Европа

Бизнисмен патувал на три различни места, убил четири членови на своето семејство, па си пресудил- ужас во Германија

Незамисливо брутално злосторство ги потресе луѓето од округот Ројтлинген во Германија.

Убиецот посетил разни места за да ги пронајде членовите на своето семејство и ги убил еден по еден. На крајот, и самиот се самоубил.

Истражителите се обидуваат да откријат што го натерало Улрих П. (63) да ги изврши овие крвави дела?

Полицијата го добила првиот итен повик минатиот вторник. Негувател во Ројтлинген ја пронашол сестрата на Улрих (60) мртва. Првично се претпоставувало дека починала од природна смрт. Но, обдукцијата покажала дека жената била убиена.

Потоа специјална полициска единица отишла во градската куќа на Улрих П. во Пфулинген и го открила неговото тело и телото на неговата сопруга (57). На околу 15 километри оддалеченост, истражителите ги пронашле и безживотните тела на неговите синови Ласе (27) и Оле (29).

Вкупно 18 километри ги одделуваат трите места на злосторството. Редоследот по кој Улрих П. Ги убил па се самоубил сè уште не е разјаснет. Соседите велат дека долго време не го виделе Улрих, кој исто така бил страствен ловец, во неговата куќа во Пфулинген (Баден-Виртемберг во Германија).

„Улрих речиси никогаш не бил тука. Тој ја косел тревата последен пат ова лето“, вели еден од нив.

Сепак, еден познаник вели дека Улрих П. живеел одвоено од сопругата.

„Се развел од првата сопруга. И неговиот втор брак се распаднал“, истакнува познаникот.

Улрих наводно често спиел во магацинот на неговата компанија во Санкт Јохан. Таму, тој тргувал со работна облека што ја увезувал од Азија, а потоа ја продавал на компании во Германија.

Синовите убиени во семејната компанија

Зошто ловецот ги убил своите синови во неговата компанија, исто така, покренува прашања. Вработен во соседна компанија изјави за Билд дека синовите речиси никогаш не доаѓале во компанијата - и никогаш двајцата заедно.

Некои други детали за случајот Ројтлинген веројатно никогаш нема да бидат разјаснети. Зошто Улрих П. го убил останува мистерија. Само неколку дена пред злосторството, тој напиша во својот статус на WhatsApp: „Секој има свој вид лудило, некои гласно, други тивко“.

Тагови: Германија семејството

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија без активни пожари

Центарот за управување со кризи денеска за првпат после подолго време информира дека нема активни пожари и пожари под контрола.

Во изминатото деноноќие имало вкупно 21 пожар и сите се изгаснати.

На ден 12/13.09.2026 година, до 08:00 часот, регистрирани се вкупно 21 пожар на отворен простор, од кои нема активни пожари, нема пожари под контрола, а изгаснати се 21 пожар, се вели во информацијата од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Поранешен истражувач алармираше дека вештачката интелигенција е закана за човештвото

Шефовите на водечките компании за вештачка интелигенција сè погласно предупредуваат на ризиците од трката во развојот на сè помоќни AI системи.

Дел од нив отворено повикуваат на поголема претпазливост и безбедносни механизми, додека политичари и експерти бараат и построга регулација. Дарио Амодеи, извршниот директор на Anthropic, директно повикува да се забави темпото на развојот.

-Мојата прва загриженост е што, од приближно летово, вештачката интелигенција напредува драматично побрзо, пред сè поради сè поголемата способност на AI да ја гради следната генерација на AI. Ако не се контролира, овој процес би можел да ја надмине нашата способност да ги разбереме и контролираме овие системи. Затоа, со него мора да се постапува исклучително внимателно — доколку воопшто продолжи.

На ризиците од брзиот развој претходно предупредуваа и други влијателни имиња од технолошкиот сектор, меѓу нив и Сем Алтман, извршниот директор на OpenAI, како и Илон Маск, кој со години предупредува дека напредната вештачка интелигенција може да носи сериозни ризици доколку не биде соодветно контролирана.

Предупредувањата не доаѓаат само од технолошкиот сектор. Американскиот сенатор Берни Сандерс бара уште порадикален чекор – пауза во развојот на напредната вештачка интелигенција, додека не се воспостават јасни безбедносни правила.

-Ако лидерите на големите АИ компании признаваат дека губат контрола над нивната екстремно оасна технологија, според мене е неодговорно за општеството да им дозволи да продолжат д аги прават овие продукти дури многу понапредни и многу поопасни. Неопходно е да се стави на „пауза“ овој напреден развој и трајна забрана на супер-разузнавањето и вештачките умови попаметни од секој човек способен да работи независно надвор од нашата контрола. – Берни Сандерс

Поранешниот американски претседател Барак Обама повикува на јавна регулација и надзор, за AI да не биде во корист само на неколку богати корпорации, туку на луѓето пошироко.

-Важно е да постои јавна регулација која ќе го насочува развојот на оваа технологија, за таа да не им користи само на неколку богати корпорации, туку на луѓето пошироко. Тоа ќе помогне и да се спречат негативните последици од вештачката интелигенција, како дезинформациите и дипфејк-содржините. - Барак Обама – Поранешен претседател на САД

Во меѓувреме, трката продолжува. OpenAI, Anthropic, Google и другите технолошки гиганти инвестираат милијарди во развој на нови и помоќни модели, додека истовремено расте притисокот врз владите да воспостават правила за нивна безбедна употреба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.