Живот

Бигорски ги кани верниците на манастирската слава за Рождеството на Свети Јован Претеча–Иванден

Бигорскиот манастир, традиционално, ќе ја одбележи втората манастирска слава, Рождеството на Свети Јован Претеча - Иванден и по тој повод свештената бигорска обител преку објава ги поканува верниците на заедничка прослава.

- Во сабота, на 6 јули, во Свештената бигорска Обител ќе се отслужи сеноќно бдение, коешто ќе започне во 20:30 часот, а на кое молитвено ќе претстои старецот и игумен на бигорската Обител, Неговото Преосвештенство, епископот Антаниски г. Партениј. Во недела наутро, на 7 јули, во 08:45 часот ќе започне архиерејската Божествена Литургија, со којашто ќе чиноначалствува Старецот Епископ г. Партениј, информираат од Бигорскиот манастир.

Додаваат дека славното Бигорско светилиште, кое низ вековите било гордост на нашите предци и столб на нивната православна вера и култура, особено за жителите на овие краишта и денес со истата ревност продолжува да сведочи за евангелската вистина и да ги јакне верата и здравите вредности меѓу народот.

Затоа, порачуваат, да ја покажеме и ние должната почит кон светиот Јован Крстител и нашата пожртвувана љубов кон неговото вековно светилиште, стекнувајќи го на тој начин благословот на светиот Претеча.

- Ја имаме големата чест и радост, во името на Христовиот пророк и крстител, да ги поканиме сите благочестиви Христијани да се присоединат кон неговото големо торжество, бидејќи тој, во денот на своето Рождество е особено благодатно присутен и преку својата славна и чудотворна Бигорска икона и чесните мошти што се пазат во неговиот храм ги слуша и исполнува молитвите на оние коишто со љубов и вера го повикуваат, тоа е денот кога „најголемиот меѓу родените од жена“ ја излева својата од Бога добиена благодат врз сите коишто ревносно го чествуваат неговиот спомен, нагласуваат од манастирот.

Посочуваат дека и кога секој човек неизмерно се радува кога ќе биде посетен од своите драги пријатели на денот на својата свеченост, тогаш „колку ли, пак, повеќе Светиите Божји ги милуваат оние кои ги чествуваат“.

- Молитвите на свети Јован Пророк, Претеча и Крстител, да бидат со сите нас, посакуваат од Бигорскиот манастир.

Традиционално за празникот се очекува големо присуство на верници и гости од сите делови на државава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мечка забележана на една од патеките на Водно

Платформата Ски-Македонија предупредува дека на Водно е забележана мечка, поради што апелираат до посетителите да бидат внимателни при движењето низ шумските патеки.

Според објавените информации, мечката е забележана над Нерези, во близина на селото Горно Крушопек, а информацијата брзо се прошири и меѓу планинарските друштва. Според нив, животното се движи по рутата Јасен – Матка – Нерези.

Засега не биле пријавени напади или други инциденти, но сепак, велат присуството на мечка во овој дел од Водно е доволна причина посетителите да бидат внимателни.

Тагови: Водно мечка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Максим Димитриевски - платениот сателит кој зеде сè, а не даде ништо

Максим Димитриевски нема право да зборува за Изборниот законик.

Човекот кој не донесе ништо, а зеде сè, пари, позиции, тендери и заштита од Мицкоски, сега се обидува да прави дефокус по команда на својот газда.

Максим е класичен сателит.

Создаден и финансиран од Мицкоски за да ја растури опозицијата и да ја штити криминалната група ВМРО.

Денес ЗНАМ повеќе не постои. Остана само Максим, кој сега се обидува да ја наплати својата услуга.

Народот веќе го нарекува „Максим по дивизија“ - човек кој работи за пари и прави токму она што ќе му се каже.

Затоа што ако зборуваше искрено, ќе мораше да признае зошто не може да се донесе Изборниот законик.

Не може да се донесе затоа што ВМРО и Мицкоски сакаат неконтролирано гласање на дијаспората, електронско или по пошта, без никаква вистинска контрола.

Сакаат да отворат врата за масовна изборна кражба, токму онака како што правеа и порано.

Максим исто така го поддржува тоа. Затоа што знае дека повеќе никој нема да гласа за него и за неговата банда.

Неконтролираното гласање му е последната надеж.

Максим Димитриевски, како и секој добар сателит, се обидува да ја сврти приказната.

Но вистината е едноставна:

Не е проблемот во СДСМ.

Проблемот е во Мицкоски и криминална организација ВМРО кои сакаат да крадат избори, а Максим е тука само за да им ја чисти патеката со дефокус и лаги.

Народот веќе знае кој е Максим и за што е создаден.

Народот ќе победи!

Европска Македонија ќе победи!

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Протест на ДУИ во Tетово за заштита на Охридскиот договор

Во организација на Демократската унија за интеграција, вечерва во Тетово се одржува граѓански марш за како што претходно најавија од партијата, заштита на Охридскиот рамковен договор, уставниот поредок и правната сигурност во државата.

Повод за протестот кој почна во 20 часот е одлуката на уставниот суд за именувањето на улиците во Тетово, но од партијата оценуваат дека незадоволството е пошироко бидејќи постои загриженост од намалување на правата и механизмите што произлегуваат од Охридскиот рамковен договор. Според партијата на Ахмети, одлуката на уставниот суд отворал прашања за правната сигурност и за идното третирање на прашања поврзани со охридскиот рамковен договор.

Тагови: ДУИ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.