Борис Бекер тајно се венчал со 23 години помлада убавица - Канал 5

Забава

Борис Бекер тајно се венчал со 23 години помлада убавица

Легендата на светскиот тенис 56 годишниот Борис Бекер тајно се оженил со убавата Лилијан де Карваљо Монтеира.

Борис Бекер тајно се венчал со 23 години помлада убавица

Германскиот Вог ги објави првите фотографии од венчавката во Портофино, Италија. Бекер на церемонијата бил облечен во беж костум со црна машна, а 33 годишната Лилијан блескала во венчаница без прерамки.

Како што пишува Вог, на свадбата имало околу 80 гости. Веридбата наводно се случил во 2021 година во катедралата во Милано.

Инаку новата госпоѓа Бекер, Лилијан е менаџерка за проценка на политички ризик со потекло од африканскиот остров Сао Томе и Принципе, е со Бекер веќе неколку години.

Тие се преселиле заедно во Милано по неговото ослободување од затвор, каде што отслужил осум месеци од две и пол години затвор добиени поради измами во личниот банкрот.

Монтеиро, која има три дипломи и зборува пет јазици, потекнува од угледно семејство.

Нејзиниот татко бил министер за одбрана на Сао Томе и Принсипе и претседателски кандидат во 2014 година.

Инаку, за Бекер ова е трет брак. Тој се ожени со својата прва сопруга Барбара во 1993 година, а се разведе во 2001 година, откако тенисерот призна дека имал афера додека неговата сопруга била бремена со нивното второ дете. Потоа се ожени со Лили Бекер, но се разделија во 2018 година по девет години заедно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ужас во Струга: Мајка си ги оставила двете деца да спијат во автомобилот, додека била на работа

ОВР  Струга поднесе кривична пријава против Н.С.(42) од струшко село, поради постоење основи на сомнение за сторено кривично дело „запуштање и малтретирање дете“ по чл.201, став 1 од Кривичниот законик. 

Ужас во Струга: Мајка си ги оставила двете деца да спијат во автомобилот, додека била на работа

Пријавената, во вечерните часови на 08/09.06.2026 година, ги оставала своите две малолетни деца да спијат во нејзиното возило додека била на работа.

Во координација со јавен обвинител, полициски службеници презеле мерки и во паркираното возило на земјен паркинг на улицата „Владо Малески“ во Струга ги затекнале децата како спијат, соопштуваат од СВР Охрид.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Возеле камиони во спротивна насока на патот Гостивар- Тетово, двајцата се уапсени

Лишени од слобода двајца возачи затоа што возеле во спротивен правец на патот Гостивар-Тетово, следуваат кривични пријави.

Возеле камиони во спротивна насока на патот Гостивар- Тетово, двајцата се уапсени

На 27.06.2026 во 11:30 часот на патот Гостивар- Тетово, полициски службеници од Полициската станица за безбедност на патниот сообраќај Тетово го лишија од слобода В.М. (30) од с. Боговиње, затоа што со товарно моторно возило „мерцедес“ со тетовски регистарски ознаки, се движел во спротивен правец од дозволениот правец на движење.

Исто така, на 27.06.2026 во 12:30 часот, на патот Гостивар– Тетово, кај наплатната рампа Тетово, полициски службеници го лишија од слобода и М.Д. (55) од с. Фалише, затоа што со товарно возило „фолксваген“ со тетовски регистарски ознаки, се движел во спротивен правец од дозволениот правец за движење.

Двајцата се приведени во полициска станица и по документирање на случаите, против нив ќе бидат поднесени соодветни пријави, соопшти МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Трагедија во Франција: Авион што превезувал падобранци се урна во предградие на Нанси– се стравува дека има десетина загинати

Авион се урна денеска во предградието на францускиот град Нанси, а се стравува дека има многу жртви, јавуваат локалните медиуми.

Трагедија во Франција: Авион што превезувал падобранци се урна во предградие на Нанси– се стравува дека има десетина загинати

Авионот паднал на тревна површина покрај улица, во близина на куќи, а бројни противпожарни екипи биле испратени на местото на настанот.

Според некои извештаи, се стравува дека може да има десетина жртви.

Авионот, како што се вели, превезувал група падобранци кои планирале да изведат скокови на еден настан.

Полициските службеници го затвориле тој дел од градот, а префектот на регионот Мерт-ет-Мозел е на местото на настанот, кој подоцна ќе одржи прес-конференција.

- Несреќата се случила околу 11 часот наутро. Минував со мојот автомобил додека одев на шопинг, кога го видов авионот како се спушта и паѓа на земја - изјавил очевидец, пренесе РТЛ.

Тагови: авион падобранци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер