Свет

Блинкен. Да се санкционираат сите кои ја олеснуваат илегалната миграција

Американскиот државен секретар Ентони Блинкен, повика вчера на регионалната конференција за миграција да се санкционираат оние кои ја олеснуваат „илегалната миграција“, осврнувајќи се на централната тема од претседателската кампања во САД.

„Новата политика за одбивање на барањата за визи е насочена кон луѓето кои свесно им овозможуваат превоз на оние кои се обидуваат илегално да влезат во Соединетите држави“, рече Блинкен во говорот пред министрите за надворешни работи и високи претставници на дваесетина земји кои ја потпишаа Декларацијата за миграција и заштита.

„Таа декларација нагласува дека нерегуларната миграција ги погодува сите наши земји и дека секој од нас има обврска да помогне. Ги поддржувам напорите на локалните власти кои имаат за цел да им помогнат на луѓето да останат во својата земја, додаде Блинкен, потсетувајќи на „вистински историски предизвик“ за американскиот континент.

Американскиот државен секретар напомена дека во Никарагва пристигнуваат чартер летови со американски баратели на азил од Азија и Африка. Покрај тоа, тој нагласи дека Вашингтон во понеделникот најави „одбивање визи на лидерите на колумбиските компании кои ја олеснуваат илегалната имиграција“.

Нагласувајќи дека се преземаат значајни мерки за проширување на патеките за легална миграција како алтернатива на нерегуларната миграција, тој рече дека ги поддржува „напорите на локалните власти кои имаат за цел да им помогнат на луѓето да останат во својата земја со решавање на длабоките причини поради кои луѓето одлучуваат да мигрираат“.

Секоја година, околу 2,8 милиони илегални мигранти влегуваат во САД.

Тенис

Ѓорческа на стартот од квалификациите на Ролан Гарос против Рувруа

Најдобрата македонска тенисерка Лина Ѓорческа во следната недела ја очекува настап на квалификациите на Ролан Гарос.

На денешната ждепка за квалификациите македонската тенисерка за противничка во првото квалификациско коло ја доби домашната тенисерка Французинката Марго Рувруа.

Рувруа има 23 години и се наоѓа на 277. место на ВТА листата и во квалификациите настапува со вајлд карта. Нејзиниот најдобар пласман во кариерата е на 231.то место остварен на 15.јаниари 2024 година.

Ова е втор настап на Грен слем турнир оваа година за Ѓорческа откако претходно беше дел од квалификациите на Австралија Опен во Мелбурн.

Нашата тенисерка веќе неколку дена се наоѓа во Париз и тренира на терените на Ролан Гарос.

Мечот Ѓорческа – Рувруа ќе се игра во вторник. /МИА

Свет

Во Тунис собир за поддршка на претседателот Сајед

Неколку стотици луѓе денеска се собраа во главниот град на Тунис во знак на поддршка на претседателот Каис Сајед, по неодамнешните апсења на новинари, адвокати и други дисиденти и јавни личности.

Меѓународната заедница ги осуди апсењата во Тунис. Пред неколку дена Обединети нации и Европска Унија бран апсења го оценија како незаконски, но Сајед секоја меѓународна критика ја нарече „мешање од странство“ и му нареди на Министерството за надворешни работи да ги покани на разговор амбасадорите на неколку земји.

Демонстрантите денеска носеа транспаренти со натпис „Нема странско мешање, бидејќи ние сме суверена држава“.

Туниското граѓанско општество го осуди неодамнешното задушување на владините критичари додека земјата се подготвува за претседателските избори оваа есен.

Изминатите денови беа уапсени неколку експерти, новинари, адвокати и претставници на граѓанското општество. Покрај тоа, околу 40 личности, меѓу кои и осум политички противници на Сајед, поранешни министри и бизнисмени, беа приведени како дел од истрагата за „заговор против државната безбедност“./МИА

Тенис

Одиграни мечевите од првото квалификациско коло на „Macedonian Open 2024“

На терените на ТК Југ во Градски парк, денеска стартуваа мечевите на годинашново издание на „ATP Challenger 75 турнирот Macedonian Open 2024“. Во првото квалификациско коло настапија и четири македонски тенисери, кои се елиминирани.

Најискусниот играч на турнирот македонскиот тенисер Димитар Грабул одигра меч против младиот хравтски тенисер Лука Микрут од кого загуби со 2:0 во сетови (6:3 и 6:4). Мечот траеше 88 минути, притоа дури осум гема беа решени на разлика, а во вкупниот број поени биланост беше 77:65 за Микрут, а само еден гем заврши на „0“ и го освои Грабул.

Неизвесен прв сет одигра и Берк Бугариќ, против Жером Ким од Швајцарија, откако ривалот поведе со 5:2 во гемови Бугариќ успеа да изедначи на 5:5, а потоа двата гема ги освои Ким, кој беше сигурен во вториот сет и го освои без загубен гем. Буграиќ загуби со 2-0 во сетови (7:5 и 6:0).

Шендрите Деари го загуби мечот од Лука Павловиќ од Франција со 2:0 во сетови (6:3 и 6:4), притоа неговиот ривал ги искористи можностите и го доби мечот.