Билјана Ивановска соопшти дека добила кривична пријава - Канал 5

Македонија

Билјана Ивановска соопшти дека добила кривична пријава

Ден по најавата дека ќе се кандидира за градоначалничка на Центар поранешната прва антикорупционерка Билјана Ивановска во статус на Фејсбук објави дека добила кривична пријава, односно дека ја повикуваат на распит во Обвинителството на 19-ти август.

Билјана Ивановска соопшти дека добила кривична пријава

Таа во телефонски разговор за Канал 5 не сакаше дополнително да коментира, само посочи дека не знае за каков предмет станува збор. Вели дека нејзината совест била чиста, немала што да крие и дека не се плаши од никакви закани и притисоци.

Дека се постапуваат по приватна кривична пријава за поренашната претседателка на ДКСК Ивановска потврдуваат и од Обвинителството. Од таму велат дека пријавата била поднесена на 18-ти февруари годинава, а поканата за распит до Ивановска била испратена на 25-ти јули, односно пред објавувањето на нејзината кандидатура поради што на ниту еден начин не може да се поврзува со нејзините политички активности.

Кандидатурата на Ивановска е поддржана од „Шанса за Центар“, „Зелените за Гази Баба“ и „398“ здружени во платформата „Независни заедно“, кои во меѓувреме собираат и потиси за формирање партија. Во меѓувреме се очекува препорака од Министертвото за правда околу регулирањето на настапот на независните на претстојните локални избори. Консултациите со правните екеперти се завршени, а ваквиот потег следува откако изманите на Изборниот законик останаа заглавени во Собранието, а ДИК пред неколку дена го стави вон сила досегашниот правнилник за регулирање на постапката за собирање потписи за назависни кандидатури.

Од Државната изборна комисија пак, повикувајќи се на нивните законски надлежности и обврски согласно член 31 од Изборниот законик најавуваат дека утре или задутре на седница ќе го допрецизираат Упатството за поднесување листи во кое ќе биде наведено дека независни кандидатури и листи ќе може да се поднесуваат без собирање потписи.

YouTube video

Тагови: ДКСК

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода девет возачи за „безобѕирно управување со моторно возило“, шест возеле без положен возачки испит

Во текот на изминатото деноноќие, на различни локации во државата, полициски службеници лишија од слобода девет возачи поради сторено кривично дело „безобѕирно управување возило“ по член 297-а од Кривичниот законик. 

Лишени од слобода девет возачи за „безобѕирно управување со моторно возило“, шест возеле без положен возачки испит

Од нив, шест лица управувале возило без положен возачки испит, и тоа: А.С.(46), М.Р.(26) и З.С.(26) сите од Скопје, А.М.(27) од с.Никиштани, скопско, Г.Т.(56) од с.Подлес, општина Градско и А.К.(28) од с.Дреново, кавадаречко, кој бил и под дејство на алкохол.

Двајца возачи управувале возило под дејство на алкохол: Г.Ј.(49) од Кочани и М.С.(35) од Куманово. Додека, пак, Д.С.(21) од Крива Паланка управувал возило и покрај тоа имал активна мерка забрана за управување со моторно возило.

По целосно документирање на случаите, ќе бидат поднесени соодветни кривични пријави. Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Потврдена средба на Трамп, Си Џинпинг и Путин в четврток во Кина

Белата куќа потврди. Следната недела во четврток во кинескиот град Шенжен ќе се одржи состанок на Доналд Трамп, Си Џинпинг и Владимир Путин, на маргините на Самитот на Азиско-пацифичката економска соработка -АПЕК.

Потврдена средба на Трамп, Си Џинпинг и Путин в четврток во Кина

Портпаролката на Белата куќа, Оливија Велс, изјави дека една од главните теми на разговорите ќе биде намалувањето на нуклеарното оружје. Претседателот јасно стави до знаење дека ќе се занимава со прашањето за намалување на нуклеарното оружје во светот. Американски претставник, кој зборувал под услов на анонимност, открил дека Трамп планира на средбата да го отвори и прашањето за Иран, а темата за Украина најверојатно нема да биде дел од трилатералните разговори, бидејќи сад водат одделни дипломатски процеси со Киев и Москва, во кои Кина не учествува. Американскиот претседател ќе отпатува во азија во понеделник, а според најавите, најпрво ќе ги посети филипините, по што ќе замине за шенжен, каде ќе се одржи самитот на АПЕК.

Тагови: Владимир Путин Доналд Трамп Си Џинпинг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Куба се подготвува за можен американски воен напад

Куба се подготвува за можен американски воен напад по изјавите на американскиот претседател Доналд Трамп, кои беа протолкувани како закана за воена интервенција. 

Куба се подготвува за можен американски воен напад

Ова го изјави кубанскиот претседател Мигел Дијаз-Канел, кој порача дека земјата е подготвена да се брани од секоја странска агресија.

„Одлучни сме да го одбиеме секој обид за странска воена агресија врз нашата земја“, рече Канел. Неговата изјава следува откако Трамп прашан дали би размислил за воена интервенција со цел да ја „ослободи“ Куба, за американски медиуми рече: „Сакам да ја решам Куба пред да си заминам“. Тој додаде дека САД внимателно ја следат ситуацијата на островот, оценувајќи дека земјата е во многу лоша состојба и дека практично е пропадната држава.

Тагови: куба

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер