Македонија

Битка за Чаир меѓу ДУИ и ВРЕДИ - Бујар Османи ќе се соочи со Изет Меџити?

Во Чаир ќе се води главната битка меѓу Европскиот фронт предводен од ДУИ и владејачката ВРЕДИ.

ДУИ одлучи изборната трка во бастионот на албанските партии да ја води со партискиот потпретседател и екс шеф на дипломатијата Бујар Османи, кој обелоденувајќи ја кандидатурата порача дека не се работело за функција, туку за одгворност кон жителите на Чаир и најави вистински и далбоки промени за Чаирчани. Осамани не губеше време и уште рано утрово на социјалните мрежи објави видео од чаирските улици.

Наспроти Османи во изборната трка за Чаир се поизвесно е дека ќе влезе првиот вицепремиер и поранешен градоначалник на оваа општина Изет Меџити, кој во интервјуто за Канал 5 не ја исклучи оваа можност, туку посочи дека доколку ДУИ истрча со поранешни министри и Вреди ќе одговори со соодветна понуда.

„Деновиве очекуваме резултати од анкети од професионални агенции и тие ќе ни дадат ориентација кој каде ќе биде, но не го исклучувам и тоа како опција. Ако ДУИ оди со потпретседател и со членови кои биле кандидат за претседател на државата, министер за надворешни работи и ние ќе одговориме со иста артилерија“,-– Изет Меџити, прв вицепремиер.

Дали доколку Меџити повторно се кандидира за прв човек на Чаир ќе ја добие и поддршката од владиниот колаициски партнер ВМРО-ДПМНЕ ќе се знае кон крајот на идниот месец. Разговорите меѓу двете партии се во тек, а Мицкоски ги оцени како позитивни и контруктивни и најави взаемна поддршка и со Вреди и со Знам во одредени општини.

„Јасно е дека владините партнери ќе имаат свои советнички листи, коалицијата што ќе ја предводи ВМРО-ДПМНЕ, политичката партија ЗНАМ и коалицијата ВРЕДИ логично е во одредени општини, т.е. би рекол во сите општини да се поддржуваме едни со други во делот на градоначалниците, бидејќи сме владина коалиција и мислам дека тоа ќе биде позитивен процес којшто ќе заврши втора половина на август, после одморите ќе ја донесеме конечната одлука,- – Христијан Мицкоски, премиер и претседател на ВМРО-ДПМНЕ .

Освен за Чаир, жестока битка во албанскиот блок се очекува и во Тетово, каде што на актуелниот градоначалнаик и лидер на Беса Билал Касами ќе му се спротивстави вториот потпретседател на интегративците и поранешен пратеник Бајрам Реџепи.

Од Вреди засега немаат потврдено ниту едно име, освен дека ќе го поддржат независниот канидат Менди Ќура за градоначалник на Струга.

Тагови: ВРЕДИ ДУИ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДКСК отвори предмет за ревизорските наоди за злоупотреби на државни пари во ИЈЗ

Државната комисија за спречување на корупцијата по сопствена иницијатива отвори предмет во врска со наодите содржани во ревизорскиот извештај на Државниот завод за ревизија, а кои се однесуваат на Институтот за јавно здравје.

Државната комисија за спречување на корупцијата денес, на колегиум, постапувајќи согласно своите надлежности утврдени со Законот за спречување на корупцијата и судирот на интереси, по сопствена иницијатива отвори предмет во врска со наодите содржани во ревизорскиот извештај на Државниот завод за ревизија, а кои се однесуваат на Институтот за јавно здравје.

Предметот е отворен поради потребата од проверка на наводите изнесени во јавноста и медиумите, како и согледување на евентуални ризици од корупција, судир на интереси, злоупотреба на службена положба или други неправилности во работењето, во рамките на надлежностите на ДКСК.

ДКСК ќе ги преземе сите потребни дејствија за прибирање и анализа на релевантната документација и информации од надлежните институции, со цел утврдување на фактичката состојба.

За понатамошниот тек на постапувањето, јавноста ќе биде навремено информирана.

Државна комисија за спречување на корупцијата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Малото градско Рено чини 4.900 евра- електричното Твизи го собира секаде(ФОТО)

Гужвите, скапото гориво и вечната потрага по паркинг ги тераат многу возачи да размислуваат за алтернативи на класичните автомобили.

Ако барате возило кое е направено за градско возење, тешко ќе најдете нешто помало и попрактично од Renault Twizy.

Овој електричен двосед привлекува внимание со својот необичен изглед, но неговата најголема предност е во секојдневната употреба. Поради своите компактни димензии, може да се паркира речиси насекаде, дури и на места каде што повеќето автомобили би имале потешкотии да најдат простор.

Идеален за град и пократки растојанија

Рено Твизи достигнува максимална брзина од 85 км/ч, што го прави погоден не само за градско возење, туку и за пократки приградски рути. Може да помине до 70 километри со едно полнење, а батеријата е заменета пред три години.

Полнењето е едноставно и не бара посебна инфраструктура. Батеријата може да се полни за приближно два и пол часа со помош на домашен Schuko приклучок, а може да се полни и на градски станици за полнење од тип 2.

Опремен за секојдневно возење

Копијата што се продава е правилно сервисирана и е во многу добра состојба. Опремена е со греење на седиштето и шофершајбната, дополнителни зимски стакла за дожд и Bluetooth звучници. Со почетна цена од 4.900 евра, нуди сè што ви е потребно за практично и економично возење во град.

Возилото доаѓа и со дополнително купени зимски стакла за дожд, како и Bluetooth звучници. Twizy има и мал простор за багаж, а дополнителното задно седиште овозможува превоз на уште едно лице.

Голема предност - бесплатен паркинг

Една од најголемите предности на ова електрично возило е ниската цена на користење. Благодарение на категоријата мопед, можно е бесплатно да се паркира во градот, што може да донесе значителни заштеди за возачите кои го користат автомобилот секој ден.

Додадете на тоа минимални трошоци за електрична енергија и лесно паркирање, и јасно е зошто Twizy е интересен избор за оние кои го поминуваат поголемиот дел од времето во урбани средини.

Тагови: Рено

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Русија со реакција на првата заедничка војна вежба на Србија и НАТО

Русија денеска го обвини НАТО дека се обвива околу Србија „како удав“, посочувајќи ја заедничката воена вежба што се одржува таму како обид за потчинување на земјата.

Москва тврди дека Алијансата сака да ја преземе контролата врз Балканот и да ја одвои Србија од Русија.

Воена вежба во Србија

Станува збор за годишната вежба „Платински волк“, која започна на 1 јуни со поддршка на Европската команда на САД. Според Србија, целта на вежбата е размена на најдобри практики и „подобрување на способностите и меѓусебното разбирање“ на земјите учеснички, вклучувајќи осум членки на НАТО.

Коментирајќи ја вежбата, портпаролката на руското Министерство за надворешни работи, Марија Захарова, употреби живописна споредба. „Како боа констрикторите, тие ја опкружуваат Србија со спирали на нивната љубов“, изјави Захарова за новинарите.

Контекст на врската

Русија и Србија традиционално негуваат блиски односи, кои имаат и историска димензија. Во 1999 година, за време на војната во Косово, Србија беше цел на бомбардирањето на НАТО, што е сè уште важен дел од колективната меморија.

Тагови: НАТО русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.