АвтомобилизамБМВ наскоро ќе укине популарен електричен модел, доаѓа замена Атрактивен електричен BMW влезе во својата последна година од производството.Електричниот BMW i4 би можел да влезе во историјата веќе следната година. Според новите извештаи, баварскиот производител планира да го прекине производството на овој модел, а неговата улога ќе ја преземе новиот седан BMW i3. Оваа вест доаѓа помалку од една година откако БМВ претстави освежена верзија на i4. Сепак, таков потег не е големо изненадување бидејќи компанијата неодамна лансираше сосема нова генерација електрични модели. Популарниот електричен BMW Електричниот BMW i4 беше претставен во 2021 година и брзо стана еден од најважните електрични модели на брендот. Автомобилот беше релативно популарен, особено на американскиот пазар. Интересно е што i4 не беше популарен само кај купувачите на електрични автомобили. Помеѓу 2022 и 2024 година, овој конкретен модел беше најпродаваниот модел на BMW од серијата М. Најновата и најмоќна верзија на i4 M60 развива 442 kW (601 КС) и забрзува од 0 до 100 km/h за само 3,7 секунди. Дометот на моделот е до 447 километри. Производството завршува следната година И покрај добрите резултати од продажбата и солидните перформанси, британскиот Autocar пишува дека производството на електричниот модел i4 ќе заврши веќе следната година. Членот на одборот на BMW, Јохен Голер, ја коментираше ситуацијата велејќи: „Ако ги погледнете последните 20 години, секогаш се појавувале нови модели, додека старите постепено исчезнувале. Тоа е едноставно дел од историјата на нашата индустрија.“ Новиот i3 носи голем технолошки скок Во меѓувреме, BMW го претстави сосема новиот i3 седан, кој носи значителен технолошки напредок. Новиот модел користи електрична архитектура од 800 волти и поддржува брзо полнење до 400 kW. Верзијата i3 50 xDrive развива 345 kW (469 КС) и 645 Nm вртежен момент, додека очекуваниот опсег е дури 900 километри. Исто така, се појавија информации дека BMW развива нова генерација на Серија 4, која би можела да биде достапна и со бензински и со електричен погон.Тагови: бмв електричен модел Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаПретседателката Гордана Сиљановска давкова го осуди инцидентот пред бугарската амбасадаЗа осуда е вчерашниот вандалски чин во кој опожарени беа две возила на бугарската амбасада, рече денеска претседателката Гордана Сиљановска Давкова. Таа не верува дека ова може да ги наруши односите помеѓу Македонија и Бугарија, бидејќи како што рече од наша страна е направена брза реакција во пронаоѓање на сторителот. Во однос на тврдењето на поранешниот член на Македонско- бугарската историска комисија, Огнен Вангелов, дека покрај уставните измени, во Протоколите има многу други услови, Сиљановска- Давкова вели тоа е доказ дека треба да има гаранции од бугарска страна дека внесување на бугарите во Уставот ќе биде нивното последно барање од Македонија. - Мислам дека тоа што го кажа професорот Вангелов е точно, не само низ призма на правна анализа на договорот, туку и низ призма на неговото конкретно искуство во работата а комисијата. Ние тоа го слушаме не само од политичари, туку и од многу други луѓе. Затоа сметаме дека треба нешто друго да се направи, дека треба гаранции да има. - Гордана Силјановска Давкова Во однос на отпочнувањето на преговорите за влез во ЕУ на Украина и на Молдавија, претседателката нагласи дека според неа, Западен Балкан е далеку по подготвен од нив, и дека ако тие можат за една година да отворат шест кластери и поглавје, можеме и ние. - Јас имам длабоки чувства и разбирање за Украина и за Молдавија, меѓутоа не можам а да не кажам дека Западниот Балкан е многу понапред од нив, впрочем скринингот тоа го покажува и дека ако може тие технички да напредуваат за една година шест кластери и поглавја да поминат, исто така можеме и ние. Бидејќи, пречката кон нас е ирационална според мене. - Гордана Силјановска Давкова Европската Унија, според претседателката Сиљановска треба да најде механизми што ќе спречат блокирање на проширувањето поради идентитетски и историски причини, наместо поради исполнување или неисполнување на европските критериуми. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиДен по инцидентот пред бугарската амбасада, се уште не е јасно кои се мотивите и за какво дело ќе одговара сторителот15:00Тошковски го осуди настанот со палењето на возилата пред бугарската амбасада 11:13Работна посета на министерот Муцунски на Лондон08:35Брза реакција на СВР Скопје: Пронајден и лишен од слобода сторителот кој денеска опожари две возила пред Бугарската Амбасада19:38Опожарени две дипломатски возила пред бугарската амбасада во Скопје18:13
Ден по инцидентот пред бугарската амбасада, се уште не е јасно кои се мотивите и за какво дело ќе одговара сторителот15:00
Брза реакција на СВР Скопје: Пронајден и лишен од слобода сторителот кој денеска опожари две возила пред Бугарската Амбасада19:38
МакедонијаВ.Д. амбасадорот на Македонија во Софија повикан на разговор во бугарското МНРВршителот на должноста амбасадор на Македонија во Софија денеска бил повикан во бугарското министерство за надворешни работи во врска со палењето на двата автомобили на амбасадата на Бугарија во Скопје.Како што информираа од бугарското МНР, заменик-министерот за надворешни работи Христо Полендаков нагласил дека Бугарија најостро го осудува овој, како што го нарекол, демонстративен чин на агресија, кој ги довел во опасност здравјето и животот на вработените во бугарската амбасада, како и на жителите на главниот град на Македонија. „Бугарија ги зема предвид изјавите на официјалните институции во соседната држава и брзата реакција на надлежните органи, која доведе до приведување на сторителот. Истовремено, очекуваме да се спроведе ефикасна истрага и правна разрешница на случајот, со што јасно ќе се покаже дека ваквите дела се недозволиви“, истакнал Полендаков и додал дека секој обид за ширење страв на Бугарите во Македонија е неприфатлив – соопштија од бугарското МНР.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаЛишени од слобода 15 возачи за безобѕирно управување возилоСите возеле без возачка дозвола, од нив тројца малолетници, а двајца учествувале и во сообраќајни незгоди.Во текот на изминатото деноноќие на целата територија на државата, полициските службеници лишија од слобода 15 возачи за безобѕирно управување возило, сите возеле без возачка дозвола, од нив тројца малолетници, а двајца учествувале и во сообраќајни незгоди. Пет лица во Тетово (двајца малолетници), тројца во Скопје, двајца во Прилеп (еден малолетник) и по едно лице во Делчево, Штип, Гевгелија, Зајас и Демир Хисар возеле без возачка дозвола. Еден од малолетниците во Тетово и уште еден друг возач претодно учествувале во сообраќајни незгоди. По целосно документирање на случаите ќе бидат поднесени соодветни кривични пријави. Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.Тагови: безобѕирно управување Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter