Бочварски: Се работи на постојните свлечишта на автопатот Штип-Миладиновци

Се работи на постоечките одрони на автопатот Штип-Миладиновци.

Се работи на постоечките одрони на автопатот Штип-Миладиновци, но Министерството за транспорт и врски заедно со професорите од Градежниот факултет работат и како да се испитаат и стабилизираат одредени косини на овој автопатс, истакна министерот за транспорт и врски, Благој Бочварски во Штип.

-Очекуваме и одредени свлечишта и во наредниот период. Така што, мора да работиме на сите овие постапки и очекувам дека овој автопат комплетно ќе биде пуштен во употреба и ќе го добие својот сјај, секако за граѓаните и за развојот на економијата, вели Бочварски.

Санацијата на свлечиштата на автопатот Штип Миладиновци чинат околу 750.000 евра.

Што се однесува за методологијата или цената на патарините може да биде една или друга, но средствата се потребни за модерни и безбедни автопати и одржување на истите, потенцираше министерот Бочварски од Штип. Според него, дискусијата секогаш е отворена, но на крајот државата ќе ја донесе одлуката.

-Ние можеме да разговараме за различни методологии, можности за една или друга цена на патарините, но на крајот секако треба да знаеме дека за да имаме модерни и безбедни патишта за да може да градиме нови патишта и да имаме изградба на автопати со должина од преку 120 километри, коишто ги најавуваме, секако, треба овде и тие патишта да се одржуваат и заради тоа дискусијата на темата е секогаш отворена. Може да се направи дискусија, методологија од страна на стручните лица, но на крајот на денот сепак државата ќе носи одлуки коишто ќе бидат во интерес на граѓаните, истакна Бочварски.

Единствениот електронскиот систем на наплата за кој се разговараше и на последниот самит „Отворен Балкан“ во Охрид, пак, треба да стапи во сила во август. Според Бочварски, директорите на ЈП за државни патишта од земјите во регионот веќе работат на координација и усогласување на системот.

-Електронскиот систем на наплата на патарини е воведен пред десетина години како концепт и веќе се изреконструирани сите патарини на Коридорот 10 од границата со Србија до излезот кон Грција. Тоа значи дека концептот на оваа држава е утврден од поодамна за наплата на патната такса. Несериозно е на две, три или четири години да се менуваат концептите, заради тоа што и за тие објекти коишто се изградени по самите патишта се вложени средства. Електронската наплата на патарини нуди можност и за плаќање на патарина без застанување со постоечките ТАГ-ови коишто ги имаме, а работиме и на поврзување со соседите за да може да немаме застој по патиштата за да може да бидат заеднички поврзани со земјите во регионот“, додаде Бочварски.

На овој начин возачите ќе ја плаќаат патарината преку ТАГ уред и тоа во сите три земји без застанување. Иницијативата подразбира и патарината со оваа ознака да биде за 5% поевтина во овие земји, а истата треба да го намали метежот и да го олесни протокот на возила на наплатните станици.

Поранешниот сопруг на Меган Фокс доби син и го откри неговото необично име (ФОТО)

Брајан Остин Грин доби син со неговата нова девојка Шарна Бурџис.

48-годишникот, среќната вест ја сподели на Инстаграм. Откри дека момчето се вика Зејн Вокер Грин, а е роден на 28 јуни во 12 часот и 12 минути.

Бурџис ја објави фотографијата и напиша: „Моето срце сега е засекогаш надвор од моето тело“.

Грин има три деца со Меган Фокс - Џорни Ривер (5), Боди Рансом (8) и Ноа Шенон (9), додека со Ванеса Марсил има 20-годишен син Касиус.

Ѕвездата од Беверли Хилс 90210 изјави за People претходно овој месец: „Бебето доаѓа во топол дом и семејство и ќе биде опкружено со љубов. Многу сме возбудени“.

Двојката почна да се забавува пет месеци откако Грин го потврди разводот од Фокс по 10 години брак. Во октомври минатата година прославија една година од нивната врска, а во февруари годинава објавија дека чекаат дете.

Американец пукал од дома и убил двајца полицајци и нивното куче (ВИДЕО)

Американцот Ленс Сторц од Кентаки завршил во притвор откако убил двајца и повредил неколку полицајци. Мажот се забарикадирал во куќата и почнал да пука.

Како што пренесува ABC, пукањето се случило во округот Флојд вчера околу 6:44 часот по локално време. Според извештајот од апсењето, Сторц бил вооружен со пушка и испукал повеќе куршуми кон полицајците од неговиот дом, при што убил двајца полицајци и едно полициско куче. Полицијата дошла во куќата на Сторц поради пријава за семејно насилство.

Ранети се петмина полицајци и директорот на Управата за вонредни состојби. Идентитетот на убиените полицајци сѐ уште не е соопштен. Гувернерот на Кентаки, Енди Бишер, на Твитер напиша дека округот Флојд претрпел страшна загуба и го повика целиот Кентаки да се моли. „Ова е тешко утро за нашата заедница“, напишал Бишер на Твитер.

Сторц е во притвор по повеќе обвиненија, вклучително и убиство на полицаец и обид за убиство на полицаец. Тој се изјаснил за невин и е задржан со кауција од 10 милиони долари. Американецот се враќа на суд на 11 јули.

Поради салмонела, запрено е производството во најголемата фабрика за чоколади во светот

Производството во најголемата фабрика за чоколади во светот, управувана од швајцарскиот гигант Бери Калебо во белгискиот град Визе, е запрено откако е откриена контаминација со салмонела, соопшти компанијата.

Портпаролот на Бери Калебо изјави за АФП дека производството е запрено во фабриката, која произведува течно чоколадо во серии на големо за 73 клиенти на кондиторски производи.

Засега нема информации дали потрошувачите се заразиле со салмонела, која предизвикува салмонелоза, болест придружена со дијареја и треска.

„Бери Калебо моментално ги контактира сите клиенти кои можеби добиле контаминирани производи. Производството на чоколадо во Визе е суспендирано до понатамошно известување“, додаде Ворлоп, објаснувајќи како компанијата контактирала со сите свои клиенти и ги замолила да не испраќаат производи направени со чоколадо, направена од 25 јуни во фабриката Wieze, лоцирана во Фландрија, северозападно од Брисел.

Известена е и белгиската агенција за безбедност на храна AFSCA, а портпаролот изјави за AFP дека е покрената истрага.

Фабриката „Визе“ не произведува чоколадо за директна продажба на потрошувачите, туку продава суровини за понатамошна обработка на компаниите од таа индустрија, а тие сметаат дека контаминираните производи на нивните клиенти сѐ уште не стигнале до полиците на продавниците.

Бери Калебо продава какао и чоколадо на голем број познати производители на слатки во светот, како Херши, Монделез, Нестле и Унилевер.

Инаку, годишната продажба на Barry Callebaut лани изнесувала 2,2 милиони тони, а во тој период оствариле нето добивка од 384,5 милиони швајцарски франци, со промет од 7,2 милијарди франци. Групата вработува повеќе од 13 илјади луѓе и има повеќе од 60 производствени погони ширум светот.

притисни ентер