Бизнисите на Халкидики гледаат намален број посетители во изминатите два месеци - Канал 5

Балкан

Бизнисите на Халкидики гледаат намален број посетители во изминатите два месеци

Полоши од очекуваните се финансиски резултати за повеќето бизниси на Халкидики со намалена посетеност и намалена потрошувачка од посетителите, но и намален број грчки туристи.

Бизнисите на Халкидики гледаат намален број посетители во изминатите два месеци

Полоши од очекуваните се финансиски резултати за повеќето бизниси на Халкидики со намалена посетеност и намалена потрошувачка од посетителите, но и намален број грчки туристи, согласно истражувањето што за Комората на Халкидики го спровела агенцијата „Interview“ за периодот јуни и јули годинава, јави дописничката на МИА од Атина.

Во истражувањето во рамките на 20-от Барометар биле вклучени 365 бизниси со различна големина со цел да се евидентираат ставовите и проблемите на локалните бизниси, а резултатите според Комората „воопшто не се охрабрувачки“.

На прашањето „Како се одвива посетеноста оваа сезона во споредба со претходните години“, 63 отсто од бизнисите одговориле дека е намалена, 27 проценти рекле дека е „на исто ниво“, а само 10 отсто забележале зголемување на посетеноста.

Според 41,4 проценти од бизнисите од Халкидики кои учествувале во истражувањето, финансиската состојба на посетителите е главниот фактор за намалениот број туристи, за 29,3 проценти причината се цените во хотелите, угостителските објекти и сл., а за 16 отсто „виновникот“ е политичката/геополитичката нестабилност.

Повеќе од половина анкетирани бизниси (55 отсто) оценуваат дека трошењето по посетител е намалено, 38 проценти навеле дека е приближно исто, додека само седум отсто одговориле дека посетителите трошат повеќе пари од лани.

Речиси седум од десет бизниси што учествувале во истражувањето (69 отсто) рекле дела оваа сезона е намален бројот на грчки посетители на Халкидики, а 26 проценти сметаат дека е на исто ниво како и минатата година.

Претседателот на Комората на Халкидики, Јанис Куфидис за „Етнос“ вели дека оваа година бележат „многу големо зголемување на прометот во супермаркетите и главно во секторот за готова храна, како и во продавниците за брза храна“, а од друга страна, останатите угостителски објекти и продавниците бележат голем пад на прометот.

Дополнително посочува дека хотелите со пет ѕвезди и оние кои нудат all inclusive бележат зголемување, што според него значи дека постојат туристи кои можат да трошат пари, но претпочитаат да ги трошат во хотели, бидејќи Халкидики има проблеми со инфраструктурата, во некои области, има проблеми со снабдувањето со вода и електрична енергија, нема добар интернет и има „планини“ од ѓубре.

- Кога посетителот ќе ги види овие работи, нема повторно да дојде. Во хотелите, сите овие проблеми се решени. Во исто време, треба да се надгради обезбедувањето услуги од бизнисите и да се намалат цените што во одредени случаи се високи. Менталитетот и на бизнисмените и на државниот механизам треба да се промени. Во спротивно, ќе ја изгубиме играта и нема да се вратиме во добрите времиња, истакнува претседателот на Комората од Халкидики.

Тагови: грција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Платформата за иднината на Мицкоски – ново издание на стариот проект ЗНАМ

Она што денес се претставува како „платформа за иднината на Македонија“ е само ново пакување на стариот проект ЗНАМ.

СДСМ: Платформата за иднината на Мицкоски – ново издание на стариот проект ЗНАМ

Ист организатор.

Ист финансиер.

Исти медиуми.

Исти таканаречени „независни“ новинари и аналитичари кои сега, откако излегоа од дупките, отворено ја промовираат платформата за иднината на Христијан Мицкоски.

Ова не е нова политичка иницијатива. Ова е проект што Мицкоски го започна со Деспотовски и Шилегов како носители на оваа платформа.

Ова е контролиран проект чија единствена цел е да создаде лажна алтернатива, да ја дефокусира јавноста и да ја подели опозицијата.

