Живот

Богато украсени пиштоли на Наполеон ќе се продаваат на аукција

Два богато украсени пиштоли кои му припаѓале на Наполеон I до неговата прва абдикација во април 1814 година, а со кои сакал да се убие, ќе бидат понудени на аукција во недела во близина на Париз, објави аукциската куќа Осенат.

Пиштолите се продаваат во дрвени кутии и со додатоци. Тие се украсени со злато и сребро и го носат ликот на императорот, а нивната вредност се проценува на 1,2 до 1,5 милиони евра, изјави експертот на Осенат, Жан-Пјер Осенат.

„Наполеон специјално ги нарачал од занаетчиот Луис Марин Госет, кој работел во фабриката во Версај“, рече тој. Пиштолите се поврзани со неговиот обид за самоубиство во Фонтенбло, во близина на Париз, ноќта меѓу 12 и 13 април, бидејќи бил разочаран од воениот пораз.

Но, тој беше спречен во тоа од неговиот главен коњушар Коленкур (Armand Augustin Louis, Marquis of Caulaincourt, војводата од Виченца, 1773-1827), кој го извадил барутот од пиштолот. Наполеон потоа зел отров, но го фрлил и не умрел, рекол Осенат. „Тогаш императорот му подари два пиштоли на Коленкур за неговата лојалност во тие црни денови. Оттогаш тие се во сопственост на неговото семејство кое реши да ги продаде“, рече тој.

Осенат истакна дека пиштолите имаат голема уметничка и историска вредност и се барани во целиот свет. Тој потсети дека во ноември познатата капа на Наполеон беше продадена за 1,93 милиони евра.

Наполеон абдицирал за прв пат на 6 април 1814 година, по влегувањето на пруските и руските трупи во Париз, и отишол во егзил на островот Елба.

Дефинитивно бил поразен во битката кај Ватерло, по што абдицирал по втор пат во јуни 1815 година и отишол во егзил на островот Света Елена, каде што починал во мај 1821 година.

Живот

Ја запроси девојката на плоштад, таа му избега пред толпа народ- снимката е хит (ВИДЕО)

Вирално видео од неуспешно запросување во базиликата Sacre-Coeur во Париз се шири на социјалните мрежи.

Имено, еден дечко решил да ја запроси својата девојка во најромантичниот град, пред еден куп луѓе.

Тој клекна пред сите и ја запроси, а таа на изненадување на присутните почна да трча по скалите целата во солзи.

Кога побегнала од него, момчето паднало на земја и плачело, а луѓето почнале да го гушкаат и тешат.

@barstoolsports Ain’t no way 💀 @bussinwtb ♬ original sound - Barstool Sports

Видеото собра повеќе од 16 милиони прегледи и 1,1 милион лајкови, а во коментарите се огласија скептиците кои се сомневаат дека видеото е исценирано со цел да собере прегледи.

Забава

Вереницата на Џеф Безос имаше инцидент на аеродром во Грција- го покажа задникот (ФОТО)

Основачот на Амазон Џеф Безос и неговата свршеница Лорен Санчез уживаа на одмор во Грција, а нивните фотографии од аеродромот го привлекоа вниманието.

Имено, на аеродромот дувал ветер, па Лорен морала да се мачи со спуштање на фустанот и криење на задникот. Безос се обиде да ѝ помогне со спуштање на фустанот, но изгледаше дека на Лорен не ѝ беше многу грижа што сите ќе го видат нејзиниот задник. Свршеницата на Безос прошета низ аеродромот во жолто-бел фустан на Долче и Габана, кој убаво ја истакна нејзината витка линија.

Инаку, славниот пар со своето друштво се одмара на јахтата на Безос во Грција, а 54-годишната Лорен е снимена на романтична вечера со својот вереник, но и како се забавува на јахта и вози џет ски, а фановите на социјалните мрежи го коментираа нејзиното навежбано тело.

„Изгледа неверојатно“, „Секоја чест за вашата упорност во вежбањето“ и „Не ми се верува дека оваа жена има 54 години“, се само дел од коментарите. Инаку, парот се запознал пред пет години, а милијардерот минатата година ја запросил со прстен кој чинел 2,5 милиони долари.

Свет

Нетанјаху испрати преговарачи на средба со Хамас за пуштање на заложниците

Израелскиот премиер Бенјамин Нетанјаху му рекол на американскиот претседател дека одлучил да испрати делегација за да ги продолжи преговорите со Хамас за ослободување на заложниците, објави неговата администрација.

Во телефонскиот разговор меѓу двајцата лидери, Нетанјаху го повторил својот став дека Израел ќе ја прекине својата речиси деветмесечна операција во Газа откако ќе се постигнат сите негови цели, се вели во соопштението.

Израелската телевизија Канал 12 објави дека израелската делегација ќе ја предводи шефот на разузнавачката служба Мосад.

Не е јасно каде треба да се водат разговорите. Египет и Катар досега посредуваа во нив, а состаноци беа одржувани и во двете земји.

Израел денеска го доби одговорот на Хамас на предлогот што Бајден го претстави на крајот на мај, а кој вклучува ослободување на 120 израелски заложници од Газа и прекин на огнот во палестинската енклава.

Информиран палестински извор рече дека Хамас, милитантната група која ја контролира Газа, покажала флексибилност за некои елементи кои, доколку бидат прифатени од Израел, ќе овозможат да се постигне поширок договор.

притисни ентер