Библиотеката – темел на писменоста и најпосакувано место во градот - Канал 5

Библиотеката – темел на писменоста и најпосакувано место во градот

 Библиотеките треба да станат центри на културата и внатре да ги интегрираат и децата, и возрасните, и најстарите лица.

Библиотеката – темел на писменоста и најпосакувано место во градот

Тоа значи дека библиотеката мора да стане најпосакуваното место. Ако не стане библиотеката најпосакувано место, тогаш значи дека други места од градот стануваат најпосакувани места за младите, како што се обложувачници, кафе-барови, нешто што е доминатно денес наспроти образование, знаење, наука, книга, смета универзитетскиот професор Кирил Барбареев.

Тој додава дека контекстот во кој се наоѓа целокупната библиотека е истиот контекст во кој се наоѓа општеството и затоа државата мора да тргне поенергично со друга визија и друг квалитет на луѓе, со други профили на одлуки што ќе го подигнат нивото.

– Ако се стави приоритет на образованието во нашето општество како клучен приоритет за реформата на сето она што всушност се општеството и државата, тогаш ќе можеме да го фатиме чекорот и ќе можеме да се трансформираме и да ја промениме парадигмата што е клучно за она што е всушност општество во 21-от век, што е тоа библиотеката во 21-от век, што е тоа училиштето во 21-от век, што е тоа професорот, наставникот, ученикот. Суштината е дали ние имаме визија во еден пократок или подолг временски период да се посветиме и да работиме на овие теми заедно, бидејќи интегрираноста, мрежниот концепт на споделување и создавање институции, кои едни со други ќе се надополнуваат, е иднината на библиотеките, потенцира професорот на Универзитетот „Гоце Делчев" во Штип, Кирил Барбареев.

Професорот д-р Мито Спасeвски смета дека темата за библиотеката е исклучително важна. За него, библиотечната дејност е еден од столбовите на опстојбата на духовните творечки, културолошки и јазични аспекти на секоја нација, на секоја популација.

– Таа претставува срж и претставува основоположништво што го доближува човекот до вредностите на творештвото. Библиотечната дејност претставува една од најплодните артерии што ги афирмира вредностите во различни аспекти, вклучително и во делот на литературата, смета професорот Спасевски од Педагошкиот факултет во Скопје.

Интересно е размислувањето на професорката д-р Виолета Мартиновска, која смета дека библиотеката е темел и предизвик на современото човештво, бидејќи нема напредок, нема прогрес, ако не се чита, ако не се влегува во библиотека.

– Најмоќната титула што се слави годинава е 1.150 години од смртта на свети Кирил Философ, всушност беше неговата функција – библиотекар во далечниот 9-ти век. Библиотеките се неминовни во развојот на човештвото, бидејќи ги нудат сите тие потреби за морална, внатрешна, етичка и интелектуална потреба. Сите оние проблеми на 21-от век мислам дека може да се решат низ феноменот на библиотеките, смета професорката Мартиновска.

Советувањето на тема „Библиотеката – темел на писменоста" се одржа во рамките на манифестацијата „Средби под јаворите – Видое Подгорец", во организација на Издавачката куќа „Просветно дело", Билиотеката „Благој Јанков-Мучето" од Струмица и Педагошкиот факултет „Св. Климент Охридски" при УКИМ, Скопје./МИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

„На кавга со Иван“ - Сотир Костов

Во понеделник, во оригиналното шоу „На кавга со Иван“ ќе гостува Сотир Костов

„На кавга со Иван“ - Сотир Костов

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Седум полициски службеници во Србија се притворени во врска со случајот Данка Илиќ

Со одлука на Вишиот суд во Ниш, на седум полициски службеници од Бор им е одреден притвор во траење од еден месец.

Седум полициски службеници во Србија се притворени во врска со случајот Данка Илиќ

Тие се осомничени за злоставување и мачење на Срѓан Јанковиќ и Дејан Драгијевиќ, кои се обвинети за убиството на малата Данка Илиќ. Полициските службеници биле уапсени на 14 ноември. Наводното злоставување се случило додека Јанковиќ и Драгијевиќ биле задржани во Полициската управа во Бор за време на истрагата за убиството, пренесува „Н1 Инфо“.

Судска одлука

Портпаролката на Вишиот суд во Ниш за новинската агенција „Бета“ потврди дека притворот е одреден од страна на судија за претходна постапка – одлука која сè уште не е правосилна. Таа појасни дека одлуката се заснова на Кривичниот законик, наведувајќи ги следниве основи за притвор: опасност од влијание врз доказите или сведоците, опасност од повторување на кривичното дело, како и вознемирување на јавноста поради тежината на стореното дело.

Обвинителство и поврзан смртен случај

Во врска со апсењата, Вишото јавно обвинителство во Ниш соопшти дека претходно издало налози за приведување на полициските службеници. Според соопштението, припадниците на Секторот за внатрешна контрола при Министерството за внатрешни работи во тој момент не постапиле по тие налози.

Минатата недела, обвинителството во Ниш нареди апсење и на уште осум други полициски службеници. Тие се осомничени дека му нанеле тешки телесни повреди на Далибор Драгијевиќ – брат на осомничениот Дејан Драгијевиќ – во полициската станица во Бор. Далибор Драгијевиќ починал на 7 април 2024 година како последица на тие повреди. Вишиот суд во Ниш одреди притвор од 30 дена и за оваа група полициски службеници.

Извор: Индекс.хр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Пронајдени пет лица мигранти од Непал, лишен од слобода криумчарот, следува пријава

Лицето е задржано во полициска станица, а мигрантите се спроведени во прифатен центар за странци во Скопје. 

Пронајдени пет лица мигранти од Непал, лишен од слобода криумчарот, следува пријава

На 17.11.2026 во 22:30 часот во Куманово, кај местото викано „Нато клучка“, полициски службеници од Полициската станица за граничен надзор Сопот при РЦ за ГР Север го лишија од слобода А.И.(29) од Скопје. при контрола во патничко возило „фолксваген голф“ со скопски регистарски ознаки, кое го управувал, биле пронајдени пет лица мигранти од Непал.

Лицето е задржано во полициска станица, а мигрантите се спроведени во прифатен центар за странци во Скопје. По целосно документирање на случајот ќе следува соодветна пријава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер