Поранешното претседателско семејство Трамп имало исклучително необични навики и барања за вработените во нивниот хотел, кои добивале упатства „чекор по чекор“ што да прават кога некој моќен пар ќе им дојде на вечера.
Вработените зборуваа за списанието „Вашингтонијан“ за протоколот и за тоа што има на менито на семејството Трамп кога ќе дојдат во својот хотел во Вашингтон.
Додека биле во главниот град, Трамп ретко излегувал, а кога го правел тоа најчесто одел во својот хотел, оддалечен на блока од Белата куќа.
Документот „Стандардна оперативна постапка“, објавен од споменатиот магазин, детално опишува, чекор по чекор, што требало да се направи кога поранешниот претседател ќе дошол да вечера во неговиот хотел.
Барањата биле следни:
- Кога ќе седне, тој прво би ги дезинфицирал рацете, дури и пред појавата на коронавирусот. Познато е дека тој има гермафобија, патолошки страв од бацили.
- Потоа тој што го послужува треба да го поздрави и да го праша дали сака диетална кока-кола со мраз или без мраз.
- Упатствата за ставање на сокот содржеле 7 чекори и биле илустрирани со 4 фотографии.
- Пијалокот морало да се отвори пред негови очи, никако претходно.
-Келнерот би требало во едната рака да го држи отворачот за шишиња при крајот на рачката, односно во долната третина, а диеталната кока-кола во другата, исто така во долната третина.
- Пијалокот се служел од неговата десна страна: „И тоа се повторува додека претседателот не замине“.
- Менито секогаш ги имало истите јадења: коктел од шкампи, добро печен бифтек, помфрит и понекогаш пита со јаболка или чоколадна торта за десерт.
-Две порции од тестенина, слична на нашата проја, требало да се сервира во рок од 2 минути, а шкампите веднаш, без да се чека.
-Келнерот требало да отвори мало стаклено шише со кечап пред него, внимавајќи Трамп да го слушне звукот на капачето.
- Покрај тоа, послужавник со нездрава храна требало да биде подготвен при секоја негова посета и да содржи чипс со вкус на павлака и кромид, четири вида чоколади, гумени бонбони, бисквити, суво грозје прекриено со чоколадо.
И Меланија имала свои необични побарувања, како на пример, храната да не се украсува. Во една прилика, таа го вратила јадењето затоа што имало магдонос и власец.
Нему не му се случило да ја врати храната, но еднаш, кога добил помал бифтек од лицето со кое вечерал, се пожалил. Ресторанот тогаш за претседателот нарачал посебно големи шкампи и шницла со големина од 100 сантиметри.
Тој беше зависник од кока-кола, пиел по неколку чаши на ден. Имаше дури и специјално копче на својата работна маса во „овалната канцеларија“ кое го притискал за да добие повеќе сок.
Нивното семејство и пријателите престојувале во хотелот кога биле во градот. Лобистите пиеле во барот, републиканците одржувале вечери за собирање средства во салите за танцување, а новинарите се состанувале со соговорниците со скапи пијалоци.
Персоналот бил подготвен за секое важно име кое би се нашло таму.
Најозлогласен гостин бил приватниот адвокат на Трамп Руди Џулијани, кој деновите ги поминал на долното ниво на ресторанот. Бидејќи тој работел таму повеќе отколку што јадел, вработените му направија плочка со натпис „Приватна канцеларија на Рудолф В. Џулијани“ и ја ставаа кога тој беше таму.
За разлика од нив, децата на Трамп биле повлечени и пристојни.
Извор: blc.rs