Да се поделат опозиционите гласови кои делумно би отишле кај Мицкоски. Сето тоа по моделот на сестринска партија СНС и Вучиќ.

Се обидоа да го урнат СДСМ со лажни вести, измислени афери и тешки лаги - не им успеа.

Затоа го повторија проектот од последните парламентарни избори, бидејќи даде резултати.

Сега не може два пати истата приказна. Народот ве прочита.

Веќе го видовме овој филм.

Луѓето кои денес се појавуваат како „нови лица“ и „независни аналитичари“ се истите кои порано ја бранеа и промовираа ЗНАМ. Денес, откако тој проект пропадна, добиваат нова задача, да ја продаваат „платформата за иднината на Мицкоски“ - ЗНАМ 2.0.

Народот одамна знае: кога ќе се појави нов „проект“, ново „движење“ или нова „платформа“ во изведба на истите лица, тоа не е ништо ново. Тоа е истиот проект на Мицкоски во ново пакување.

Тоа е само нова епизода од старата серија.

Во слободна, демократска и европска Македонија со овие проекти и со луѓето позади нив, навистина нема иднина.

Скопје, 04.07.2027

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Решаваме наследени проблеми, изградбата на автопатот Охрид–Кичево напредува со силно темпо, Македонија забрзува

Македонија забрзува!

Мицкоски: Решаваме наследени проблеми, изградбата на автопатот Охрид–Кичево напредува со силно темпо, Македонија забрзува

Изградбата на автопатот Охрид-Кичево влегува во својата завршна фаза и напредува со одлична динамика.

Денес гордо кажуваме дека решаваме еден по еден од наследените проблеми, најголемиот-свелечиштата и косините.

Првата галерија од вкупно 14 -те е целосно завршена и асфалтирана, вистинско инженерско чудо, кое бара врвни градежни решенија, особено поради сложениот планински терен низ кој минува трасата на автопатот.

Со силно темпо се работи и на тунелите, каде градежните активности се во самата завршна фаза.

Веќе 34 километри од автопатот се ставени во функција со кои постигнавме највисоки стандарди за безбедност и квалитет и кои секојднево се користат од граѓаните.

Остануваме целосно посветени на завршување на овој многу значаен капитален проект во рокот кој е предвиден.

Ова не е само проект, ова е автопат кој ги поврзува граѓаните, создава нови можности за стопанството, туризмот и целокупниот економски развој на државата.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Меси: Не ги потценивме, знаевме дека ќе играме тежок меч

Репрезентацијата на Аргентина се квалификуваше во осминафиналето на Светското првенство откако, во спектакуларен меч ги победи Зеленортските острови со 3:2 во продолжението.

Меси: Не ги потценивме, знаевме дека ќе играме тежок меч

По супернеизвесниот меч капитенот на Аргентина Лео Меси истакна дека тие уште пред почетокот на дуелот знаеле дека ги очекува тежок натпревар со незгоден противник.

„Знаевме дека натпреварот ќе биде многу тежок. Не е случајно што оваа репрезентација не загуби ниту од Шпанија, ниту од Уругвај. Ние го направивме најтешкиот дел од работата, а тоа беше да постигнеме гол. После тоа, требаше да ја пронајдеме нашата игра и да бидеме помирни, но се случи токму спротивното“, рече Меси.

„Не успеавме добро да ги притиснеме, а тие се бореа со своето оружје. Знаевме дека ќе биде тешко. Ова Светско првенство е многу посебно, сè е многу изедначено и секој натпревар ќе биде исклучително тежок“, додаде капитенот на Аргентина, нагласувајќи го менталитетот на тимот: „Секогаш одиме напред, без разлика дали игравме добро или лошо“.

„Преудна беше играта по прекините, сегмент на игарта од кој можеби не сме постигнале гол претходно, а во вакви натпревари тоа е клучно. Имаме добри играчи за играње со глава и успеавме да го искористиме тоа. Ќе биде важно да бидеме силни и во тој сегмент, на што работевме веќе некое време. Во вакво натпреварување, тоа е важно, што се покажа и во овој натпревар“, заклучи Меси.

Тагови: Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер