Избегнувајте седење со воден костум за капење кој ги апсорбира хемикалиите од водата.
Жешките летни денови се особено тешки во градот, па многумина спас од горештините бараат на градските базени. Сепак, како што предупредуваат гинеколозите, одењето на базен може да биде многу опасно бидејќи демнат бројни инфекции.
На ова посебно треба да внимаваат жените, бидејќи пливањето во базен со многу луѓе може да резултира со сериозни уринарни и вагинални инфекции, пишува магазинот Хелт.
Совет од лекарите
Како што објаснила д-р Кетрин Ојстер, лежењето во влажен костим за капење ја нарушува природната рамнотежа на бактериите.
– Освен ова треба да се земат предвид и хемикалиите од базенот што се апсорбираат во ткаенината на костимот за капење и создаваат услови за развој на бактерии кои може да предизвикаат инфекција на уринарниот тракт, прекумерен раст на бактерии во вагината познат како бактериска вагиноза – предупреди таа.
Овие инфекции можат да бидат многу непријатни и најчест симптом е чешањето. Ако состојбата не се лекува, се појавува исцедок. Неопходно е да се посети лекар кој ќе ви пропише терапија.
Според д-р Кетрин, ова може да се спречи така што:
-штом ќе излезете од вода, пресоблечете се во сув костим за капење
-по враќање од базенот задолжително исперете ги костимите за капење
-избегнувајте преполни базени и гужви
Посебна претпазливи треба да бидат трудниците, луѓето со дијабетес и оние кои генерално имаат послаб имунитет бидејќи се поподложни на инфекции од секаков вид. Исто така, доколку земате какви било лекови или антибиотици, најдобро би било да избегнувате одење на базен.
Симптоми:
- чешање или болка во вагиналната област
- вагинален исцедок
- остар и непријатен мирис
- потребата за често мокрење
- болка при мокрење
- чувство на печење
Доколку почувствувате некој од овие симптоми, обратете се кај вашиот лекар или гинеколог, кој ќе ви ја одреди соодветната терапија.