Била плејбој модел, а сега работи како хигиеничарка - Канал 5

Шоу биз

Била плејбој модел, а сега работи како хигиеничарка

„Некогаш работата ми беше да се соблечам, а сега едвај чекам да се вратам дома кај кучето“  

Била плејбој модел, а сега работи како хигиеничарка

Верена Твиг (45) е поранешна ѕвезда на Плејбој која во еден момент доживеала животен пресврт. Таа гламурозниот начин на живот, каде единствена работа ѝ била да се соблече гола и да позира како нечија дублерка, го променила, така што веќе во петтата деценија заработува чистејќи станови. Животот во своите дваесетти го памети како најдобрата деценија во животот.

-Се сеќавам кога почнав да се занимавам со манекенство и, за разлика од другите девојки, не избегнував да снимам рекламни кампањи за долна облека. Сфатив дека така можам да заработам многу пари. Мојата единствена работа беше да се појавам на снимање или на забава во долна облека, а многу често бев и без неа. Многу брзо стигнав до насловните страници на машките списанија - се присетува Твиг, а за тоа пишуваше Сан.

По игра на случајот најдобрата другарка на Верена била зајачица на Плејбој и преку неа успеала да влезе во царството на Хју Хефнер.

- Мојата пријателка им покажала мои фотографии и набргу ме поканија на снимање, но и на незаборавни забави во познатата Плејбој вила. На забавите, запознав многу влијателни луѓе, се чувствував слободно додека шетав гола. Никогаш не сум имала проблем да ги покажам градите и да се сликам гола. Добро ни плаќаа кога парадиравме низ касарните целосно голи и жал ми е што повеќе не постои тоа диво време во кое можеш да бидеш „вистински слободен“ и да уживаш во своето тело – објаснила таа.

Првите силикони ги поставила на 21 година, кога ги зголемила градите за два броја. А, девет години подоцна повторно ги зголемила. Веќе на 30-годишна возраст, нејзината манекенска кариера била практично завршена, па таа се посветила на работата во една агенција каде ангажирала млади девојки кои сакале да се занимаваат со манекенство.

- На 35 години нема што да барате во светот на гламурот. Од друга страна, како што порано лудите забави беа составен дел од мојот живот, така по 35-тата година копнеев да бидам сама. На почетокот мислев дека нешто не е во ред со мене, но сфатив дека секоја возраст од животот има одредени приоритети. Токму како што во моите 20-ти години едвај чекав да се разголам и да танцувам до зори, така во 40-тите најмногу сакам да шетам во природа. Ја најдов и мојата сродна душа, тоа е моето куче чивава. Уживам во тишината и шетањето со него - објаснува Твиг.

Денес, Верена има 45 години и успешно води сервис за чистење кој сама го основала. Голем извор на приход ѝ е и станот што успеала да го купи од некогашната заработка како модел на Плејбој.

- Бев паметна и заработените пари во Плејбој ги вложив во недвижнина што сега ја издавам. Живеам прилично тивко и мирно. Знам што правев и како живеев, поради што никогаш не посакав да имам деца. Чудно ми е што луѓето сè уште ме препознаваат во супермаркет. Мислам дека тие луѓе сигурно имале постер од мене залепен во камионот – се присетува поранешната ѕвезда на магазинот „Плејбој“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Митева од Атина: Силата на жените е во нивното учество, одговорност и можност да носат одлуки

Темата посветена на зајакнувањето на силата на жените беше многу прецизно избрана, затоа што денес кога зборуваме за иднината на Европа, мора да зборуваме и за тоа како целосно ќе го искористиме потенцијалот на жените. 

Митева од Атина: Силата на жените е во нивното учество, одговорност и можност да носат одлуки

Претседателката на Унијата на жени на ВМРО-ДПМНЕ, Марија Митева по учеството на тридневната есенска Академија на организацијата на жени на Европската народна партија во Атина, на тема „Да ја искористиме силата на жените“, во интервју истакна дека зајакнувањето на улогата на жените и нивното активно учество на пазарот на трудот се од суштинско значење за иднината на Европа.

„Темата посветена на зајакнувањето на силата на жените беше многу прецизно избрана, затоа што денес кога зборуваме за иднината на Европа, мора да зборуваме и за тоа како целосно ќе го искористиме потенцијалот на жените. Еден од главните фокуси на Академијата беше конкурентноста и учеството на жените на пазарот на труд. Тоа за мене е особено важно прашање, затоа што не смееме да си дозволиме половина од својот човечки потенцијал да не биде целосно искористен“, вели , претседателката на Унијата на жени на ВМРО-ДПМНЕ, Марија Митева.

Таа посочи дека на Академијата се разговарало за создавање повеќе можности за жените да бидат конкурентни на пазарот на труд, да останат активни, да напредуваат, да започнуваат сопствени бизниси и да доаѓаат до раководни позиции.

