Свет

Бил и Хилари Клинтон се повикани во Конгресот да сведочат за Епштајн- им се заканува затвор ако не се појават

Комитетот за надзор и владини реформи на Претставничкиот дом, предводен од републиканците, објави дека ќе ги обвини поранешниот претседател Бил Клинтон и неговата сопруга, поранешната државна секретарка Хилари Клинтон, за непочитување на Конгресот.

Комитетот за надзор и владини реформи на Претставничкиот дом, предводен од републиканците, објави дека ќе ги обвини поранешниот претседател Бил Клинтон и неговата сопруга, поранешната државна секретарка Хилари Клинтон, за непочитување на Конгресот доколку не се појават на сведочење зад затворени врати следната недела во истрагата за осудениот сексуален престапник Џефри Епштајн.

Портпаролот на комитетот денес изјави дека го повикале Бил Клинтон, кој има врски со Епштајн, да се појави пред конгресните истражители на 13 јануари, додека Хилари Клинтон е повикана да сведочи на 14 јануари, но досега ниту еден од нив не потврдил дека ќе се појават, објавува Политико.

„Тие се обврзани според законот да се појават и очекуваме да го сторат тоа. Доколку Клинтонови не се појават, Комитетот за надзор на Претставничкиот дом ќе покрене постапка за непочитување на судот“, рече портпаролот во соопштението.

Ова ретко користено конгресно овластување би можело да ги одведе и Клинтонови во затвор.

Како пример за потенцијално сериозните последици од обвиненијата за непочитување на Конгресот, двајца помошници на Трамп, Стив Бенон и Питер Наваро, беа осудени на затворска казна затоа што одбија да соработуваат со судски покани од комитет предводен од демократите што го истражуваше нападот врз Капитол на 6 јануари 2021 година.

Портпаролот на Бил Клинтон претходно изјави дека поранешниот американски претседател немал сознанија за злосторствата на Епштајн и не разговарал со него повеќе од една деценија од 2019 година.

Тагови: Епштајн Клинтон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Активни три пожари низ Македонија, во Куманово и Илинден- горат бандери, дрвја и отпад

На територијата на државата до 14:30 часот се регистрирани вкупно пет пожари на отворен простор.

Од нив, три пожари се активни, еден е ставен под контрола, а два пожари се изгаснати.

Како што соопшти ЦУК, активни пожари има: во Општина Демир Хисар – с. Обедник каде гори ниска вегетација, во Општина Куманово – населба Перо Чучо каде се зафатени бандери и дрвја, и во Општина Илинден – с. Јурумлери запален е кабаст отпад.

Под контрола е ставен пожарот во Општините Свети Николе и Лозово – с. Делисинци и с. Сарамзалино, каде гори ниска вегетација.

Изгаснати се пожарите во општините Куманово на ул. „Ѓуро Пуцар“ бр. 38 и во Чашка, во с. Чашка каде горела ниска вегетација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ИН МЕМОРИАМ: Почина познатиот македонски специјалист радиолог д-р Душан Јовановски

По кратко боледување почина истакнатиот македонски лекар, д-р Душан Јовановски, специјалист радиолог со над четири децении кариера во здравството.

Д-р Јовановски, својот професионален пат го започна во Здравствениот дом Кратово во 1989 година, каде беше и Директор од 2005 до 2009.

Од 1987 до 1997 беше спортски доктор на фудбалскиот клуб Силекс, а во периодот од 2000 – 2005 и спортски доктор на Националниот фудбалски тим на Република Македонија

Последните 17 години беше незаменлив дел од тимот на МЕГАМЕД ПЛУС. Колегите и пациентите ќе го паметат како врвен радиодијагностичар со огромна емпатија и висока стручност, кој спаси стотици човечки животи.

Со неговото заминувањето ќе остане огромна празнина во јавното и приватното здравство.

Последниот поздрав ќе се одржи во Четврток, 25 Јуни 2026, од 09:00 до 10:00 часот на гробиштата Ѓорче Петров во Скопје

Нека почива во мир

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ангелов: Уништени две хемиски гранати со боен отров од Првата светска војна

На стрелиштето Криволак уништени две хемиски гранати со боен отров од Првата светска војна.

На стрелиштето Криволак уништени две хемиски гранати со боен отров од Првата светска војна, информира директорот на Дирекцијата за заштита и спасување, Стојанче Ангелов.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.