Борба против падот на наталитетот: Јапонската влада го поттикнува татковското отсуство - Канал 5

Борба против падот на наталитетот: Јапонската влада го поттикнува татковското отсуство

Во последниот обид да се смени ситуацијата, јапонскиот премиер Фумио Кишида минатата недела најави низа нови мерки, вклучувајќи и зголемување на детските бенефиции и вети дека ќе го зголеми бројот на работници мажи кои земаат татковско отсуство.

Борба против падот на наталитетот: Јапонската влада го поттикнува татковското отсуство

Дете кое седи на рамениците на својот татко и се смешка за време на прошетка во парк е типична слика за јапонскиот икумен, термин што ги комбинира јапонските зборови ikuji, што значи грижа за децата, и ikemen, што се однесува на кул мажи, пишува агенцијата Кјодо.

Јапонските власти широко го промовираа овој термин во текот на изминатата деценија за да се борат против озлогласено долго работно време во земјата, што не само што татковците воркохолици ги лиши од времето со семејството, туку и придонесе за една од најниските стапки на наталитет во светот.

Во последниот обид да се смени ситуацијата, јапонскиот премиер Фумио Кишида минатата недела најави низа нови мерки, вклучувајќи и зголемување на детските бенефиции и вети дека ќе го зголеми бројот на работници мажи кои земаат татковско отсуство од сегашните 14 на 50 проценти до 2025 година и до 85 проценти до 2030 година.

Кишида соопшти дека неговата влада, исто така, ќе преземе чекори за зголемување на приходите за младите работници и зајакнување на економската помош, со цел да создаде средина погодна за воспитување деца без грижи, пренесува Кјодо.

-Во текот на 2030-тите, јапонската млада популација ќе се намали двојно побрзо од денеска. Следните шест до седум години ќе бидат последна шанса да се смени падот на наталитетот, рече Кишида, додавајќи дека неговата влада ќе подготви пакет политика за децата до крајот на март.

Наталитетот на рекордно ниско ниво

Во Јапонија, 85,1 отсто од жените кои ги исполнувале условите земале породилно отсуство во фискалната 2021 година до март 2022 година, но тоа го сториле само 13,97 отсто од мажите. Многу работници велат дека се загрижени дека земањето отсуство може да ги преоптовари колегите.

Бројот на бебиња родени во Јапонија во 2022 година опадна на ново рекордно ниско ниво, седма година по ред, на помалку од 800.000, за првпат откако почна да се води евиденцијата во 1899 година, покажаа владините податоци објавени кон крајот на минатиот месец.

Кишида го нагласи зголемувањето на трошоците за борба против падот на наталитетот, додавајќи дека фокусот на политиката за деца е најитната точка од неговата агенда годинава, но не појасни како ќе го финансира буџетот.

Јавната потрошувачка на Јапонија за поддршка на семејството беше околу 75 милијарди долари во фискалната 2020 година, што претставува 2,01 отсто од бруто домашниот производ, што ја става земјата зад напредните европски економии. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хакери упаднаа во ФБИ. Трамп: Можеби ќе дознаеме нешто за изборната измама

Американскиот претседател Доналд Трамп изјави дека се надева оти најновиот хакерски напад врз база на податоци на ФБИ би можел да открие корисни информации,.

Хакери упаднаа во ФБИ. Трамп: Можеби ќе дознаеме нешто за изборната измама

Американскиот претседател Доналд Трамп изјави дека се надева оти најновиот хакерски напад врз база на податоци на ФБИ би можел да открие корисни информации, вклучително и во врска со истрагата за руското мешање во американските избори и наводните изборни измами.

„Секогаш сакам да гледам на работите од позитивната страна“, рече Трамп во интервју за „Фокс њуз“, коментирајќи го вториот голем сајбер-напад врз ФБИ во изминатите два месеца.

Хакери упаднаа во чувствителна база на податоци на ФБИ Според информации што две лица запознаени со случајот ги потврдија за телевизијата „MS NOW“, хакерите пристапиле до Националниот центар за криминално разузнавање (NCIC) – една од клучните бази на податоци на ФБИ.

Базата содржи податоци за отпечатоци од прсти, лица по кои се трага, сторители на насилни кривични дела и исчезнати лица. Пристап до овие информации имаат само органите за спроведување на законот, но податоците не се класифицирани како тајни. Сè уште не е познато колкаво количество податоци успеале да преземат напаѓачите.

Од ФБИ не одговорија на барањето за коментар, а веста за нападот прв ја објави Си-Ен-Ен (CNN).

За време на телефонско интервју за „Фокс њуз“, Трамп призна дека хакерскиот напад не е добра вест, но истовремено изрази надеж дека тој би можел да открие информации што претходно не биле достапни за јавноста.

„Ќе кажам дека тоа не е добро. Не ми се допаѓа. Но, можеби ќе дознаеме работи што инаку никогаш не би ги дознале, бидејќи, знаете, ја имавте целата таа измама ’Русија, Русија, Русија‘“, рече Трамп.

„Можеби ќе дознаеме нешто за изборните измами – сите тие изборни измами што се случија“, додаде американскиот претседател, без да понуди какви било докази со кои би го поврзал овој упад со своите тврдења. Трамп со години ги оспорува наодите од истрагите за руското мешање во претседателските избори во САД во 2016 година. Тој, исто така, продолжува да изнесува неосновани тврдења за распространети измами на изборите во САД.

Ова е втор значаен безбедносен инцидент поврзан со ФБИ во последните два месеца. Во септември, хакерска група позната како „Шајнихантерс“ (ShinyHunters) упадна во системи што содржат податоци за вработените во оваа американска федерална агенција. Тогаш, напаѓачите дојдоа до чувствителни информации за речиси сите вработени во ФБИ, како и за бројни службеници од локалните органи за спроведување на законот, кои учествувале во заеднички истражни тимови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Триумф на Верстапен на Гран прито во Лас Вегас

Возачот на Ред Бул, Макс Верстапен, е победник на трката за  Големата награда на Лас Вегас од светскиот шампионат во Формула 1.

Триумф на Верстапен на Гран прито во Лас Вегас

За извонредниот Холанѓанец ова е четвртата победа во последните шест трки.

Трката за Големата награда на Лас Вегас, дефинитино беше најнеизвесната и највoзбудливата оваа сезона.

Од самиот почеток се водеше голема борба, буквално за секоја позиција на патеката. Верстапен успеа да се одбрани од конкурентите, најмногу од Расел, кој 35 кругови беше зад него.

Ред Бул извојува победа благодарение на различните поставки на болидот Верстапен.

Холанѓанецот, по голема борба и бројни промени во водството, стигна до триумф пред Ландо Норис и Оскар Пјастри од Мекларен.

Проблеми во финишот, со болидот, имаше светскиот првак, Кими Антонели, кој во неколку свиоци ја загуби втората позиција од Норис и Пјастри.

Четвртото место му припадна на Антонели, додека Алпин оствари одличен резултат благодарение на петтата позиција на Гасли и шестото место на Франко Колапинто.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Припадниците на Баталјонот на специјални сили евакуираа тешко повреден алпинист од непристапен терен во реонот на Демир Капија

Од редовна обука во вистинска спасувачка акција: Припадниците на Баталјонот на специјални сили евакуираа тешко повреден алпинист од непристапен терен во реонот на Демир Капија.

Припадниците на Баталјонот на специјални сили евакуираа тешко повреден алпинист од непристапен терен во реонот на Демир Капија

Припадниците на Баталјонот на специјални сили (БСС) успешно реализираа сложена спасувачка акција за евакуација на тешко повреден алпинист од непристапен терен во реонот на Демир Капија.

За време на изведувањето на редовна напредна обука за планински операции, припадниците на БСС беа алармирани за несреќа што се случила во непосредна близина, при која цивилно лице – алпинист, во текот на качувањето по карпи, паднало на исклучително стрмен и непристапен терен, при што се здобило со тешки телесни повреди.

Веднаш по добивањето на информацијата, припадниците на специјалните сили пристапиле кон организирање и спроведување на спасувачката акција. На повреденото лице му била укажана прва медицинска помош на местото на несреќата, по што, со употреба на специјализирана алпинистичка и спасувачка опрема, било извршено безбедно извлекување од непристапниот терен и транспорт преку реката.

По успешно извлекување до пристапна точка, повредениот алпинист бил предаден на екипите на Итната медицинска помош за понатамошно згрижување и лекување.

Оваа успешна интервенција уште еднаш ја потврдува високата обученост, професионалноста, подготвеноста и способноста на припадниците на Баталјонот на специјални сили за дејствување во сложени и ризични услови. Воедно, таа е потврда за нивната пожртвуваност, решителност и подготвеност за ангажирање во најпредизвикувачки ситуации, во служба на граѓаните и заштита на човечките животи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер