Блинкен разговараше со новоименуваниот секретар на НАТО Марк Руте - Канал 5

Свет

Блинкен разговараше со новоименуваниот секретар на НАТО Марк Руте

Државниот секретар Ентони Блинкен имаше  разговор со новоименуваниот генерален секретар на НАТО Марк Руте, при што му честиташе за преземањето на функцијата, соопштија синоќа од американскиот Стејт департментот.

Блинкен разговараше со новоименуваниот секретар на НАТО Марк Руте

-Државниот секретар Блинкен и генералниот секретар Руте разговараа за непосредната и долгорочната поддршка на Украина од страна на САД и НАТО, вклучувајќи го спроведувањето на Програмата за безбедност и обука на НАТО за Украина, со цел да и се помогне да се одбрани денес и да спречи руска агресија во иднина, се наведува во соопштението.

Блинкен и Руте исто така разговарале и за планот за дејствување на сојузниците, договорен на самитот во Вашингтон година во јули.

-Двајцата разговараа за продлабочување на односите на НАТО со партнерите, вклучувајќи го Индо-тихоокенскиот регион и јужното соседство на НАТО (во ко се вклучени земјите од Блискиот исток, Северна Африка и регионот на Сахел). Двете страни ја истакнаа важноста на незаменливата трансатлантска врска на НАТО за обезбедување на нашата безбедност, стои во соопштението.

Преземајќи ја должноста нов генерален секретар на НАТО, Марк Руте претходно нагласи дека Северноатлантската алијанса ќе продолжи да ја поддржува Украина.

-Колку повеќе ќе и помагаме на Украина во овој момент, толку побрзо сето ова ќе заврши, рече генералниот секретар на НАТО на прес-конференцијата. „Путин треба да сфати дека нема да се откажеме и дека сакаме Украина да победи“.

Руте посочи дека цената за поддршка на Украина е многу пониска од цената на победата на Путин. Притоа, тој нагласи дека правото на Украина за самоодбрана „не завршува на границата“.

Кога ја презеде функцијата во вторникот Руте прими честитки и од претседателот на САД Џо Бајден.

„Генералниот секретар Руте има импресивна работна биографија како човек кој промовира постигање консензус и како решителен лидер, се вели во изјавата на Бајден, објавена од Белата куќа. „Цврсто сум уверен дека тој ќе продолжи да ја развива нашата работа за зајакнување на НАТО, така што алијансата ќе биде посилна, поголема и поодлучна од кога било, во спроведувањето на својата мисија за создавање побезбеден свет за нашите народи. Соединетите Американски Држави остануваат длабоко посветени на Северноатлантската алијанса – најуспешниот сојуз во светската историја. Ние цврсто се придржуваме до нашата света обврска од член пет: напад на еден е напад на сите.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Потврдена средба на Трамп, Си Џинпинг и Путин в четврток во Кина

Белата куќа потврди. Следната недела во четврток во кинескиот град Шенжен ќе се одржи состанок на Доналд Трамп, Си Џинпинг и Владимир Путин, на маргините на Самитот на Азиско-пацифичката економска соработка -АПЕК.

Потврдена средба на Трамп, Си Џинпинг и Путин в четврток во Кина

Портпаролката на Белата куќа, Оливија Велс, изјави дека една од главните теми на разговорите ќе биде намалувањето на нуклеарното оружје. Претседателот јасно стави до знаење дека ќе се занимава со прашањето за намалување на нуклеарното оружје во светот. Американски претставник, кој зборувал под услов на анонимност, открил дека Трамп планира на средбата да го отвори и прашањето за Иран, а темата за Украина најверојатно нема да биде дел од трилатералните разговори, бидејќи сад водат одделни дипломатски процеси со Киев и Москва, во кои Кина не учествува. Американскиот претседател ќе отпатува во азија во понеделник, а според најавите, најпрво ќе ги посети филипините, по што ќе замине за шенжен, каде ќе се одржи самитот на АПЕК.

Тагови: Владимир Путин Доналд Трамп Си Џинпинг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Куба се подготвува за можен американски воен напад

Куба се подготвува за можен американски воен напад по изјавите на американскиот претседател Доналд Трамп, кои беа протолкувани како закана за воена интервенција. 

Куба се подготвува за можен американски воен напад

Ова го изјави кубанскиот претседател Мигел Дијаз-Канел, кој порача дека земјата е подготвена да се брани од секоја странска агресија.

„Одлучни сме да го одбиеме секој обид за странска воена агресија врз нашата земја“, рече Канел. Неговата изјава следува откако Трамп прашан дали би размислил за воена интервенција со цел да ја „ослободи“ Куба, за американски медиуми рече: „Сакам да ја решам Куба пред да си заминам“. Тој додаде дека САД внимателно ја следат ситуацијата на островот, оценувајќи дека земјата е во многу лоша состојба и дека практично е пропадната држава.

Тагови: куба

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кравите од Крива Паланка осамнаа во светските медиуми

Кравите од Крива Паланка го обиколуваат Светот.

Кравите од Крива Паланка осамнаа во светските медиуми

Веста дека стотици говеда шетаат слободно низ градот го објавија неколку угледни светски медиуми, како Асошиејтед прес и Еуроњуз, каде што случајот со кравите се најде во познатата рубрика „без комента“.

Медиумите наведуваат дека жителите на Крива Паланка, опишана како земјоделски град, се бори со повеќе од илјада крави кои им ги уништуваат имотите..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер