Без трета доза, во ЕУ нема да важат ковид- сертификатите

Европската комисија предложила употребата на сертификатот за вакцинација да се ограничи на 9 месеци од примањето на последната доза од примарната вакцина, а важноста на документот автоматски да се продолжи со примање засилена доза од вакцината.

Доколку биде усвоена од Советот на ЕУ, оваа одлука треба да стапи на сила на 10 јануари, велат од Комисијата.

„Сега е можно бустер дозата да биде прикажана на сертификатот, а лицето кое ја примило засилената доза по првиот круг на вакцинација ќе се смета за целосно вакцинирано“, вели комесарот за правда Дидие Рејндерс.

На прес-конференцијата во Брисел, Дидие Рејндерс нагласил дека научните докази покажуваат дека ефективноста на вакцината паѓа по 6 месеци од целосната вакцинација.

„Затоа, кога станува збор за важноста на сертификатот, предлагаме дополнителни три месеци за давање бустер доза за да се прилагодат кампањите за вакцинација и граѓаните да добијат бустер дози.По девет месеци, сертификатите нема да бидат признаени освен ако не се добие бустер доза“, вели Рејндерс.

ЕК нагласува дека важноста на бустер дозата „се уште не е утврдена“ и дека е можно заштитата по бустерот да трае „подолго отколку по примарната вакцинација“.Денеска ЕК препорачала примена на „личен принцип“ кога станува збор за патувања во ЕУ, што ја исклучува употребата само на епидемиолошкот сертификат како инструмент за одредување критериуми и ограничувања.

Сертификатите ќе останат во употреба, но боите на документот ќе се одредуваат врз основа на комбинација од три критериуми - број на новозаразени, тестирани и вакцинирани, велат од Комисијата.

„Во овој случај, ограничувањата не треба да се применуваат за оние кои доаѓаат од „зелените зони“ каде што нивото на пренесување на вирусот е ниско, а треба да се применуваат за невакцинирани и оние кои не биле заразени со ковид, а доаѓаат од области на висок пренос на вируси“, објаснува Рејндерс.

Во случај на деца помлади од 6 години, за нив не треба да важат ограничувањата за патување, додека оние постари од 12 години треба да подлежат на истите правила како и возрасните.Предлогот на ЕК обезбедува и поголема ефикасност и координација на т.н безбедносна сопирачка, која би се применила во случај на ширење на нови варијанти на вирусот или брзо влошување на епидемиолошката состојба.

Во Брисел потенцираат дека досега во ЕУ се издадени 650 милиони сертификати, а со овој систем се поврзани 51 земја, меѓу кои и Македонија.

Кога беа воведени минатото лето, сертификатите беа ограничени на една година, но се очекува овој период да биде продолжен за најмалку уште една година.

Разбојници ја убиле сопругата на легендарен музичар

Сопругата на легендарниот музичар Кларенс Авант е убиена во вторникот во нејзиниот дом во елитната населба Трусдејл Естејтс во Лос Анџелес.

Имено, таа била убиена од крадци кои упаднале во нивната семејна куќа.

Полицијата на Беверли Хилс била повикана во куќата во Трусдејл Естејтс во вторникот вечерта околу 2.30 часот по полноќ, откако на телефонскиот број 911 добиле повик дека некој бил застрелан и убиен.

Сопругата на Авант, Жаклин Авант, итно била пренесена во болница, каде што подоцна починала. Таа имала 81 година.

Семеен извор изјавил за ТМЗ дека разбојниците пукале додека влегле во куќата и ја погодиле сопругата на Авант.

Авант (90) во тој момент бил дома, но не е јасно дали е повреден во нападот.Легендарниот музичар беше примен во Куќата на славните во октомври, а покрај него беше неговата сопруга.

Нивната ќерка Никол Авант е во брак со извршниот директор на Нетфликс, Тед Сарандос.

СЗО: За неколку дена ќе знаеме колку е заразен омикрон

Светската здравствена организација очекува за неколку дена да има повеќе информации за тоа колку е заразен новиот сој на корона, омикрон, изјави денеска техничкиот директор на СЗО Марија ван Керхове.

Во соопштението се посочува дека СЗО ќе има податоци за омикрон многу побрзо од предвиденото, бидејќи Женева претходно соопштила дека ќе бидат потребни недели за да се добијат податоците, пренесе Ројтерс.

Некои од главните прашања се дали сојот е позаразен или отпорен на заштитата од вакцини, а одговорите треба да се почекаат, се додава.

Софија Вергара на луда латино забава во кругот на семејството (ВИДЕО)

Софија Вергара (49) изгледа сензационално на прославата на американскиот Ден на благодарноста, а актерката на социјалните мрежи се пофали со фотографии и видеа од забавата на која присуствуваа членовите на нејзиното семејство.

На ѕвездата од ТВ серијата „Модерно семејство“ и` се придружија помладата сестра, музичарката Вероника (21) и внуката Клаудија (29). Веселото трио танцува пред огледалото, а на Софија подоцна во танцовите чекори и се придружила и нејзината баба.

Се чини дека на споменатата забава не присуствувал актерот Џо Манганиело (44) за кого заносната американско-колумбиска дива се омажи во 2015 година.

- Среќна шеста годишнина од бракот, љубов моја! Уште многу години заедно! Те сакам – напишала Софија на Инстаграм во вторникот.

Двојката се свршила на Божиќ за време на романтичен одмор на Хаваи во 2014 година, само шест месеци откако Вергара раскинала со Ник Лоеб. Тие се венчале во 2015 година во Палм Бич, Флорида. Заедно немаат деца, а Софија е мајка на 27-годишниот син Манол, кој го доби со поранешниот сопруг Џо Гонзалес.

притисни ентер