Живот

Бизарна несреќа во Канада: Тинејџерка украла Порше, го прегазила сопственикот и избегала(ВИДЕО)

Полицијата уапсила 18-годишна девојка која украла автомобил во Канада на почетокот на месецов, кога го прегазила сопственикот и побегнала со украденото возило.

Инцидентот се случил на 6 септември, а полицијата објавила видео од кражбата и побарала помош за пронаоѓање на осомничената.

На видеото се гледа како жена пристигнува во домот на сопственикот на Поршето во градот Мисисага, западно од Торонто. Таа наводно дошла откако прочитала оглас дека сопственикот продава автомобил

„Здраво, јас сум тука за Поршето“, рекла осомничената, идентификувана од полицајците како Сара Бедшо.

Сопственикот ѝ понудил тест возење. Таа одговорила дека го чека татко ѝ, но прашала дали може да го „погледа“ возилото.

После тоа, таа се гледа како седи зад воланот, додека сопственикот се обидува да влезе во возилото, но не успева. Кога била зад возилото, поршето наеднаш се враќа во рикверц и го удира. Мажот успеал да стане, но жената побегнала.

Полицијата го објави видеото во обид да ја пронајде осомничената, која се предала следниот ден.

Бедшо добила кривична пријава за опасна операција, нанесување телесни повреди, кражба на моторно возило, бегство по сообраќајна незгода со последица телесна повреда и возење без дозвола.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Муцунски во Дубаи договори директна авионска линија со Скопје од март идната година

Министерот за надворешни работи и главниот комерцијален директор на „Флајдубаи“ разговарале за можностите за директна авиолинија Дубаи-Скопје.

Министерот за надворешни работи Тимчо Муцунски и главниот комерцијален директор на „Флајдубаи“ Хамад Обаидала разговарале за можностите што директната авиолинија Дубаи-Скопје ги отвора за натамошно унапредување на економските и трговските врски, привлекување инвестиции, како и за зајакнување на туристичката и културната соработка меѓу двете земји

Од март идната година, авиокомпанијата „Флајдубаи“ ќе воспостави директна линија од Дубаи до Скопје, со три лета неделно. Ова било официјално потврдено на средбата што министерот за надворешни работи и надворешна трговија Тимчо Муцунски ја остварил со главниот комерцијален директор на „Флајдубаи“, Хамад Обаидала, за време на работната посета на Обединетите Арапски Емирати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Казнет е штипјанецот кој „дрифташе“ низ градот- немал ниту возачка (ВИДЕО)

Пронајден е и санкциониран возачот кој „дрифташе“ во Штип, а видеото од настанот беше споделено на социјални мрежи.

По преземени мерки и активности, а во врска со видео објавено на 12.10.2026 на социјални мрежи, на 14.10.2026 во Штип, полициски службеници од СВР Штип го пронајдоа и извршија службен разговор со С.К.(22) од Штип. Имено, на објавеното видео се гледа како тој управува патничко возило „опел“ без регистарски ознаки, на начин со кој намерно предизвикува пролизгување на возилото, односно како „дрифта“ со возилото. Притоа, било утврдено дека тој го управувал возилото пред да се стекне со право на управување.

Известен е јавен обвинител и по целосно документирање на случајот, против С.К. ќе биде поднесена соодветна пријава, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Силвестер Сталоне шокира со признание: „Не можам да се пензионирам, ми требаат парите“

Легендарниот актер, филмската ѕвезда 80- годишниот Силвестер Сталоне се пошегува дека не може да замине во пензија бидејќи мора да ја плати свадбата на својата ќерка Софија, која наскоро се мажи за Мајкл Шихан.

За време на гостувањето во емисијата „Live with Kelly and Mark“, водителката Кели Рипа го праша актерот колку планира да потроши за свадбата на својата 30-годишна ќерка.

„Ох, човеку, речиси ми е непријатно да го кажам тоа, но не можам да се пензионирам“, рече Сталоне, предизвикувајќи смеа кај публиката. „Не можам да се пензионирам. Сериозен сум. Морам да ја платам свадбата“, додаде актерот.

На 28 август, Софија објави дека се свршила со Мајкл Шихан и сподели фотографии од романтичното запросување на Инстаграм со пораката: – Засекогаш со најдобриот пријател.

Сталоне во емисијата го опиша својот иден зет како „одличен дечко“, а исто така откри и дека Шихан побарал негов благослов пред запросувањето.

– Ја побара нејзината рака – рече актерот, на што Кели Рипа (56) се пошегува: – Сигурно бил преплашен.

Сталоне потоа го пофали Шихан дека бил „многу самоуверен“ пред запросувањето.

„Му реков: ’Леле, со среќа, пријателе‘“, се пошегува актерот, додавајќи дека неговата сопруга, Џенифер Флавин, морала да биде присутна за да ја преземе улогата на „судија“.

За контекст, Сталоне и Флавин се во брак од 1997 година и имаат три ќерки. Актерот имаше и два сина од првиот брак со Саша Зак; сепак, Сејџ Сталоне почина во 2012 година, на 36-годишна возраст.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.