Во реализација на овој проект, покрај оркестарот на Филхармонија на Македонија, учествуваат музичари од Софиската филхармонија, Државниот симфониски оркестар од Солун, хорот на МОБ, детскиот хор „Пиколо“ и хорот од Музичкото училиште од Солун.

Диригент е маестро Најден Тодоров (Бугарија), кој беше иницијатор на овој проект кој прво се реализираше во Софија, потоа во Солун, и сега, на 20 јуни и пред публиката во Скопје. Како солисти ќе настапат нашата светски позната сопранистка Ана Дурловски, тенорот Николас Спанос од Грција и Иво Јорданов од Бугарија.

„Особено радува фактот што овој концерт ќе биде подарок за граѓаните. Бесплатен и достапен за сите. Големата уметност не треба да познава бариери, туку треба да допира до што повеќе луѓе. Убеден сум дека на 20 јуни ќе бидеме сведоци на вечер што долго време ќе остане во нашите сеќавања не само поради величествената музика на Орф, туку и поради тоа што сите заедно ќе бидеме обединети околу нешто што е убаво, возвишено и заедничко“ – истакна министеротЉутков.

Тој воедно, кажа и дека овој настан има и посебна симболика за нашата земја.

„Пред повеќе од две децении, токму нашата филхармонија беше иницијатор на идејата за Балканска филхармонија, обединувајќи музичари од регионот во име на уметноста и заедничките вредности. Претстојниот концерт на трите филхармонии само ја продолжува таа благородна традиција“– потенцира министерот Љутков на пресот во Скопје.

За Симос Папанас, директор на Државната филхармонија од Солун главната идеја која ја поттикна реализацијата на овој проект беше да се изградат мостови на соработка меѓу балканските земји.

„Идејата беше да изградиме мостови на соработка, да го промениме постоечкиот модел и наратив дека не научивме заедно да работиме и создаваме. Преку овој проект сакавме да го докажеме спротивното, дека можеме заедно да работиме. Дека полесно е може да најдеш двајца музичари кои ќе седнат на еден пулт, отколку двајца политичари кои ќе седнат на иста маса. Живееме во турбулетно време, и нашата мисија како уметници е да покажеме дека можеме да работиме заедно“– истакна Папанас.

За сопранистката Ана Дурловски ова е исклучително важен проект, кој покажува дека музиката може да не обедини и да ги избрише физичките граници меѓу трите земји кои учествуваат во реализација на музичко-сценската кантата „Кармина Бурана“.

„Овој проект покажува колку е значајна културната дипломатија, и дека преку вакви проекти музиката и културата градат мостови, онаму каде што политиката става граници. Се радувам што ќе се видаме следната недела со нашите колеги со кои изградивме искрено пријателство, и заеднички и пред нашата публика ќе создадеме волшебна музичка вечер, исто како со Софија и Солун“ – рече Дурловски.

За концертмајсторот Владимир Костов, овој концерт ќе биде уште една потврда дека универзалниот јазик на музиката.

„Музиката говори на јазик разбирлив за сите, и токму таа универална порака е суштината на овој концерт. Заедно обединети на сцена, повеќе од 200 музичари од три држави уште еднаш ќе потврдат дека музиката руши бариери и обединува“ – рече Костов.

Концертот во Градскиот парк се реализира со поддршка на Министерството за култура и туризам, Амбасада на Р. Грција во Македонија, Град Скопје и бројни спонзори.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Синдикатот на железниците соопшти дека еден од машиновозачите починал, јавува Би-Би-Си.

Во несреќата, која се случила попладнето на линиите што водат кон Лондон, учествувале два воза на компанијата „Ист Мидлендс Рејлвеј“ (EMR) кои патувале кон југ, а причината за инцидентот сè уште се истражува.

Железничките услуги на EMR беа прекинати до полноќ, а денес се очекува прекин на сообраќајот.

„Сите пациенти со најтешки повреди сега се однесени од местото на настанот во болница“, изјави портпаролот на службата за брза помош.

На местото на настанот беа повикани повеќе од 20 амбулантни возила, специјализирани тимови за итни интервенции и шест медицински хеликоптери.

Се верува дека првиот воз застанал поради дефект на безбедносниот систем, пред вториот воз да се судри со задниот дел од првиот воз.

Сите железнички линии во тој дел од Велика Британија се затворени, а националната железничка служба соопшти дека „на патниците им се советува да не патуваат“.

Британскиот премиер Кир Стармер изрази сочувство по смртта на едно лице кое беше убиено во судир меѓу два воза во близина на Бедфорд, објави Би-Би-Си.

„Многу загрижувачки извештаи за судир меѓу два патнички воза во близина на Бедфорд. Прво и најважно, моите мисли се со семејството на лицето кое за жал го загуби животот и со оние кои се сериозно повредени. Благодарен сум на службите за итни случаи за нивниот брз одговор на овој трагичен инцидент“, рече Стармер во објава на платформата X.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Се очекува минимална температура во интервал од 8 до 18, а максимална од 30 до 35 Целзиусови степени.

Според синоптичарите, во Скопје времето ќе биде сончево и топло со мала до умерена облачност. Ќе дува слаб до умерен ветер од северен правец. Минималната температура ќе се спушти до 15, а максималната ќе достигне до 35 Целзиусови степени.

За време на викендов, како што е најавено, претпладне времето ќе биде претежно сончево и топло со мала локална облачност, а во попладневните часови ќе има услови за појава на краткотрајна локална нестабилност. Од почетокот на работната седмица пак, во попладневните часови ќе има услови за развој на нестабилна облачност, проследена со пороен дожд, грмежи и засилен ветер. Ќе дува слаб до умерен ветер претежно од северен правец.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.