Шоу биз

Били Ајлиш: Никој не е нелегален на украдена земја

Американската поп-ѕвезда Били Ајлиш изјави дека „никој не е нелегален на украдена земја“ (во контекст на прогонот на незаконски имигранти во Соединетите Американски Држави) откако освои награда Греми за песна на годината.

Поп-пејачката, чија победничка песна „Wildflower“ се наоѓа на нејзиниот албум „Hit Me Hard And Soft“, во својот победнички говор во Лос Анџелес ги повика луѓето да продолжат да протестираат против политиката на државата. На сцената ѝ се придружи нејзиниот брат Финеас, при што двајцата носеа значки „IСЕ out“ (ИЦЕ Надвор).

- Ви благодарам многу, не можам да верувам во ова. Сите други во оваа категорија се толку неверојатни. Ве сакам многу. Се чувствувам толку почестена секојпат кога сум во оваа просторија и колку и да се чувствувам благодарна, искрено не чувствувам дека треба да кажам нешто, освен... Никој не е нелегален на украдена земја... Навистина е тешко да се знае што да се каже и што да се направи во овој миг, и едноставно, се чувствувам навистина надежно во оваа просторија и чувствувам дека само треба да продолжиме да се бориме. Да зборуваме и да протестираме. Оти нашите гласови се навистина важни, и луѓето се важни, рече Ајлиш на сцената.

И поп-пејачка Оливија Дин застана во одбрана на доселениците во САД. Емоционално по освојувањето на наградата за нов уметник, таа изјави:

- Ви благодарам, никогаш не замислував дека ќе бидам тука горе, а камоли номинирана, па ви благодарам многу, само сакам да кажам дека уметникот е навистина ништо без неговиот тим... Претпоставувам дека сакам да кажам, јас сум тука горе како внука на имигрант, па (да не беше имиграцијата) не би била тука. Да, јас сум производ на храброста и мислам дека тие луѓе заслужуваат да бидат славени, па да, ние сме ништо еден без друг. Ви благодарам многу, ве сакам, ви благодарам многу!

Нивните коментари се во контекст на протестот на уметниците против распоредувањето на службениците на американската Служба за имиграција и царина (ИЦЕ) во американските градови.

И колумбиската пејачка и текстописец Карол Џи, која беше номинирана за нејзиниот албум „Tropicoqueta“ во категоријата најдобра латино-поп, се надоврза на критиките.

- Нашата заедница овде во САД минува низ многу лоши и тешки работи, и само за да биде глас, само за да биде претставник, само за да биде дел од тоа колку сме позитивни и колку сме посебни за светот, додаде латинопејачката.

Поп-ѕвездата Лејди Гага, ја освои наградата за најдобар вокален поп-албум за нејзиниот „Mayhem“, како и за најдобра денс-поп-снимка и најдобра ремикс-снимка за „Abracadabra“ и ремиксот „Gesaffelstein“.

- Само сакам да им кажам на жените во музиката дека знам дека понекогаш кога сте во студио со група момци, може да биде тешко... Затоа ве охрабрувам секогаш да се слушате себеси и секогаш да се борите за вашите идеи, да се борите за вашите песни, да се борите за себе како продуцент. Погрижете се да бидете слушнати гласно и ви благодарам многу што ме поддржувате, нагласи Лејди Гага.

Претходно и пејачите Џони Мичел, Кехлани и Џастин Вернон се појавија со значки „ИЦЕ Надвор“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кушнер: Украина не сака да ѝ отстапи територија на Русија

Територијалното прашање останува да се реши пред да може да се постигне договор за крај на војната меѓу Русија и Украина, но Киев не е подготвен на отстапки, изјави Џаред Кушнер, специјален пратеник на американскиот претседател и негов зет.

Тој додаде дека американската страна изминатите девет месеци работела на други елементи од мировниот договор, вклучувајќи безбедносни гаранции и механизми за спречување на повторно разгорување на непријателствата.

Кушнер истакна дека за време на преговорите во Москва, рускиот претседател Владимир Путин ги изнел своите територијални барања. „Ако Украина се согласеше да се повлече до таа линија, веќе ќе го имавме подготвено остатокот од договорот. Но, засега, украина не е подготвена да го стори тоа“, рече пратеникот на Трамп.

Тагови: Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија без активни пожари

Центарот за управување со кризи денеска за првпат после подолго време информира дека нема активни пожари и пожари под контрола.

Во изминатото деноноќие имало вкупно 21 пожар и сите се изгаснати.

На ден 12/13.09.2026 година, до 08:00 часот, регистрирани се вкупно 21 пожар на отворен простор, од кои нема активни пожари, нема пожари под контрола, а изгаснати се 21 пожар, се вели во информацијата од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.