Блумберг: Иран нема да биде нападнат од САД по ветувањето дека нема да се егзекутираат демонстранти - Канал 5

Свет

Блумберг: Иран нема да биде нападнат од САД по ветувањето дека нема да се егзекутираат демонстранти

 Се чини дека Иран засега ги избегна американските воени напади откога висок ирански функционер вети дека нема да има егзекуции на демонстранти по што претседателот Доналд Трамп ги ублажи заканите.

Блумберг: Иран нема да биде нападнат од САД по ветувањето дека нема да се егзекутираат демонстранти

Трамп синоќа изјави дека бил информиран оти убиствата во Иран престануваат додавајќи дека би бил многу вознемирен ако продолжи задушувањето на протестите. Ова претставува значителна промена во тонот во споредба со почетокот на неделата кога ги повика Иранците да продолжат со протестите и вети дека помошта е на пат, пренесува „Блумберг“.

Олеснувањето на тензиите се одрази и на пазарот на нафта, каде што цената падна првпат по шест дена поради намалената загриженост за можни прекини во снабдувањето. Цената на суровата нафта „брент“ денеска падна за 3,4 проценти - најголем пад од ноември минатата година - откако порасна за речиси 11 проценти во текот на изминатата недела.

Податоците за следење на летовите од „Флај радар 24“ FlightRadar24 покажаа продолжување на воздушниот сообраќај над иранскиот воздушен простор по привремената суспензија. Организацијата за цивилно воздухопловство на Иран потврди дека појдовните и дојдовните летови функционираат нормално, објави полуофицијалната новинска агенција „Тасним“.

Протестите во Иран против режимот на врховниот лидер ајатолахот Али Хамнеи наводно од минатата недела се смириле кога стотици илјади луѓе излегоа на улиците. Властите тврдат дека повторно воспоставиле контрола и ги обвинуваат САД и Израел за поттикнување немири и вооружување терористи. Во државните телевизиски извештаи доминираат провладините собири, а националната интернет-блокада продолжува да го отежнува независното известување за настаните на терен.

И покрај ова, организациите за човекови права продолжуваат да известуваат за растечки број жртви во демонстрациите што почнаа кон крајот на декември минатата година. Групата за човекови права на Иран, со седиште во Осло, објави податоци за најмалку 3.428 убиени демонстранти, што ја прави оваа репресија врз дисидентите најсмртоносна во последните децении. Исто така, се наведува дека повеќе од 18.000 луѓе биле приведени.

Во интервју за американската телевизија „Фокс њуз“ емитувано вчера, шефот на иранската дипломатија, Абас Арагчи, ја отфрли можноста за егзекуција на демонстрантите, што се чини дека е директен одговор на предупредувањето на Трамп за можна многу силна акција.

„Бесењето не доаѓа предвид“, рече Арагчи. „Не сум слушнал за тоа и нема бесење денес, утре или некогаш. Можам да ви кажам, сигурен сум во тоа. Воопшто нема план за бесење“.

Арагчи повтори дека „дипломатијата е многу подобра од војната“ и се спротивстави на понатамошни американски напади.

„Не повторувајте ја истата грешка што ја направивте во јуни минатата година. Ако пробате неуспешен експеримент, ќе го добиете истиот резултат“, рече тој алудирајќи на настаните од јуни 2025 година кога Израел ги прекина преговорите за нуклеарните активности на Техеран со воздушни напади.

Како одговор, Иран нападна американска воздухопловна база во Катар и им го одби пристапот на меѓународните нуклеарни инспектори. Вчера, да потсетиме, иранското судство ја отповика смртната казна на 26-годишниот Ерфан Солтани за кого активистите предупредија дека е во опасност од брза егзекуција.

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сообраќајот на државните патишта се одвива непречено, по суви коловози.

Интензитетот на сообраќај на патните правци надвор од градските средини е умерен.

Сообраќајот на државните патишта се одвива непречено, по суви коловози.

ВРЕМЕН РЕЖИМ НА СООБРАЌАЈ: На ден 23.06.2026 г. сообраќајот на патниот правец Прилеп- Битола близу железничката пруга Лознани е спроведен времен режим на сообраќај, сообраќајот ќе се одвива со пренасочување од магистралниот кон регионалниот пат заради изведување на градежни работи на терен.

СОСТОЈБА: Сообраќајот на државните патишта се одвива непречено, по суви коловози.

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Од 15 Април, патниот правец Охрид – Ресен преку националниот парк Галичица е отворен за сообраќај за сите видови возила до 3,5 тона.

РАБОТИ НА ПАТ:

Од 21.05.2026 г. во 8 часот ќе се започне со изведување на градежни активности-санација на мостови на државен пат А2 делница Гостивар-Стража конкретно на мост бр.4 Вијадукт на Атанасова река и мост бр.7 Вијадукт на Дол и истата ќе трае до завршување на санацијата. Со таа цел ќе биде воспоставен времен режим на сообраќај кој ќе трае до самото завршување на градежните активности.

Од 14.04.2026 г. се изведуваат градежни активности на Државен пат А2 делница Гостивар – Стража на мост бр.7 Вијадукт на Дол. Со цел да може да се реализираат работите за санација на мостови, ќе биде воспостовен времен режим на сообраќај додека траат градежните активности.

Од 30.03.2026 година, ќе се изведуваат градежни активности на државен пат А2, мостови на А2 на реката Вардар во близина на с.Желино во двата правци (Скопје – Желино и Желино – Скопје), со цел санација на истите. Времениот режим ќе се спроведува согласно Одобрението за временска измена на режим на сообраќај издадено од Министерство за транспорт.

Од 13.03.2026 година започна со активности за изведба на премин на интерконективен гасовод под автопат А1 (М1) Пријателство, делница Смоквица – Гевгелија. На делницата се поставени знаци за времен режим на сообраќај.

На државниот пат А2 (скопска обиколница) се врши рехабилитација во должина од 250 метри од клучка Волково до клучка Кондово. Има поставено соодветна сигнализација за затворањето на левата сообраќајна лента за претекнување. Сообраќајот се одвива по лентата за движење (средна) и лентата за принудно запирање (десна).

Од 12.09.2025 започната е градежната активноста – санација на свлечиште на регионален пат Р1202 делница Косоврасти – Мелнички Мост, односно воспоставена е времена измена на режимот на сообраќај до завршување на активностите.

Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани.

Тагови: АМСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Нестабилно време со дожд, грмежи и засилен ветер

Под влијание на циклонска активност од југоисток денес ќе имаме нестабилно време со дожд, грмежи и засилен ветер.

Нестабилно време со дожд, грмежи и засилен ветер

Локално процесите ќе бидат поинтензивни со пообилен пороен дожд, грмежи, силен ветер и појава на град. Минималната температура ќе биде во интервал од 14 до 20, а максималната ќе достигне од 27 до 35 степени.

Во Скопје времето ќе биде нестабилно со дожд, грмежи и засилен ветер. Во делови од котлината ќе има услови за појава на краткотрајно невреме. Минималната температура ќе се спушти до 17, а максималната ќе достигне до 32 степени.

Денес ќе се задржи нестабилно време со дожд, грмежи и засилен ветер. Поради големата енергија во атмосферата локално процесите ќе бидат поинтензивни со пообилен пороен дожд, силен ветер и појава на град. Во четврток и петок ќе има изолирана појава на нестабилност, а за време на викендот и почетокот на следната седмица времето ќе биде претежно сончево и топло.

Тагови: дожд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Моника Зајкова и Бране Петрушевски во „Само вистина“

Вечерва во „Само вистина“ гости ќе бидат Моника Зајкова и Бране Петрушевски.

Моника Зајкова и Бране Петрушевски во „Само вистина“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер