Новиот предлог закон за јавно обвинителство дојде преку ноќ и без јавна расправа, велат од Блупринт групацијата на граѓански здруженија од областа на правосудството. Тие соопштија дека воопшто не биле исконсултирани при пишувањето на новото законско решение. Со предлогот СЈО повеќе да не функционира како самостоен орган се губи суштината за тоа што е основано, велат од групацијата . Велат дека најважно е што нема законски пречки за продолжување на постапките од СЈО.
“ Законскиот текст јас не знам дека функционира со одреден датум. Тоа е едно од клучните разлики со претходното законско решение е токму тоа дека не калкулира со временски период пред и по , односно предвидено е сите предмети, во која и да се фаза, истрага, судска постапка , да бидат и понатаму преземени од претпоставка решението за функционалноста на СЈО во рамките на сега постоечкото. “ вели
Дали обвинителката Вилма Рускоска или некој друг ќе ја преземе челната позиција на предложеното Обвинителство за гонење на организиран криминал и висока корупција треба да одлучи единствено Советот на јавните обвинители, велат од Групацијата. Ова мислење го дели и поранешната антикорупционерка Слаѓана Тасева, која за Канал 5 вели дека премиерот Зоран Заев нема ингеренции да предлага шеф на ова обвинителство.
“ Премиерот не е надлежен да предложи кој ќе биде на чело на тоа обвинителство, мислам дека тоа беше премногу избрзано и треа да се остави да се спроведе постапка онака како што е предвидено со закон. И други прашања постојат таму кои не се до крај разјаснети за тоа обвинителство. Изборот на Јавниот обвинител не е работа на Владата туку на Советот на јавни обвинители. Тоа решение може да се смета дури и како политичко барање, и треба да се воздржат од таков вид на интервенции во Јавното обвинителство. “ – вели Слаѓана Тасева , Транспаренси интернешнал Македонија.
Инаку, формално правно Јанева се уште нема поднесено оставка до Советот на јавните обвинители. Таа единствено јавно најави дека дава оставка, но и дека ќе ја извршува функцијата во обвинителството се додека не заврши нејзиниот мандат во септември.