Бит Фест: „Кротењето на фуријата'' во режија на Пројковски ја воодушеви публиката - Канал 5

Бит Фест: „Кротењето на фуријата'' во режија на Пројковски ја воодушеви публиката

На програмата на БИТ ФЕСТ, културното лето кое се одржува во Битола и денес продолжува Битола Шекспир фестивалот.

Бит Фест: „Кротењето на фуријата

Како дел од програмата на Битолското културно лето БИТ ФЕСТ, синоќа на четвртата вечер на Битола Шекспир фестивалот, во големата сала на Народниот театар се одигра претставата ,,Кротењето на фуријата'' во режија на битолчанецот Дејан Пројковски, во изведба на Градски театар Подгорица, Црна Гора.

Над два часа, публиката постојано беше мотивирана и со целосно задржано внимание од актерската игра, музиката и хуморот, кои на сцената ги внесоа црногорските актери, особено Лазар Драгоевиќ во улогата на Петручио и Милица Мајкиќ во улогата на Катарина. Публиката пак, на крајот со овации ги испрати актерите, како и битолските протагонисти во претставата – сценографот Валентин Светозарев и режисерот Дејан Пројковски.

И како што самиот Пројковски за претставата ја истакна неговата режисерска визија, тоа целосно беше видливо на сцената:

Претставата „Кротењето на фуријата“ ги компарира двата принципи машкиот и женскиот, потпирајќи се на одредени аспекти на женската сексуалност и на машката доминација во современиот и модерен актерски израз, кој се заснова на Шекспировото сфаќање на театарот, играта, времето и просторот.

-Како режисер, имам искуства со психолошко сенчење на женските ликови. Ми се чини дека женските ликови се секогаш психолошки попрефинето осенчени од машките; женската смисла мене ми личи на харфа, а машката на гитара, бројот на жиците е различен. Со ова не сакам да им дадам предност на жените пред мажите, во смисла на сензибилитет, зашто знам дека уште од учењето за анимусот и анимата е вообичаено така да се мисли. Нашата задача во театарот е да ги уриваме стереотипите за машко и женско“, изјави Пројковски.

ДЕНЕС НА БИТ ФЕСТ

На програмата на БИТ ФЕСТ, културното лето кое се одржува во Битола и денес продолжува Битола Шекспир фестивалот.

Во 20.00 часот, во големата сала на Народниот театар, публиката ќе има можност да ужива во ,,РОМЕО И ЈУЛИЈА, ПОСЛЕДНИТЕ ЧАСОВИ’’ во изведба на Imperfect Dancers Company од Италија. Оваа постановка е модерна кореографска приказна, која преку перфекната игра на танчерите не внесува во Шекспировиот свет. Imperfect Dancers Company се познати од минатите години на Битола Шекспир фестивалот, кога приредија неверојатно доживување и разгалување на сетилата со ,,ХАМЛЕТ’’ и ,,ЛЕДИ МАКБЕТ’’

Во 22.00ч публиката ќе има ексклузивна можност да ја погледне монодрамата ,,ХАМЛЕТЕЛИА" во изведба на Каролина Пагани од Италија.

Оваа претстава е ново читање и фрла ново светло врз Шекспировиот Хамлет, овојпат прикажан преку иронија и комични елементи. Во оваа претстава Офелија станува Гертруда, лесно се преобразува во Хамлет, Лаерт...Хамлетелиа претставува едно необично патување од современоста до Елизабетанската ера која истовремено ги истражува различнте актерските стилови и е еден вид крстосница помеѓу нив.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Казнет е монструмот кој со нож избоде три деца пред училиште- нападот предизвика протести во Даблин

Алжирец кој се обиде да убие три деца пред училиште во Даблин во ноември 2023 година во напад со нож, во кој сериозно беше повредена и наставничка која ги придружуваше, е осуден на доживотен затвор, објави суд во ирскиот главен град.

Казнет е монструмот кој со нож избоде три деца пред училиште- нападот предизвика протести во Даблин

Бушакер беше прогласен за виновен и за напад на две мали деца и еден тинејџер, како и за поседување кујнски нож од 36 сантиметри.

Ријад Бушакер (52) го изврши нападот на 23 ноември 2023 година на плоштадот Парнел Ист во Даблин, кога избоде две девојчиња и едно момче додека чекаа пред училиштето, а нападот, забележува Скај њуз, предизвика немири во ирскиот главен град.

Бушакер ги негираше обвиненијата, но претходно оваа година, по судењето во Централниот кривичен суд во Даблин, беше прогласен за виновен за обид за убиство на три деца, како и за нанесување тешки телесни повреди на наставничката Лијана Флин.

Таа претходно ги зела децата од училиште и ги однела во градинка кога се обидела да го запре напаѓачот. Потоа напаѓачот ја избодел, а други минувачи ѝ притрчале на помош и успеале да го совладаат.

Флин била однесена во блиската болница по нападот, каде што била ставена во индуцирана кома и била подложена на итна операција. На судењето се слушна дека лекарите морале да ѝ ја отстранат слезината и дел од желудникот, како и дека претрпела повреда на белите дробови.

Поротата слушнала за време на судењето дека едно од девојчињата претрпела тешко оштетување на мозокот од недостаток на кислород откако срцето престанало да чука, но лекарите успеале да ја реанимираат.

Девојчето, кое имало пет години во времето на нападот, сега има доживотна состојба што сериозно ги ограничува нејзините способности за живот и бара 24-часовна нега.

Преку преведувач, Бусакаир рекол дека добил „негативна одлука“ од социјалните служби и дека чувствувал дека „оваа земја му кажува да си оди“.

Тој тврдел дека е болен, не е при здрав разум и не сакал да ги убие или повреди децата.

На судот му беше кажано и дека Бусакаир имал операција на мозок во 2021 година и дека претрпел дополнителни повреди на главата за време на интервенцијата на граѓаните кои го совладале, поради што останал во болница околу еден месец.

Немирите во Даблин избувнаа на 23 ноември 2023 година, по нападот со нож врз три деца и нивниот наставник пред училиште на плоштадот Парнел, кога групи демонстранти, вклучувајќи екстремно десничарски и антиимиграциски групи, се собраа во текот на попладнето и вечерта откако дознаа дека осомничениот за нападот е од алжирско потекло.

Демонстрациите станаа насилни во текот на вечерта, при што учесниците нападнаа полиција, палеа полициски возила, автобуси и трамваи, кршеа излози и ограбуваа продавници.

Немирите предизвикаа штета од речиси 20 милиони евра, а десетици луѓе беа уапсени.

Ирските власти и полицијата проценија дека насилството е поттикнато од екстремистички поединци и групи кои ја искористија трагедијата за ширење антиимиграциска пропаганда.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Робот прв пат во историјата изгради нешто во вселената без помош на астронаути

Научниците од Калифорнискиот институт за технологија (Caltech) го направија првиот успешен обид за автономно склопување на структура во вселената, без директна помош од астронаути. 

Робот прв пат во историјата изгради нешто во вселената без помош на астронаути

Нивниот робот ASTRA успеа да склопи дел од антената во Земјината орбита користејќи материјали што беа испратени во вселената како посебни компоненти.

Експериментот претставува важен чекор кон изградба на големи вселенски телескопи, антени и соларни електрани, чии димензии го надминуваат просторот достапен во денешните ракети.

Роботот ASTRA зафаќа приближно еден кубен метар простор и е опремен со механичка рака, автоматски диспензери на компоненти и 11 камери. Пристигна во орбитата со два претходно склопени сегменти од структурата, додека третиот мораше да се изгради независно.

Користејќи композитни цевки и алуминиумски конектори, роботот успешно го склопи третиот сегмент од антената, движејќи ја механичката рака по три оски. Структурата е исто така дизајнирана да приспособи на инсталација на тенок рефлективен материјал што овозможува функционирање на антената.

Планирано е завршената антена да биде со дијаметар од 1,4 метри и да има вкупно 11 сегменти, но досега се инсталирани само три, од кои еден е склопен директно во орбитата. Бидејќи мисијата завршува во декември, истражувачите не очекуваат целата структура да биде завршена.

Иако ASTRA самата го изврши физичкото склопување, тим на Земјата ја надгледуваше операцијата и испраќаше команди. Кога се појави проблем, инженерите прво го репродуцираа на идентичен уред во лабораторијата, а потоа ги испратија соодветните корекции.

Најголемата предност на овој пристап е можноста за градење објекти што не можат да се вклопат во ракета. Денес, големите вселенски структури најчесто се лансираат склопени, а потоа расклопени во орбитата. На пример, вселенскиот телескоп Џејмс Веб мораше да биде специјално преклопен за да се вклопи во ракетата Ariane 5.

Проектот е финансиран од американската агенција DARPA преку програмата NOM4D, чија долгорочна цел е да развива технологии за градење структури широки стотици метри, па дури и километри.

Според агенцијата, од првичната идеја до работен прототип во орбитата биле потребни само 15 месеци.

Иако роботот не ја завршил целата антена, успешното склопување на еден сегмент покажа дека идните вселенски станици, телескопи и други големи структури би можеле да се градат директно во орбитата, наместо да се испраќаат од Земјата како готови објекти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Трамп: Путин ѝ попушта на Украина, би требало да биде поостар (ВИДЕО)

Американскиот претседател Доналд Трамп изјави дека рускиот претседател Владимир Путин малку омекнува во однос на војната во Украина, велејќи дека би можел да заземе многу поцврст став. 

Трамп: Путин ѝ попушта на Украина, би требало да биде поостар (ВИДЕО)

Тој, исто така, зборуваше за можноста да се сретне со севернокорејскиот лидер Ким Џонг-ун за време на посетата на Кина.

Путин малку омекнува, вели Трамп

Одговарајќи на новинарско прашање за ставот на Путин во однос на војната во Украина, Трамп ја даде својата оценка за рускиот претседател.

„Мислам дека малку омекнува. Мислам дека би можел да биде поцврст. Искрено, мислам дека би можел да биде многу поцврст. Верувам дека омекнува“, рече Трамп.

Тој додаде дека верува оти Путин би сакал да види крај на војната.

За Украина ќе се разговара со Путин и Си

Трамп објави дека војната во Украина ќе биде една од темите на неговите претстојни разговори со рускиот претседател Владимир Путин и кинескиот претседател Си Џинпинг.

„Ќе разговараме за мојата омилена тема, Украина. Украина ја губи Украина“, им рече Трамп на новинарите во Белата куќа пред да замине на азиска турнеја.

Тој додаде дека Русија, исто така, претрпе големи загуби во војната.

„Русија губи 25.000 војници месечно. Ќе разговараме за тоа“, тврди американскиот претседател.

Средбата меѓу Трамп, Путин и Си треба да се одржи во кинескиот град Шенжен за време на самитот на АПЕК. Една од главните теми ќе биде нуклеарното оружје.

Трамп ја остави отворена можноста за средба со Ким

Американскиот претседател, исто така, ја објави можноста за средба со севернокорејскиот лидер Ким Џонг-ун за време на неговиот престој во Кина.

„Можеби ќе се сретнеме и со Ким Џонг-ун“, рече Трамп, оставајќи ја отворена можноста за уште една средба.

Трамп и Ким се сретнаа три пати за време на неговиот прв мандат како претседател, последен пат во 2019 година. Оттогаш тие не се сретнале повторно.

Вашингтон се обидува да ги обнови разговорите со Северна Кореја за нејзината нуклеарна програма, а евентуалната средба во Кина би можела да го отвори патот за обновување на дипломатските контакти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер