достапни јавни станови. Тие исто така бараат повлекување на предложените измени во законот за станови за изнајмување.

Рита Силва, портпаролка на платформата „Каса пара вивер“, изјави за новинската агенција Луса дека протестите низ целата земја покажуваат дека кризата со домувањето не ги погодува само големите градови, туку цела Португалија.

Платформата, која обединува околу 100 здруженија за домување и локални организации, исто така бара построги правила за договорите за изнајмување, празните имоти, краткорочните туристички изнајмувања и сузбивање на шпекулациите со имоти.

Владата предлага измени во законот за изнајмување

Протестите се случија откако парламентот во принцип го одобри предлогот на владата за измена на законот за изнајмување. Предложените измени би овозможиле поголема флексибилност во договорите за изнајмување и би ги забрзале процедурите за иселување.

Активистите за правата на домување предупредуваат дека промените би можеле дополнително да ја ослабат заштитата на закупците во време на зголемување на кириите и намалување на достапноста на станови.

Активистите го повикуваат премиерот на разговори

На националните протести им претходеше состанок меѓу португалскиот претседател Антонио Хозе Сегура и активистите за правата на домување во петокот.

Претставниците на платформата „Каса пара вивер“ го поздравија состанокот и го повикаа премиерот Луис Монтенегро лично да се вклучи во разговори со нивното движење.

Тагови: Португалија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

51. Марш на ангелите во Кочани: Маршираме за сите невини жртви во трагедиите што ја завија Македонија во црно

Вечерва во Кочани родителите на жртвите во дискотеката „Пулс“ го одржаа 51-от Марш за ангелите.

51. Марш на ангелите во Кочани: Маршираме за сите невини жртви во трагедиите што ја завија Македонија во црно

Во дел од своите обраќања порачаа дека денеска освен за 63-те ангели кои загинаа во дискотеката, маршираат и за сите невини жртви што ја завиле Македонија во црно, како трагедиите во модуларната болница, Ласкарци, автобусот на Беса Транс. Им оддадоа почит и на жените и девојките чии животи како што посочија, насилно биле прекинати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зеленски: Путин сака да окупира украински град под маската на хуманитарна мисија

Путин го даде својот предлог на 12 ноември во Москва, за време на состанокот со американските специјални пратеници Џаред Кушнер и Стив Виткоф.

Зеленски: Путин сака да окупира украински град под маската на хуманитарна мисија

Предлогот на рускиот претседател Владимир Путин за воспоставување привремена „хуманитарна мисија“ во Костјантинивка во источна Украина е всушност план руските сили да влезат во градот и да го окупираат, изјави украинскиот претседател Володимир Зеленски, додавајќи дека таков потег ќе ѝ овозможи на Москва понатамошно напредување кон Краматорск, објави „The Kiev Independent“.

„Примитивен потег за окупирање на градот“

„Ова е сосема примитивен потег бидејќи не може да го заземе овој град на кој било друг начин“, им рече Зеленски на новинарите. Според него, прекинот на огнот ќе им овозможи на руските трупи да се прераспоредат на поповолни позиции во самата Костјантинивка и нејзината околина.

Зеленски вели дека предлогот му го пренеле американските преговарачи. „Им го објаснив мојот став за Костјантинивка на американските преговарачи. Таму живеат само украински граѓани, а борбите се водат во самиот град“, рече тој. „Ми го донесоа овој предлог, а потоа рекоа: „Да, разбираме“, додаде Зеленски.

Предупредување за наплив кон Краматорск

Костјановка се наоѓа во регионот Донецк, каде што се водат жестоки борби, и претставува голема пречка за руските напори да го заземат остатокот од регионот. Затоа контролата врз градот е воен и дипломатски приоритет за Москва.

Зеленски нагласи дека Украина направила сè што е можно за да ги евакуира цивилите од областа. „Ако ја предадеме Костјантинивка, нивните следни чекори ќе бидат нашите други градови во Донбас“, рече тој.

Според Зеленски, украинската страна им дала на Американците список од седум или осум блокирани населби каде што сè уште се присутни цивили, вклучително и деца, како што е селото во близина на Олешки. Тој нагласи дека Русија не предложила хуманитарна операција за ниту едно од овие места. „Зошто? Затоа што по Костјантинивка доаѓаат Краматорск и Славјанск“, заклучи тој.

Ситуацијата на терен

Путин го даде својот предлог на 12 ноември во Москва, за време на состанокот со американските специјални пратеници Џаред Кушнер и Стив Виткоф, додека борбите продолжуваат во Костјантинивка. Украина ги отфрли руските тврдења дека Москва го контролира градот. Главниот штаб на украинската армија објави дека нејзините сили сè уште дејствуваат против руските пешадиски групи кои се обидуваат да влезат во градот.

Советникот на украинскиот претседател, Дмитро Литвин, ги доведе во прашање мотивите на Москва. Тој потсети на претходната руска понуда за хуманитарна операција во Олешки, во Херсонската област, која, како што тврди, служела за ротација на трупите и доведување дополнителен персонал во областа под маската на привремен прекин на огнот.

Тагови: Владимир Путин Володимир Зеленски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер