Бодибилдер има сериозна намера да се венча со секс-кукла (ФОТО)

Бодибилдер ветил дека нема да се откаже од венчавката со секс куклата откако морал да ја одложи церемонијата бидејќи бил нападнат на улица затоа што се облекол како жена.

Јури Толочко од Казахстан повеќе од една година живее со секс кукла, која ја именувал како Марго и за која рекол дека ја запросил на крајот на 2019 година.

Толочко се однесува кон Марго како со вистинска жена и вели дека ја запознал во ноќен клуб. Тие требало да се венчаат во март, но тогаш започнала пандемија, а Јури сега за Дејли Стар изјави дека ја одложил церемонијата по втор пат откако бил нападнат за време на трансродов митинг во казахстанскиот град Алмати на 31-ви октомври.

Откако се облекол како жена за митингот, бил нападнат и добил потрес на мозокот и му бил скршен носот, за што ги информирал своите повеќе од 40.000 следбеници на Инстаграм. Тој вели дека започнал да користи женска слика за настапи пред неколку месеци и дека ликот го добил името Аманда.

Тој вели дека само на мирен протест сакал да ги поддржи правата на трансродовите луѓе, но бил претепан. "Но, сега се чувствувам добро. И свадбата ќе биде наскоро", рече тој.

Јуриј се идентификува како пансексуалец и вели дека може да се заљуби во „лик, слика, душа или во самата личност“. Тој вели дека неговата љубовна приказна со Марго вклучува повеќе од самиот секс.

"Сакам да ме мачат, можам да поднесам многу болка. Исто така, сакам да доминирам. Марго е способна за она за што другите луѓе не се способни", рече тој за својата кукла.

Според претходните извештаи на локалните медиуми, неговиот брак со Марго е можен. Имено, единствениот услов за свадба во Казахстан е двете страни да се согласат, а мажот и жената да се постари од 18 години.

Јуриј исто така вели дека има намера да купи дом по венчавката, а претходно открил и дека ја однел Марго на пластичен хирург. „Кога му ја претставив нејзината фотографија на светот, имаше многу критики и таа започна да развива комплекси, па се решивме за пластична хирургија“, објасни тој.

"Таа многу се смени. Отпрвин ми беше тешко да прифатам, но подоцна се навикнав".

„Тоа беше вистинска клиника со вистински лекари.

Џим Кери на удар на јавноста поради карикатурата на Меланија Трамп

Актерот Џим Кери е нападнат на социјалните мрежи откако објави карикатура на поранешната прва дама на САД, Меланија Трамп.

"Збогум, најлоша прва дамо. Се надевам дека спогодбата може да го финансира вашиот плиток живот. Ви благодарам за ништо", напиша Џим.

Бројни следбеници го нападнаа затоа што сметаат дека објавата е невкусна и сексистичка.

"Ужасно е да се нападне првата дама која ја заврши својата работа со благодат и достоинство и не доби ништо освен критика од левицата. И срамота е што ниту една жена од левата страна не ја бранеше жената поради овие неосновани напади", "Секогаш мислев дека ти си кул. Сега си премногу одмаздољубив со вакви слики", "Ова е толку сексистичко. Такво лицемерие", "Ова е ниско. Ми се допаѓавте и мислев дека ги инспирирате луѓето", се само некои од коментарите.

Имало и такви кои го бранеле актерот.

„Тој е актер, комичар кој прикажува мажи и жени и ги тера луѓето да се смеат, што значи дека никој не е имун на потсмев“, „Зошто луѓето се однесуваат повредено и изненадено? Зошто толку сериозно?“, „Продолжете да се изразувате преку вашата уметност! ! Ако сакаше да биде прикажана во подобро светло, требаше да се претстави подобро кога беше во центарот на вниманието “, напишале оние кои не гледаат ништо лошо во карикатурата, пишува Page Six.

Западен Балкан е еден од приоритетите на Бајден

Западен Балкан е меѓу надворешно-политичките приоритети на новата американска администрација, било речено во телефонскиот разговор помеѓу претседателот на САД, Џозеф Бајден и германската канцеларка Ангела Меркел.

Според соопштението на Белата куќа, двајцата државници ги посочиле приоритетните теми, вклучувајќи ги Авганистан, Кина, Иран, Русија и Украина, како и Западен Балкан.

„Претседателот Џозеф Бајден разговараше со германската канцеларка Ангела Меркел, пренесувајќи ја неговата желба за продлабочување на односите меѓу двете земји. Тој ја изрази својата намера да го ревитализира трансатлантскиот сојуз, вклучително и НАТО и Европската унија, како камен-темелник на колективната безбедност и заедничките демократски вредности. “се наведува во соопштението од Белата куќа.

Тие исто така се согласиле за важноста на глобалната соработка, вклучувајќи ја и обновената посветеност на САД кон мултилатералните организации, борбата против климатските промени, борбата против kovid-19 и подобрувањето на здравствената заштита, како и постигнувањето на одржливо глобално економско закрепнување, се наведува во соопштението.

Ова беше петти телефонски разговор на Бајден со странски лидер откако ја положи заклетвата за претседател на САД на 20 јануари.

Претходно, тој разговарал со канадскиот премиер Џастин Трудо, претседателот Андрес Мануел Лопез Обрадор од Мексико, премиерот Борис Џонсон од Велика Британија и претседателот Емануел Макрон од Франција, пренесува УС Њус.

Горили од Сан Диего се заразени со калифорниски сој на коронавирус

Група горили во парк во зоолошката градина Сафари во Сан Диего, САД, се опоравуваат од избувнувањето на ковид-19, што погоди неколку од вкупно осум горили, соопштиле од зоолошката градина.

Горилата почнале да се чувствуваат лошо на 6 јануари, кога две горили почнале да кашлаат, се вели во соопштението на зоолошката градина.

Тестот од измет извршен на 11 јануари покажал дека непознат број се заразени со вирусот ковид-19, веројатно по изложеност на работник во паркот кој бил асимптоматски.

Вирусот што ги заразил „е нов, многу заразен сој на коронавирус, неодамна идентификуван во Калифорнија“, велат од зоолошката градина.

По дијагнозата, горилите биле ставени во карантин во паркот.

На најстарата, 48-годишна горила Винстон, му биле дијагностицирани пневмонија и срцеви заболувања, соопштиле од зоолошката градина.

Тој бил третиран со лекови за срце, антибиотици и анти-ковид-19 терапија со антитела од тип кој што не е одобрен за употреба кај луѓе.

„Ветеринарниот тим кој го третираше Винстон верува дека антителата придонеле за неговата способност да го надмине вирусот“, велат од зоолошката градина.

Зоолошката градина, исто така, планира да користи верзија на вакцината против „ковид-19“, која не е наменета за луѓето за да ги заштити животните во зоолошката градина во Сан Диего и сафари паркот во зоолошката градина.

Вработениот за кој се верува дека ги заразил животните носел заштитна опрема и ги следел безбедносните протоколи против ковид-19, соопштија од зоолошката градина.

притисни ентер