„Зборувавме за тоа како да се создадат повеќе можности за жените да бидат конкурентни на пазарот на труд, да останат активни, да напредуваат, да започнуваат сопствени бизниси и да доаѓаат до раководни позиции. Но, уште поважно, разговорот не беше само за бројки и статистики, беше за промена на перспективата. Жената не треба да ја гледаме само како корисник на економски мерки или како категорија што треба да биде застапена. Треба да ја гледаме како носител на економски раст, иновации и развој“, посочи Митева.

Според Митева, силата на жените треба да се согледува преку нивното активно учество, преземањето одговорност и учеството во носењето одлуки.

„Главната порака што ја носам од тука е дека силата на жените не треба да ја мериме само според нивната присутност, туку според нивното учество и нивната способност да преземаат одговорност и да носат одлуки. Ако сакаме поконкурентна Европа, посилни држави и поотпорни општества, мораме да создадеме услови жените целосно да го реализираат својот потенцијал“, вели Митева.

Митева посочи дека целта е европските искуства да бидат преточени во конкретни знаења, иницијативи и активности во Македонија.

„Тоа е концептот што сакаме да го градиме и во Унијата на жени, повеќе учество, повеќе одговорност и повеќе можности. Нашата цел е европските искуства да не останат само искуства што ќе ги слушнеме на конференција. Да ги претвориме во знаење, иницијативи и активности што можат да дадат резултат кај нас. Верувам дека за многу брзо од денес Унијата на жени ќе биде домаќин на овие разговори, ќе ги продлабочува соработките во различни форми и ќе гради силен капацитет во рамки на нашата ВМРО-ДПМНЕ“, истакна Митева.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

За полн резервоар во ЕУ потребни се дури 103, односно 108 евра

Дизелот и бензинот уриваат рекорди во ЕУ,цените на највисоко ниво во последните 20 години

За полн резервоар во ЕУ потребни се дури 103, односно 108 евра

Цените на бензинот и дизелот во Европската унија оваа недела достигнаа највисоко ниво откако се следат податоците, односно во последните повеќе од 20 години.

Според податоците на Европската комисија, полнењето резервоар од 50 литри со бензин сега чини околу 103 евра, а со дизел 108 евра, пренесува Индекс, Хр.

Растот на цените значително го поттикнуваат високите рафинериски маржи, а експертите на Европската Централна Банка проценуваат дека маржите за дизелот врвот ќе го достигнат дури во октомври, што укажува на можноста цените да останат високи.

Цените на горивото на бензинските станици значително пораснаа по почетокот на конфликтот на Блискиот исток, што дополнително ги засили инфлаторните притисоци..

...

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Бајка на Мицкоски за провизија - цевка што ја нема, електрана што ја нема.,струја што ќе се увезе

Мицкоски вели: ќе донесеме гас, ќе правиме струја, ќе храниме дата-центри. 

СДСМ: Бајка на Мицкоски за провизија - цевка што ја нема, електрана што ја нема.,струја што ќе се увезе

Воздух и фреон, за да не ја пијат водата. Сè е чисто. Сè е модерно.

Народот не е наивен. Сметката е проста.

За да има струја од гас, треба две работи. Цевка што носи гас. И електрана што работи.

Цевките со Грција и Србија ги најавува. Капацитетот што го ветува - три, шест, осум милијарди кубици - не постои денес.

Денес мрежата издржува околу 800 милиони, трошиме околу половина милијарда. Тоа не е гориво за флота сервери.

Електрана што работи на гас има само една: ТЕ-ТО Скопје, околу 220 мегавати. Веќе работи. Прави струја и топлина за град Скопје. Не стои празна за Рамбл и за петте фирми без име.

ТЕЦ Неготино не е решение што сега произведува.

Новите централи се само на хартија. Хартијата не врти сервери.

Значи денес, ако влезе голем дата-центар, струјата не се раѓа од неговиот гас. Се купува. Се увезува. Или се зема од она што го плаќаат домаќинствата.

Кој увезува, знаеме. Мицкоски. Мрежата околу него. Партнерот Адамовиќ. Омилен бизнис: разлика на граница, провизија на сметка.

Прво рекоа нема да ја пијат водата. Сега најавуваат воздушно ладење и фреон. Тоа ја "пие" струјата повеќе. Водата ја трнаа од соопштенијата.

Киловатот го оставија на народот. Иста манипулација, друга амбалажа.

Нема цевка. Нема електрана. Нема евтина домашна струја за туѓ хардвер. Има интервју од Вашингтон и договор под радар. Дата-центрите што ги увезуваат се хардвер за туѓа дигитализација, не за Македонија.

Сè е лага. Сè е измама. Сè е манипулација.

Зад лагата стои увоз. Зад увозот стои каса и криминал и корупција.

Касата не е кај граѓанинот. Касата е кај арамијата.

Скопје, 19.09.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер