Боре Видевски бил на работа кога се случиле убиствата на Панче и Вања, тврди адвокатот - Канал 5

Македонија

Боре Видевски бил на работа кога се случиле убиствата на Панче и Вања, тврди адвокатот

По Велибор Манев, денеска во Кривичниот суд почна сведочењето и на обвинетиот Боре Видевски на судењето за убиствaтa на Вања Ѓорчевска и Панче Жежоски.

Боре Видевски бил на работа кога се случиле убиствата на Панче и Вања, тврди адвокатот

Боре Видевски негираше било каква вмешаност и планирање на убиствата на Панче Жежовски и Вања Ѓорчевска. Тој денеска даде исказ пред судот тврдејќи дека признанието што претходно го дал во полиција и обвинителството било под принуда, повеќе пати бил тепан во полициска станица и притвор. За снимките на кои се гледа дека се собираат во куќата на Велибор Манев, рече дека се работи за партиски активности на партијата Десна по сознанијата на Плаевски дека се заговара промена на името на МПЦ ОА планирале литија во Велес и дека снимката не е од датумот кој го посочува обвинителството. Дента кога е киднапиран и убиен Жежовски тврдеше дека бил на работа иако не знаеше дали некој од колегите го видел, а на 27 ноември 2023 кога е киднапирана и убиена Вања, рече дека по преспиената ноќ во просториите на Десна си замнинал за Велес пред 10 часот. Мобилниот телефон уште од претходниот ден не го носел со себе.

„Со колата дојде да ме земе на 26-ти и тргнавме во Скопје. Пристигнавме во просториите на Десна, мислам дека имаше поткаст и затоа подоцна отидовме. Таму беа и Кристијан Плотников и Ѓорѓи Џолев, се задржавме доста доцна. Бидејќи партијата е новоформирана и има проблеми со наоѓање простории за одредени активности на политички план, се задржавме малку подоцна и останавме да преноќиме. Преноќивме кој каде што стигна. Во обвинителство кажав дека спиев до 10 часот, но можеби сум станал и порано.“

Одговарајќи на прашањата на обвинителките, Видевски не можеше да се сети за комуникацијата со Палевски, тврдеше и дека има доказ дека тие денови одел на работа. За пиштолот со калибар 9 мм кој го поседувал рече дека не знаел каде е подолго време. Одговори и дека не го познава обвинетиот татко на Вања, Александар Ѓорчевски. Не се сеќаваше ни дека Велибор Манев уште претходно на мобилен му испратил слика од Панче Жежовски со циторенот која обвинителсството ја пронашло. Неговиот адвокат

„На исказ во обвинителство на 21.12.2023 се посочени лица коишто работат со него и коишто се наоѓаат во канцеларија со него на 22.11 кој беше утврден како ден на извршување на убиството на Панче Жежовски. Постојат и лица но и потврда од ЈП Дерван кои ќе го потврдат тоа во дополнителни докази.“

На денешното судско рочиште заврши и исказот на обвинетиот Велибор Манев кој ги призна сите дела и ги посочи Палевски, Видевски и Кешишов. Љупчо Палевски и денеска бараше изземање на обвинителството. судењето продолжува во среда кога ќе се чита исказот на Боре Видевски даден во истрага и ќе одговара на прашања на останатите обвинети и адвокати.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер