Култура

Битолскиот театар премиерно со претставата „Галеб“ на Чехов вечерва на „Охридско лето“

Народниот театар од Битола вечерва во рамки на драмската програма на „Охридско лето“ ќе се претстави со премиерната изведба на претставата „Галеб“ на Антон Павлович Чехов, во режисерска поставка на Багријана Попов.

Како што беше истакнато на денешната прес-конференција по повод премиерата, драмата што Чехов самиот ја нарекува комедија, носи и порака за кршливоста на човештвото, гледано низ призмата на односот на луѓето кон природата.

Режисерката Попов која 20 години соработува со Битолскиот театар посочи дека во претставата се зборува за страдања, но и за љубовта, за природните убавини и оттаму коренспондира со тоа што ќе биде премиерно изведена токму тука во Охрид.

- Секогаш кога се поставуваат претстави како оваа, суштината е да се презентира интеракцијата на човекот со природата, со убавината. Со нетрпение очекувам да видам како оваа претстава ќе биде донесена тука, на ова спиритуално место, да се открие како оваа претстава ќе проговори во нас и преку нас, рече Попов.

Режисерката посочува дека со актерите од Битолскиот театар „галебот“ доаѓа тука во Охрид и сега, со езерото како централен карактер, суптилно влијаејќи на односите кои се одвиваат околу него. „Волшебната претстава на Чехов е љубовно писмо за животот, носејќи ја нашата свест до кршливост и потребата за грижа“, вели таа.

Илија Волчевски од театарот во Прилеп кој ја толкува главната улога во претставата, во оваа прилика рече дека Чехов отсекогаш бил предизвик за актерите, уште од академските денови било чест и обврска да се обработуваат неговите дела и ликовите во неговите драми.

- Како екипа со нетрпение исчекуваме како публиката ќе оцени оваа премиера, какви ќе бидат коментарите, независно дали тие ќе се позитивни или негативни. Комплиментите се добри за самодовербата, но добронамерната критика секогаш е мотив за подобрување...рече тој.

За трагичниот крај на ликот Константин Гаврилович Трепљов во претставата, Волчевски ќе рече дека луѓето не треба да ги бараат решенијата за проблемите на начин како што тоа го прави главниот лик Трепљов во претставата.

- Секој човек минува низ турбуленции во животот...Личните проблеми за секого се најголеми, но не мислам дека таквиот крај како што се случува со Трепљов е некакво решение, Секогаш треба да се бара, да се ита да се стигне до светлата точка која е се појасна како се приближувате кон неа, посочи тој.

Младата актерка Леонида Гулевска која ја толкува возбудливата улога на Маша, од своја страна рече дека нејзиниот лик е можеби најзагатливиот, најнесфатениот карактер во претставата...

- Беше потешко да се работи на овој лик оттаму што се работи за улога која нема многу текст, а треба да долови некакви решенија за тешки, нерешливи дилеми. ..Пораката би била до младите да го бараат оптимизмот во секоја ситуација и тоа е таа светла точко кон која треба да се насочуваме, рече таа.

Огнен Дранговски рече дека неговиот лик на Евгениј Сергеевич Дорн, доаѓа во вистинскиот миг за него лично, оттаму што е работи за карактер што некако според искуството најмногу соодветсвува на неговата возраст.

- Можеби е сега токму мигот кога треба малку да се повлечам од занесеноста на Трепљов, Маша или Мина, да го видам се она во претставата со свои очи, се разбира, без цинизам туку со топлина...Овој карактер дојде до мене во вистинско време, после многу километри минати на сцената, после изиграни бројни ликови. Убаво е кога ќе дојде еден ваков лик што ќе донесе свежина во претставата. Донесе свежина кај мене посекако, рече Дранговски.

Багријана Попов е наградувана театарска режисерка, драматург и актер. Соработувала со признати актери во Австралија и Европа.Таа покажува длабок и траен интерес за драмите на Антон Чехов и ги има адаптирано и режирано неговите четири главни драми. Театарската адаптација на „Вишновата градина“ – на „Прогрес и меланхолија“ – освои 3 награди, меѓу кои и награда за најдобра режија. Нејзината поставка на „Чичко Вања“ од Чехов, во продукција со „Ла Мама“, беше изведена со високи пофалби на фестивалот во Аделаида во 2019 година.

Во претставата вечерва уште ќе ги видиме Јулијана Мирчевска, Катерина Аневска- Дранговска, Васко Мавровски, Соња Ошавкова, Александар Димитровски, Живко Борисовски, Валентин Дамчевски и Дарко Велкоски.

Сценографијата за претставата ја осмисли Валентин Светозарев, костимите се на Благој Мицевски, додека за музичката подлога се погрижи Александар Димовски.

Претставата ќе се игра на сцената „Долни Сарај“ со почеток од 19:30 часот. Истата трае два часа и не е наменета за лица под 16 години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп одбива продолжување на меморандумот за примирје со Иран

Американскиот претседател Доналд Трамп се закани дека ќе го бомбардира Оман, кој важи за близок сојузник на САД. Ако како што рече, се испречи на патот на американските разговори со Иран.

Неговото предупредување следи откако Оман почна паралелни преговари со Техеран за повторно отворање на Ормутскиот теснец, кој е од витално значење за глобалната економија.

Иранските власти изјавија дека се блиску до финализирање на договорот со оман што дополнително ги покрена тензиите во Вашингтон во услови кога неговите разговори со иран подолго време се во ќорсокак.

Откако вчера истече важноста на меморандумот за разбирање од 60 дена до кога двете страни требаа да постигнат мировно решение, Трамп рече дека не размислува за негово продолжување..

Македонија

Тошковски на централната прослава во Охрид: 34 години македонска Армија – чест, традиција и сигурност за Македонија

Министерот за внатрешни работи Панче Тошковски денеска во Охрид, во Центарот за обука на вода, присуствуваше на централната свеченост по повод 18 Август – Денот на Армијата и 34 години од формирањето на современата македонска Армија.

По повод Денот на Армијата, министерот Тошковски упати честитки до сите припадници на Армијата, истакнувајќи го нивниот придонес во заштитата на државата и граѓаните, како и значењето на Армијата како еден од столбовите на безбедносниот систем.

„Од борбата за слобода и создавањето на македонската државност, преку осамостојувањето, па сè до денешната современа македонска Армија, низ генерациите се протега иста вредност – одговорноста да се чуваат татковината, слободата и безбедноста на граѓаните. Денес со гордост можеме да кажеме дека имаме модерна, професионална и почитувана Армија, која претставува еден од најцврстите столбови на македонската држава и нашиот безбедносен систем. Како Армија на земја членка на НАТО, денес рамноправно стоиме со нашите сојузници и придонесуваме кон колективната безбедност“, истакна министерот Тошковски.

Тој ја нагласи и важноста на соработката меѓу Министерството за внатрешни работи и Армијата во рамки на целокупниот безбедносен систем на државата.

„Како министер за внатрешни работи, особено сум горд на соработката меѓу македонската полиција и Армијата. Кога станува збор за безбедноста на Македонија, имаме иста цел и иста обврска – да ги чуваме граѓаните, државата и нејзините интереси. Силна Армија, силна полиција и силни безбедносни институции значат сигурна и стабилна Македонија“, потенцираше Тошковски.

Во рамки на одбележувањето на Денот на Армијата, министерот Тошковски вчера положи свежо цвеќе пред споменикот на паднатите борци од НОБ во Алејата на великаните, како и на вечните почивалишта на претседателите Борис Трајковски и Киро Глигоров и на генералот Михаило Апостолски, оддавајќи почит на оние кои се вградиле во создавањето и развојот на македонската држава.

Министерот Тошковски на сите припадници на Армијата им упати искрена благодарност за нивната служба и посветеност кон татковината, честитајќи им го 18 Август – Денот на Армијата и 34-годишнината од формирањето на современата македонска Армија.

Тагови: Панче Тошковски

Македонија

СДСМ: Гостивар без безбедна вода, Скопје со западнонилска треска – Клековски и Мицкоски не можат да го заштитат здравјето на граѓаните

Со Мицкоски, Клековски и ВМРО, здравјето на граѓаните е загрозено.

На Клековски и Мицкоски им му се случија две здравствени кризи ама тие заминаа на одмор, на екскурзија.

Наместо превенција, наместо итна реакција и решение, во двете кризи видовме целосен распад на системот и неспособност на Клековски и ВМРО.

А се работи за здравјето на луѓето.

Во Гостивар, граѓаните беа отруени, со недели без безбедна вода за пиење.

5.000 граѓани завршија во болница.

По пет недели, и сега откако велат дека водата е безбедна, нема објавено ниту еден официјален документ кој ќе го потврди тоа.

Резултатите од анализите на водата, кои не се објавуваат веќе пет недели, внесуваат несигурност и создаваат паника кај граѓаните.

Ако сè е исправно, зошто резултатите досега не се објавени, кога испитувањата се прават секојдневно?

Што се крие од граѓаните, додека министерот повикува на транспарентност?

Сака да ги објави резултатите од 2017 година, а не сака да ги објави денешните.

Тоа само покажува дека нешто не е во ред.

Во Скопје ескалира кризата со западнонилската треска. 35 потврдени случаи од западнонилска треска. 3 починати.

6 лица во критична состојба на интензивна нега.

Од една криза во друга. Од една епидемиолошка закана во друга.

Пак задоцнето, сега допрва мерки, сега допрва прскање. Тотален колапс и хаос.

Клековски, како и неговиот шеф Мицкоски, ги оставија граѓаните и заминаа на екскурзија.

Додека Клековски ја сведува борбата против западно-нилскиот вирусот на апели за пријавување мртви гаврани и празнење на базени, граѓаните секојдневно се изложени на ризик.

Ова е уште еден доказ за целосниот распад на системот.

Општините не спроведуваат навремено прскање против комарци. Центрите за јавно здравје немаат капацитет за системска ентомолошка контрола. Агенцијата за храна и ветеринарство реагира само декларативно, без масовни проверки на живината.

Резултатот е трагичен: заболени граѓани, смртни случаи и пациенти во критична состојба.

Наместо системска акција според протокол - има молк, неспособност и префрлање на одговорноста врз граѓаните.

СДСМ бара итна и системска реакција: следење на популацијата на комарци на територијата на град Скопје, лабораториско тестирање на примероци за присуство на вирусот, масовна дезинсекција и уништување на жариштата – канали, бари и водни површини.

Да се направи итна контрола на живината и дивите птици, пријавување и тестирање на мртви птици. И, најважно, итна институционална координација помеѓу Министерството за здравство, центрите за јавно здравје, општините и Агенцијата за храна и ветеринарство.

Граѓаните не смеат да бидат единствениот „аларм“ за епидемијата.

Владата треба да ги штити нив.

Клековски не може да го обезбеди тоа и треба да понесе одговорност.

Прес-конференција на СДСМ, Кети Штерјова

СДСМ